يومياتك ياحواء في رمضان ؟ شاركينا الفضفضة

[أم وسيم]

@الورد الأحمر

خسارة عليك نونو دي انا هو انتي معرفتنيش ههههههههه
اسكتي عليا روتين هدا لي هدرت عليه راه والو قدام اليومين لي فاتو عليا مرضلي وسيم نبات ساهرة نقيس فالحمى
وكل دقيقة ينوض يبكي نوض بعينيا مغمضين ندكلو سوسات يافيها جات في عينو يا في خشمو هههههه

ياو كون غير جينا نقدرو نرجعو للماضي انا مثلا نتحكم روحي وانا صغيرة نعطيها طريحة حتى تخلى عليها نقولها ودرتيلي لينارجي فالصغر
وشيبتيني قبل الوقت حلوفة واااااااااا

واخيرا النور نورك يا نور ^_^ ماغسي وصح مبعد لفطور يا حبي

 

[أم وسيم]

اهلا وسهلا اختي ام وسيم نورتي المنتدى اتمنى لك اقامة طيبة معنا
​

مشكورة حبيبتي النور نورك
انا راني من ليزونصيان سقسيهم برك عليا (كي كنت سيليباطار) هههههه
منورة

 

[The queen]

@أم وسيم نورتى ختيتووو ☺☺ ازمة تاع راقاد نونسك فيها الرقاد كى يخطيك صعيب حالة نفسية خاصة هههههههههه
اهلا بيك ختيتوو نورتى

 

[الورد الأحمر]

@أم وسيم

الله يحفظو ويشفيه ...

ضحكتيني تاع منين تجي السوساث تجي هههه ربي يعينك والله صعيبة التربية

والله يسلمك وصحة فطورك حتى انتي

 

[Just faith]

آهلا @أم وسيم ربي يحفظ ولدك ويجعله من الذرية الصالحة ويشفيه

صحا فطوركم مقدما

والله غير حالتي حالة مع القرايا ماذقت لا رمضان تاع العام لي فات ولا هدا رمضان
تقصيري في الواجبات العائلية والعبادة وفي كلش
ربي يكتب لي فيه الخير ويغفر لي

 

[الورد الأحمر]

آهلا @أم وسيم ربي يحفظ ولدك ويجعله من الذرية الصالحة ويشفيه

صحا فطوركم مقدما

والله غير حالتي حالة مع القرايا ماذقت لا رمضان تاع العام لي فات ولا هدا رمضان
تقصيري في الواجبات العائلية والعبادة وفي كلش
ربي يكتب لي فيه الخير ويغفر لي

مازلتو تقراو؟

احنا ع أساس الأسبوع هذا اللخر مبعد قلنا نلحقو الأسبوع الجي ع جال وحد المقياس ما كملناش لبروغرام فيه مي رح نقراو الأحد ونحبسو حتى للامتحانات في 15 جوان ولا 19 نسيت ههه

 

[Just faith]

مازلتو تقراو؟

احنا ع أساس الأسبوع هذا اللخر مبعد قلنا نلحقو الأسبوع الجي ع جال وحد المقياس ما كملناش لبروغرام فيه مي رح نقراو الأحد ونحبسو حتى للامتحانات في 15 جوان ولا 19 نسيت ههه

لا لا كملنا عندنا شحال قبل رمضان كان باقيلنا 3 موديل مكملناهمش من أصل 9 سمانا كاملة وحنا نقراو غير فيهم
ايا كملنا في 15 ماي كلش
تخيلي في كل مديل 6 لي شابيتر وفي كل شابيتر 4 لي كور وكل كور فيه كثر من 20 صفحة تاع وورد
هاذي معاناتي قصدت بالقرايا الحفيظ لي باقيلي منا ل 9 جوان
على هذا مقديتش نحس برمضان

 

[الورد الأحمر]

لا لا كملنا عندنا شحال قبل رمضان كان باقيلنا 3 موديل مكملناهمش من أصل 9 سمانا كاملة وحنا نقراو غير فيهم
ايا كملنا في 15 ماي كلش
تخيلي في كل مديل 6 لي شابيتر وفي كل شابيتر 4 لي كور وكل كور فيه كثر من 20 صفحة تاع وورد
هاذي معاناتي قصدت بالقرايا الحفيظ لي باقيلي منا ل 9 جوان

اه تمام أنا حسبت مازلتو تقرا

أنا عندي غير 7 مديل والمديل الاساسي لي جردنا فيها بزاف والمعامل تاعو 3 خرجت الأستاذة تاعو ولدت وجابولنا غيرها قالتلنا كلش قريتوه مع الاستاذة اللولة مش داخل في الامتحان لانو مش انا لي قريتهملكم ويا فرحتااااه ههههه

والباقي ولاو يلخصولنا برك ويفوتو الشي المش مهم على خاطر الوقت كمل والبرنامج ما كملش لأنو شحال واحنا اضراب وما عندناش بزاف منلي رجعنا نقراو وزيد ما نقراوش كل يوم غير 3 أيام في الأسبوع حب يقول الوقت ضيق خلاص وجا في صالحنا كلش ملخصات ماكانش التوسع هذاك السامط

ربي يقدرنا والله ينححنا وينجح الجميع في مجالو

 

[Just faith]

اه تمام أنا حسبت مازلتو تقرا

أنا عندي غير 7 مديل والمديل الاساسي لي جردنا فيها بزاف والمعامل تاعو 3 خرجت الأستاذة تاعو ولدت وجابولنا غيرها قالتلنا كلش قريتوه مع الاستاذة اللولة مش داخل في الامتحان لانو مش انا لي قريتهملكم ويا فرحتااااه ههههه

والباقي ولاو يلخصولنا برك ويفوتو الشي المش مهم على خاطر الوقت كمل والبرنامج ما كملش لأنو شحال واحنا اضراب وما عندناش بزاف منلي رجعنا نقراو وزيد ما نقراوش كل يوم غير 3 أيام في الأسبوع حب يقول الوقت ضيق خلاص وجا في صالحنا كلش ملخصات ماكانش التوسع هذاك السامط

ربي يقدرنا والله ينححنا وينجح الجميع في مجالو

آمين ربي يوفقنا كامل

 

[السلطانة]

انا ليوم عطشت بزاف بزاف قراف
زادو عليا لينار استغفر الله واتوب اليه

 

[الورد الأحمر]

صحة فطوركم الله يتقبل

@السلطانة ديما كي تعصبي قولي اللهم اني صائمة واستغفري

 

[The queen]

صح فطوركم لبنات ناويينها سهراا






ولا رقدةةةةةةة

 

[الورد الأحمر]

صحة فطوركم

أنا سهرة

 

[الورد الأحمر]

صحة سحوركم

صباحوو ويومكم سعييد

 

[جزائرية وافتخر]

مرحبا كيفكم لاباس؟؟