مشكلتي لجأت إلى الله ، و أسألكم الدعاء لي

[الحيرانة]

مرحبا لبنات لجأت لربي سبحانو أسأله الفرج ، وعاونوني بالدعاء حاسة روحي في صيق ، أنا أم لثلاث وليدات ربي يصلحهم و يجعلهم ذخرا للإسلام متخرجة بشهادة ماستر و ماكثة في البيت في البداية كنت رافضة لفكرة العمل لأنو ما نقدرش نخلي طفلي و نبقى طالعة هابطة ما طاوعنيش قلبي خاصة في الشتاء لأني خظت هذي التجربة كي كنت نكمل في دراستي الجامعية،و ذرك الحمدلله وليدي أصبح عمره 7سنوت و الثاني 5 و الأصغر 2سنتين، أصبحت بحاجة مادية و نفسية و اجتماعية للعمل خاصة مع الكراء ، يا لبنات راني وليت مريضة من الوحدة ما عنديش رفقة لدرجة ما عدتش نعرف نتعامل و نتحاور مع الناس منطوية ادعولي ربي يرزقني صحبة صالحة أصبحت نحس روحي غير نراقب في الناس لي من حولي و مع أنا كتومة و نحاول نصبر و نحاول ما نثقلش على أقرب الناس لي زاد انطوائي و زادت وحدتي و زادت مراقبتي للناس و مع الكبت مرضت في صحتي ....... ادعولي يا لبنات نلقى صحبة صالحة و يفرجها عليا ربي بعمل لي ما نظيعش فيه لا ديني و لا أولادي و لا زوجي ، و يكون لي سببا في الاستقرار النفسي والاجتماعي و الديني و المادي

 

[الورد الأحمر]

السلام عليكم ورحمة الله وبركاته

طبعا الإنسان بغض النظر على جنسو بحاجة لحياة اجتماعية وبحاجة لتواصل مع الغير حتى لو كانت عندو شخصية نوعا ما انطوائية إلا ما تتولد عندو حاجة للتواصل مع غيرو.

المكوث بالمنزل لفترة طويلة بالنسبة لي على الأقل يعتبر دمار نفسي أو انتحار بطيئ، لا أدري كيف هي ظروفك وما هي إمكانياتك لكن إن لم تجدي عملا يمكن عمل دورات ع حسب اهتمامتك يعني مثلا دورات طبخ أو حلويات أو خياطة ع حسب هوايتك منها تعززين موهبتك ومنها تتواصلين مع غيرك من بنات حواء وأيضا قد تجدين الصحية المناسبة لك.

أتمنى أن ترتاح نفسك وأن يناولك الله مبتغاك وأن يرزقك من حيث لا تحتسبين ... سلامي لك.

 

[و تمضي الأيام]

السلام عليكم و رحمة الله تعالى و بركاته
ربي يفرج عليك ختي و يرزقك لي فيه الخير لك و لعائلتك اكيد النقص المادي مع الوقت يولي نقص نفسي و معنوي و هذا كله ينعكس على الصحة و تحسي انك بدون فائدة ربما الوحدة لي راكي فيها احسن بكثير من الاختلاط بناس تندمي النهار لي تعرفتي بيهم بما انك كنت تقري معندكش زميلات ما زلتي على تواصل معاهم ..صديقة مقربة ... بنات الجيران في بيت الاهل.. يعني معرفة قديمة ادا عندك كاش هواية حاولي تنميها و طوريها ربما تصبح مهنتك من البيت يعني مع التربية و الاطفال مراحش تلقي وقت باه تمشطي شعرك هههه و احسن شيء انك تستثمري فيهم ستبقى اجمل و ارقى وظيفة للمراة بكل حب هي الامومة لان ولادك مزال صغار و ان شاء الله ربي يكملك لي في خاطرك

 

[رحاب الجزائرية]

اختي الغالية حتى انا مثلك ونفهمك ايضا مستحيل نروح نعمل وحسيت نفسي بلا فايدة لا صديقات ولا قريبات اختي مشغولة في وظيفتها وباقي القريبات كي حالي لي تتزوج ماتبانش وطبعا الصديقات نتاع الدراسة بعد زواجي كل وحدة راحت في طريق عوضت هذا النقص في المنتديات الحمد لله درت اخوات ينصحوني ونحكيلهم همي ونزيدك هذه الزمان النفسية من الشيطان فهمه الأكبر احزان المؤمن ،اشغلي نفسك بالذكر وباولادك الحمد لله البيت عامر عليك تصوري انك بلا اطفال حال الكثيرات


ربي يفرج همك ويسر امرك ويرزقك من حيث لا تحتسبين وان اردت شيئا فاعلمي ان لك اخوات في الله فتحن قلوبهن لك ليس ضروريا ان تعريفهم او تريهم وإنما تتألف القلوب وتتراحم

 

[السلطانة]

وعليكم السلام ورحمة الله وبركاته
الروتين يجعل الشخص يمل من حياته
ان كان زوجك موافق ابحثي عن عمل ليس شرطا عند الدولة ابحثي عند الخاص
مادمتي بحاجة له وتريدين الاختلاط بالناس
فالعمل هو الحل
ربي يوفقك ويرزقك كل خير

 

[نور اليقين]

