مُساعدة في شراء غسّالة ملابس...

[مدآرج السّالكين]

بسم الله الرّحمن الرّحيم
السّلام عليكم ورحمة الله وبركاته

كيف حالكنّ أخواتي؟؟ عساكنّ في صحة وعافية

أريد شراء غسّالة ملابس يكون حجمها 6 أو 7 كغ،، وتفتح من فوق وتعصر الملابس واستطيع أن أستعمل فيها الصابون العادي
فهل أجد غسّالة بهذه المواصفات وماهي الماركة التي تنصحنني بها وكذلك اريد معرفةالاسعار بالتّقريب
أرجو التفاعل معي أخواتي وجزاكنّ الله خيرا مسبقآآ​

 

[الورد الأحمر]

السلام عليكم ورحمة الله وبركاته

صراحة ما عندي فكرة ان شاء الله الأخوات يفيدوك

 

[عآبرة ألم]

ماركة براند أو سامسونغ حوالي 6ملايين الجي أكثر طبعا
بيكو 4ملاين تقريبا
شوفي كاين لي يسخنو وحدهم الما وشوفي مستوى الضجيج كذلك
وكوندور وستار لايت يجو في حدود 3ملاين وطلع
وتان شوفي شحال من دورة يدوروها في دقيقة وشوفي استهلاكهم للكهرباء وقوة المحرك
تحسبي طونبيل وحتشريها ههههههه

 

[و تمضي الأيام]

و عليكم السلام و الرحمة
لا اظن ان هناك غسالة ملابس تغسل بالصابون العادي يجب الصابون المخصص لها سواء اوتوماتيك او نصف اوتوماتيك انا نفضل صابون سائل احسن من الغبرة ماركة لي عندي brandt 8 kg 1400tr/mn و دزجة حرارة توصل حتى 90° زمااان شريتها 5 ملايين اكيد لون ابيض لان اللون الابيض ارخس من الالوان الاخرى LG غالية شوية حتى 10 ملايين كاين ماركات اخرى محلية من 3 ملايين ما فوق اوتوماتيك شوية غاليين خاصة كي تكون ماركة مليحة لانها تسخن الماء وحدها و تشلل و تعصر وحدها و هادوك نصف اوتوماتيك يكونو ارخص شوية من 800 الف ما فوق حسب كغ

 

[الورد الأحمر]

فقط لا أنصحك بكوندور لأنو كل من عندهم فسدتلهم في أقل من سنة أو سنتين

 

[عآبرة ألم]

فقط لا أنصحك بكوندور لأنو كل من عندهم فسدتلهم في أقل من سنة أو سنتين

كوندور تع العصابة هههه غير اخطيك

 

[كلي أمل]

السلام عليكم
احسن ماركة هي ألجي او سامسونج وسعرهم من 5 الي 6 ملايين
واذا حابة لي تغسل بصابون عادي اشري غسالة تاع بلاستيك تقدري حتى ديري فيها جافيل عادي وسعرها من 700 حتى مليون ونص
بصح ماننصحكش بيها لانو فيها تكسار راس

 

[السلطانة]

غدوة نكتبلك اسم غسالتنا في الدار
نخدمو بيها بصابون الحجرة عادي
او اي نوع خاص بالغسالات
تغسل وتعصر
غسالة عادية تتع بلاستيك

 

[رحاب الجزائرية]

براند افضل الماركات نتاعي هذي ثمان سنوات شريتها خمس ملايين
بصح قريبتي شرات وحدة تنفتح من الفوق واوتومتتيك بزوج ملايين وراهم كاينين نتاع زوج برك درك نسال على اسمها ونقولك

 

[السلطانة]

لامارك artcol

لي شاريينها في الدار تدير مليون و700
تاع بلاستيك لي يتفتحو من فوق
تغسل وتعصر

الصابون نستعمل فيها صابون الحجرة وتطلع القش مليح
وتقدري تستعملي الغاسول لي يتباع

واكيد كل واحد ومقدورو
كي تشري الغسالة ياريت تشاركينا بيها بتقرير
تحياتي اختي

 

[سلوى بن فرج]

فقط لا أنصحك بكوندور لأنو كل من عندهم فسدتلهم في أقل من سنة أو سنتين

كل ما هو مدعوم بشدة في الإعلانات التلفزية تنقاد نحوه الأسر للأسف دون تروي عن الجودة فمن يقوم بالإعلانات للغسالة يدرس الحالة النفسية للمشاهد.

