كنسيلر Makeup Revolution (تقييم - Review)

[الورد الأحمر]

السلام عليكم ورحمة الله وبركاته
بسم الله الرحمان الرحيم

مساء الخير بنات ان شاء الله أموركم تمام
كيف أحوالكم مع الصيف والرطوبة

اليوم رح نحكي ع مستحضر آخر وهو كنسيلر Makeup Revolution
لي هو نفسو لونتي ساغن كل وحدة كيفاش تسميه



بالنسبة لهاذ الكنسيلر لي نسخدمو لغرضين:
الأول: لإخفاء تعب العينين (ليساغن)
الثاني: إضاءة الوجه

كتقييم نمدلو العلامة الكاملة لأنو باختصار
- تركيبتو خفيفة تخليه ساهل للتطبيق والتوزيع
- تركيبتو لخفيفة تسمحلو يتوزع ع مساحة كبيرة
- تغطيتو للهالات السوداء مليحة

فقط ملاحظة اذا استخدمتي أي كنسيلر للإضاءة حاولي
دايما تختاري لون أفتح من لون بشرتك حتى يفي بالغرض

بالنسبة لسعرو 1400 دج يعني مية وربعين ألف
بصح يبقى معاك لمدة تقريبا 4 أشهر حسب الاستعمال

ان شاء الله يفيدكم التقييم ونلتقي في مواضيع أخرى

ننتظر دعمكن لنا على الانستغرام
http://instagr.am/p/B0YWEvcAAlf/

​

- تحياتي - ​

 

[بسملة]

شكرا اختي
يا حبذا لو تقوليلي على احمر شفاه يكون مليح وسعره مناسب
وواش رايك في منتجات essence

 

[الورد الأحمر]

شكرا اختي
يا حبذا لو تقوليلي على احمر شفاه يكون مليح وسعره مناسب
وواش رايك في منتجات essence

العفو حبيبتي ...

أحمر الشفاه لي بأسعار مناسبة وبجودة مناسبة تقدري تلقايها في ماركة Ever Beauty أسعارهم فعلا مناسبة وجودتهم متحسنة بزاف بزاف بزاف ونعمل فيها ثقة كاملة.

بالنسبة لمنتجات essence هذي ماركة تركية ولاباس بيها رغم أني مرات نعتبر أسعارهم أوفر مقارنة بالمنتج وحتى لو نقارنو مع ماركات أخرى عالمية لأنو وقت نلقى الجودة مليحة والسعر غالي تقريبا نفس أسعار أكبر الماركات مثل مايبيلين ولا ريمال ولا لوغيال نفضل طبعا هذو على أني نشري ايسونس هكذاك وعلى حسب واش هاذ المنتج لي راني نفكر فيه بصح ع العموم مستحضرات الماركة هذي ملاح وموثوق فيهم

مشكورة ع المرور عزيزتي

 

[ملكة زوجي]

السلام عليكم ورحمة الله وبركاته
مشكورة حبيبتي على الموضوع الرائع والمفيد يعطيك الصحة لي شاركتينا هذا المنتج
ان شاء الله يستفادوا منو البنات
نحن دائما في انتظار مواضيعك الرائعة​

 

[الورد الأحمر]

السلام عليكم ورحمة الله وبركاته
مشكورة حبيبتي على الموضوع الرائع والمفيد يعطيك الصحة لي شاركتينا هذا المنتج
ان شاء الله يستفادوا منو البنات
نحن دائما في انتظار مواضيعك الرائعة​

وعليكم السلام حبيبتي

أهلا بيك وبالجميع من جديد ... وان شاء الله كل وحدة تحاول تعمل نفس الشي مع المنتجات لي جربتها حتى كل وحدة تدي فكرة ويمكن تكتشف مستحضر جديد ينفعها أحسن من لي راهي تستعملو حاليا.

مشكورة على التفاعل والتواجد الطيب

 

[بسملة]

يعطيك الصحة essence وين ندور نلقاها عليها جامي تولهت للماركات لوخرين
بارك الله فيك