طريقتي في التقاط الصور للمواضيع

[الورد الأحمر]

السلام عليكم ورحمة الله وبركاته
بسم الله الرحمان الرحيم

أهلا بعضوات وزائرات منتديات حواء الجزائر

تعتبر الصور في المنتديات الأداة الأساسية لجذب الانتباه للمواضيع وحتى تعتبر
بصمة لصاحبتها حتى مع الوقت تصبح العضوات تبحثن عن مواضيع عضوة دون
الأخرى فقط لأن تلك تضع بصمتها في الصور وتجعلها واضحة وأيضا جميلة

في هذا الموضوع سأشارككم تجربتي المتواضعة في التقاط الصور لمواضيعي
وجعلها تبدو جميلة وواضحة وذات لمسة خاصة بعيدا عن التكلف أيضا ~

أولا:
أختار مكان فيه إضاءة عالية يكون أمام النافذة أو في غرفة إضاءتها الكهربائية عالية
وعادة ما ناخذ الصور بالإضاءة الكهربائية مش النهارية العادية ...

بعد اختيار المكان أختار الخلفية المناسبة لطبيعة الشي لي رح آخذلو صورة وعادة ما استخدم
لونين لخلفيات صوري إما أبيض أو بنفسجي ...

بعد الخلفية أختار الإضافات الجمالية للخلفية حتى ما يكونش الشي المراد تصويرو وحيد في الصورة
وتكون الصورة فارغة وفي نفس الوقت لازم يبقى التركيز ع الشي المراد تصويرو ماشي الإضافات ...

وهكذا نكون جهزت كل شي لأخذ الصورة مثل ما هو موضح بالصورة



ثانيا:
بعد ما نكون جهزت كل شي للتصوير يكون وقت التصوير يعني الكاميرا ...

أول شي نعملو نتأكد أنو العدسة نظيفة ونمسحها قبل التصوير ...
لفلاش أبدا أبدا أبدا ما نستعملو ...
نركز ع الشي المراد تصويرو يكون في وسط الشاشة والباقي يبقى مجرد إضافات ...
أختار الزاوية الأجمل للتصوير بتحريك العدسة في كل الاتجاهات حتى نلقى الجهة الأنسب ...
نعمل تركيز ع الغرض المراض تصويرو حتى يكون واضح وماشي مضبب والعدسة تركز عليه وناخذ الصورة ...

ثالثا:
عادة ما نعمل الصور بمقاسات صور الإنستغرام يعني تكون الصور 1:1 على شكل مربع ...
أستخدم أعلى جودة للكاميرا وتقطيع الصورة يكون بعد أخذها ...
أعمل تعديلات ع الصورة من حيث تعديل الإضاءة والظلال ...
أعمل إضافات ع الصورة بالتطبيقات عبر الهاتف ع حسب ذوقي ...

وهكذا تكون الصورة جاهزة لطرحها في المواضيع أو حتى في مواقع التواصل الاجتماعي
وهذي نتيجة جلسة التصوير هذي



ملاحظة: كل صوري ألتقطها بعدسة هاتفي النقال
كل التعديلات والإضافات تتم على الهاتف أيضا

---

ان شاء الله تكون طريقتي واضحة وان شاء الله نكون أفدتكم ولو بمعلومة صغيرة عن طريقتي في التصوير
- أي أسئلة أو استفسارات يمكن طرحها في الردود وكذلك لا تحرمنني من تفاعلكن -

​

- مودتي -​

 

[ام ايناس]

مشكورة على النائح القييمة ولي كلنا بحاجة ليها يعني فوقتها ههه صوري دايمن ضلمة وغالب عليها الون الاحمر يمكن من الهاتف نايعي مش نوعية مليحة

 

[الورد الأحمر]

مشكورة على النائح القييمة ولي كلنا بحاجة ليها يعني فوقتها ههه صوري دايمن ضلمة وغالب عليها الون الاحمر يمكن من الهاتف نايعي مش نوعية مليحة

أهلا حبيبتي ...

ركزي فقط على الإضاءة وأبدا لا تستعملي لفلاش خاصة في الصور لي لازم تقربي العدسة من الشي المراد تصويرو.

طبعا جودة الكاميرا لها دور في جودة الصور لكن ممكن ببعض الحركات أن تجعلي من صورك جميلة وذات جودة

مشكورة حبيبتي على المرور الطيب والتفاعل

 

[ام ايناس]

أهلا حبيبتي ...

ركزي فقط على الإضاءة وأبدا لا تستعملي لفلاش خاصة في الصور لي لازم تقربي العدسة من الشي المراد تصويرو.

طبعا جودة الكاميرا لها دور في جودة الصور لكن ممكن ببعض الحركات أن تجعلي من صورك جميلة وذات جودة

مشكورة حبيبتي على المرور الطيب والتفاعل

مشكورة عزيزتي وياريت تنصحيني اسم نوعية كاميرة لاني قليلت الخبرة

 

[الورد الأحمر]

مشكورة عزيزتي وياريت تنصحيني اسم نوعية كاميرة لاني قليلت الخبرة

صراحة حبيبتي أنا أستخدم كاميرا الهاتف.. هاتفي من نوع Samsung Galaxy Note 5 ولطالما صورت بالهاتف مهما كان نوعو وحتى مع هاتف كانت كاميرتو أقل جودة لكن كنت بالإضاءة المناسبة وبالتعديلات على الصورة نتحصل على صور جميلة لمواضيعي

يمكن تستعيني بكاميرات اخرى لهواتف أخرى هاتف الزوج مثلا فقط للتصوير وبعدها تحولي الصور لعندك وتعملي تعديلات عليهم.