 

[مدآرج السّالكين]

السّلام عليكم ورحمة الله وبركاته
أشكركنّ جزيل الشّكر اخواتي في الله على المساعدة والمجهودات
أنا أريد أن اشتريها بسيطة حتى ولو كانت مستعملة
بصراحة 4 أو خمس ملاين غالية جدّا بالنّسبة لميزانيتي في الوقت الحالي
سأبحث عن الماركة التي أخبرتني عنها أختي السلطانة
وبالنّسبة للأخت التي قالت بأنه لا توجد غسالة تغسل بالصابون العادي، أنا رأيت احدى القريبات لها غسالة IRIS تستعمل فيها صابون تست للأواني
عموما إذا اشتريت غسالة سأشاركها معكنّ إن شاء الله
وشكرا مجدّدا عل المشاركات القيّمة
سلآم​

 

[عآبرة ألم]

ايريس اسوء ماركة في جزائر كثر من كوندور سورتو هذي تع هاتف ذكي ولا غسالة ذكية هههه كلش غبي عندها هههههه وثلاجات متحكيش خير
شوفي كاين بيكو لي شوي سومة مقبولة
اصبري وتحزمي على وحدة الله الله خير ما ترمي دراهمك على حاجة تشدلك عام ولا اقل

 

[و تمضي الأيام]

السّلام عليكم ورحمة الله وبركاته
أشكركنّ جزيل الشّكر اخواتي في الله على المساعدة والمجهودات
أنا أريد أن اشتريها بسيطة حتى ولو كانت مستعملة
بصراحة 4 أو خمس ملاين غالية جدّا بالنّسبة لميزانيتي في الوقت الحالي
سأبحث عن الماركة التي أخبرتني عنها أختي السلطانة
وبالنّسبة للأخت التي قالت بأنه لا توجد غسالة تغسل بالصابون العادي، أنا رأيت احدى القريبات لها غسالة IRIS تستعمل فيها صابون تست للأواني
عموما إذا اشتريت غسالة سأشاركها معكنّ إن شاء الله
وشكرا مجدّدا عل المشاركات القيّمة
سلآم​

السلام عليكم حبيبة
اذا تسمحيلي بعد اذنك ننصحك متقلقيش و تشري يقولك بطا و جيب الكامل معليش صبري و زيدي لايمي بشوية و شري حاجة تستاهل تقعدلك الدهر ان شاء الله و في الالات الكهرومنزلية شري حاجة جديدة متشريش مستعمل و استعمليها انت فقط ماتسلفيها ما تمديها و الغسالة لي تغسل ب اي صابون هادي غسالة برهوشة لا ميموار رايحتلها ههههه و انتي ادرى حبيبتي و الله يوفقك في الشراء في انتظار مشاركتنا اياها

 

[و تمضي الأيام]

ايريس اسوء ماركة في جزائر كثر من كوندور سورتو هذي تع هاتف ذكي ولا غسالة ذكية هههه كلش غبي عندها هههههه وثلاجات متحكيش خير
شوفي كاين بيكو لي شوي سومة مقبولة
اصبري وتحزمي على وحدة الله الله خير ما ترمي دراهمك على حاجة تشدلك عام ولا اقل

ههههههه كاينة منها تعرفي حماتي شرات تلفاز اريس كي تشوفيه عينيك يعوارو علقاته و فرحانة بيه مكملش شهر و حبس وحدو

 

[عآبرة ألم]

ههههههه كاينة منها تعرفي حماتي شرات تلفاز اريس كي تشوفيه عينيك يعوارو علقاته و فرحانة بيه مكملش شهر و حبس وحدو

انا سلفتي وعجوزتب شراو ثلاجات ههههه
خزانة احسن منهم
في اول شهر طارت يدو بقا غير ثقبات هههههه
غير اخطيك السومة متكذبش حبيبة

 

[السلطانة]

الغسالة كيف لي عندي
كيما قتلك نستعمل فيها الغاسول تاع le chat
او bingo او اي نوع
ونغسل فيها ايضا بصابون الحجرة نراpيه ونغسل بيه يطلع القش روعة خاصة الملابس البيضاء والملابس الداخلية يردها تشعل

 

[مدآرج السّالكين]

السّلام عليكم ورحمة الله وبركاته

شكرا لكنّ أخواتي في الله، استفدت كثيرا من نصائحكنّ
سأشتريها جديدة بإذن الله
ربّما ليس في هذه الفترة لكن عندماأستقر على ماركة معينة واشتريها ساشاركها معكنّ
أختي السّلطانة ممكن صورة من فضلكِ​

 

[أم الزهراء]

فهمتك اختي خاصك واحدة تاع بلاستيك
انا عندي ستارلايت مليحة