السلام عليكم ورحمة الله وبركاته
اختي انت طبعا بحاجة الى الاحتكاك بالمحيط الخارجي للتخفيف من ضغوطات الحياة فالوحدة شعور سيء خصوصا وانك ماكثة بالبيت
حاولي تشغلي وقتك بالصلاة و الاستغفار بالدرجة الاولى حتى تحسي بالراحة النفسية ثم اولادك اختي و تلبية حاجياتهم و منه حاولي اختي المشاركة في المنتديات النسائية المحترمة كالمنتدى هادا والله تلقاي فيهم راحتك و تفرغي قلبك كاين اخوات ماشاء الله يوقفو معاك و ينصحوك تشكي لهم و تحكي على مشاكلك و حاولي اختي تتعلمي خياطة و الا اي حرفة تفيدك و تفوتي بيها الوقت طبعا اذا كان زوجك يسمح بهاذا
ماتخليش نفسيتك تتعب اختي حاولي تتغلبي على الوحدة تاعك لانك راح تمرضي روحك ونتي صغيرة و اولادك و راجلك بحاجتك خمي في روحك و شغلي روحك في حوايج يفيدوك المهم ماتخميش بسلبية
ربي يفرج عليك اختي لعزيزة

 

[عفراء]

ربي يفرج عليك أن؛ شاء الله
ويسرلك امورك ويرزقك ما هو خير لك ولاسرتك لاتنسي الدعاء وكثرت الاستغفار فهما أكبر سلاح للمؤمن
وفقك الله وسدد خطاك

 

[The queen]

السلام عليكم....
انقطاعك عن الوسط الخارجى وعزلتك عنه بحد ذاته هدم لنفسيتك والفراغ الكثير يعود باضرار نفسية كبيرة على اى شخص كان لذلك من اساسيات الحياة المتوازنة في نظرى القيام باعمال مفيدة بشكل عام لهدف التخلص من الوقت الزائد و التمتع بشعور كونك عضو فعال في الحياة
ربي يهنيك ختيتووو

 

[ام محمد الجزائرية]

منيش راح نزيدلك اختي اكثر مما قالوه الاخوات
الحالة الي انت فيها مرة على كل وحدة ربة بيت خصوصا على وحدة قرات وخلصت ولقات روحها ضيعت كل مقراتو وشهادة مخبية ولا معلقة في الحيط
لازم تستغفري وتصلي وتدعي الله باش يتنح عليك الضيق وتخرجي من هذه الحالة
افعلي ما نفعله نحن معشر نساء المنتديات هههه انا عن نفسي لقيت اجمل صديقات اخوات حبيبات عن طريق المنتدى تنحي على بالك معاهم ، تشكي همك يحاولو مساعدتك ولو نفسيا ، عالم افتراضي يريح الاعصاب
من الناحية المادية اذا متقدريش تخرجي تخدمي ، ديري عفسة في الدار خياطة مثلا او قاطو اتعلمي ساهل و اتعاملي بالانترنات والهاتف ويجيوك يديو سلعتهم من بيتك ومنها تشوفي لعباد وديري صحبات وتدي دراهم عصفورين بحجر واحد
علابالي دورك تقولي قريت وعلى لخر نخدم خدمة كي شغل ماقريت موالو ، اتفكري بلي ربحتي اولادك وبيتك عامر مهوش ضايع وشوفي الحوايج الحميدة وطلعي لروحك المورال والخدمة مهيش عيب ولقراية كنز لفكرك و لحياتك ودبلوم سلاح مخبي

 

[منيني]

السلام عليك
ضد أن نقرا وقاتلة عمري ومنبعد نبطل خدمتي
راكي عزلتي روحك في دار وهذا دمار كما قالولك وانتحار
محبيتيش تخدمي متقتليش روحك
الحياة ماشي زواج راجل ودار وولاد
الوقت مازال عندك اذا راجلك قابل اخرجي حوسي على الخدمة حتى وعند بريفي
ربي يقدرك ويفرج عليك

 

[اميرة على عرش الالم]

السلام عليكم
والله ان الانطواء هو اكثر شيء مدمر للنفسية انت ممكن تكوني خسرت أصدقائك بعد الزواج لهذا تشعرين بالوحدة لكن أين ذهبنا نحن؟؟!
تأكدي أنك مثل أختي التي لن أترك نفسيتها تسوء

 

[طير الجنة]

السلام عليكم
اختي ربي يفرج عليك ويرزقكي من حيث لا تحتسبين

 

[ام ايناس]

ربي يفرج عليك ويرزقكي من حيث لا تحتسبين

 

[قطرات المطر]

السلام عليكم ورحمة الله وبركاته
الاخوات ما قصرن لك بالنصح ولم يتبقى لي سوى الدعاء لك أختاه..
ربي يفرج همك ويشغلك بما ينفعك فالعمر قصييييير...

 

[Autumn leaves]

الفراغ اساس مشكلتك بحسب ما قرأت ،،
إذا لم تتمكني من العمل ،،
فيمكنك استثمار وقت فراغك بممارسة هواياتك
المختلفة ،،
كذلك وجودك هنا وسيلة لاكتشاف بعضا من جوانب شخصيتك ومهاراتك ،،
التزاور أيضا واحدا من ضمن الأمور التي تشغلك عن التفكير في وحدتك ..
مع إن وجود ثلاث أطفال في حياتك ماشاء الله
سيشغل وقتك ..
الله ييسر أمرك

 

[نوال هبة]

ربي يفرجها عليك ويجعلك مخرج ولقيك بالصحبة الصالحة لان الصاحب سحب ربي يفرج ضيقك ويبدل حالك الي الأفضل تقي بالله هو الوحد لقادر على ان يعنوك على وحددك ويجعل لك سبيلا
تقبلى تحياتي

 

[ام الياس 22]

راني حاسة بيك دقولي قريت باطل وتقعد وحدك لازم تتلهي باشياء مثل طبخ او تقدري ديري دروس خصوصية انا زوجي مبغانيش قاع نخدن ربي معانا وربي يأجرنا يارب