ان شاء الله رح نعمل شرح مفصل على التطبيقات لي نستخدمهم في التعديل

 

[ام ايناس]

راح نتبع نصائحك وان شاء الله تكون نتيجة

 

[الورد الأحمر]

ان شاء ابله حبيبتي

 

[كلي أمل]

يعطيك الصحة ولله خرجت صورة روووعة
انا نحب نصور بصح نتقلق ثم ثم خاصة اذا شفت الصورة تعيف هههه
مشكووورة مرة ثانية وان شاء الله راح نتبع نصائحك

 

[الورد الأحمر]

يعطيك الصحة ولله خرجت صورة روووعة
انا نحب نصور بصح نتقلق ثم ثم خاصة اذا شفت الصورة تعيف هههه
مشكووورة مرة ثانية وان شاء الله راح نتبع نصائحك

العفو حبيبتي ...

حتى أنا كي تكون الإضاءة مش مليحة نقلق من التصوير نحب لازم يكون الضو عالي ومرات الضو يحلف يكون مليح ومناسب

ان شاء الله تستفادي من النصائح وتجربي وتلقاي فرق في النتيجة

مشكورة على التفاعل مع الموضوع حبيبتي

 

[السلطانة]

وعليكم السلام ورحمة الله وبركاته
فكرتيني بوحد الجلسة تاع تصوير غالب عليها ال pink
حطيتيها وحد العام
يعطيك الصحة على جلسة البياض

 

[الورد الأحمر]

وعليكم السلام ورحمة الله وبركاته
فكرتيني بوحد الجلسة تاع تصوير غالب عليها ال pink
حطيتيها وحد العام
يعطيك الصحة على جلسة البياض

ههههه وي كنت بالغوز وقلبتها أبيض ولا بنفسجي وهكذا أحسن يكون الشي لي حابة نصورو أوضح

شكرا حبوبة على المرور الطيب تسلمي

 

[الورد الأحمر]

@رحاب الجزائرية @و تمضي الأيام @فريدة @Èÿlùl @عفراء @أشواق الجنان @دروب الأمل @فتاةالحقيقة و الخيال @ملكة زوجي @Malika Tlm

 

[منيني]

السلام عليك
مشكورة على الموضوع والنصائح

 

[رحاب الجزائرية]

موضوع حيد وطالما أعجبت بطريقة تصويرك خاصة في المواضيع نتاعك كل الصور واضحة وجميلة
وإضافة الى كاين ا الهاتف أصلا الجالاكسي بكل أجياله متفوق من حيث نوعية الصورة و هو والابل لحسن الحظ عندي الجهازين برك نتوقف في اختيار الصور

 

[Èÿlùl]

وعليكم السلام
شكرا على الطرح المهم والمفيد
غالبا يعني نلقاو مشكل مع الإضاءة والالوان ههه
الصورة خرجتلك راااائعة تبارك الله
تسلمي حبيبتي

 

[نورهان]

اعجبني الموضوع مشكورة اختي الغالية
انا نصور بكاميرا الهاتف مرات الصورة تكون واضحة او مرات تكون مضببة

 

[الورد الأحمر]

السلام عليك
مشكورة على الموضوع والنصائح

العفو حبيبتي نتمتى يفيدو كل مارة من هنا

مشكورة على مرورك

 

[الورد الأحمر]

موضوع حيد وطالما أعجبت بطريقة تصويرك خاصة في المواضيع نتاعك كل الصور واضحة وجميلة
وإضافة الى كاين ا الهاتف أصلا الجالاكسي بكل أجياله متفوق من حيث نوعية الصورة و هو والابل لحسن الحظ عندي الجهازين برك نتوقف في اختيار الصور

أهلا حبيبتي ...

طبعا الكاميرا تلعب دور كبير في وضوح وجودة الصور بصح يمكن بكاميرات بسيطة تعملي صور رائعة فقط بشوية حيل

طالما عندك الجهازين مالا أتحفينا بصور بمستحضراتك أو حتى أطباقك أو أي شي يخص شؤون واهتمامات المرأة

مشكورة على المرور الطيوب

 

[الورد الأحمر]

وعليكم السلام
شكرا على الطرح المهم والمفيد
غالبا يعني نلقاو مشكل مع الإضاءة والالوان ههه
الصورة خرجتلك راااائعة تبارك الله
تسلمي حبيبتي

اهلا حبيبتي والعفو ...

طبعا الاضاءة اذا كانت مش مناسبة ولا مش عالية كفاية راح تكون الصورة مظلمة ومش واضحة علابيها الإضاءة شي مهم عند التقاط الصور

مشكورة عزيزتي على مرورك وتسلمي

 

[الورد الأحمر]

اعجبني الموضوع مشكورة اختي الغالية
انا نصور بكاميرا الهاتف مرات الصورة تكون واضحة او مرات تكون مضببة

اهلا حبوبة والعفو ...

الهاتف أسهل شي تصوري بيها واذا تخرج مضببة معناها العدسة مش نظيفة امسحيها بقطعة قطن أو حتى بلباسك ورح تشوفي الفرق

كاين مرات تكون مضببة فيهم لو توجهي العدسة في اتجاه مواجه للاضاءة العالية رح أشعة الاضاءة العالية تظهر ع الشاشة على شكل ضباب

شكرا على مرورك عزيزتي