حفلة البيبي شاور الموضة لجديدة!

[الورد الأحمر]

السلام عليكم ورحمة الله وبركاته
بسم الله الرحمان الرحيم


مساء الخير عساكم بخير وصحة فطوركم الله يتقبل
-
حبيت نحكي ع ظاهرة انتشرت مؤخرا بكثرة في الجزائر وشفنا منها عينات في السوشيال ميديا
وهي ظاهرة البيبي شاور ولا الإحتفال بالمولود الجديد !



لي ما يعرفوش التسمية هذي هي حفلة تعمل قبل ما يولد المولود وفيها يعلنو ع جنس المولود
إذا أنثى أو ذكر بطريقة مش كيف العادة يعني مثلا يجيبو كيك ويقسموه وإذا أنثى يكون داخل الكيك
وردي وإذا ذكر يكون داخلو أزرق ولا يجيبو بالونات ويفرقعوهم وإذا أنثى ينزل منهم ريش أو أي شي حطوه
الداخل يكون باللون الوردي وإذا ذكر يكون باللون الأزرق وكذا ... وأيضا يعملوا ليستة بواش ناقصهم للمولود
لجديد وكل وحدة معروضة للحفلة تجيب كادو بهذوك الأمور لي ناقصين وكذا ... وتكون كاينة مأكولات خفيفة
وحلويات باللون الأزرق ولا الوردي ولا الزوج معا للتمويه يعني كل وحدة كيفاش تنظم الحفلة تاعها ... !!

احنا نعرفو أنو هذو الحفلات مش من ثقافتنا وإذا عندنا شي متعلق بالمولود الجديد والفرحة بيه عندنا ما
يعرف بالعقيقة ولا بعد الولادة العائلة تزور المرأة لي ولدت ويجيبولها هدايا للمولود لجديد غير هكذا ما سمعناش

بزاف لي ولاو يعملوا هذي الحفلة وبالنسبة ليهم من وجهة نظرهم عادي ومجرد فرحة بالمولود لجديد فقط
وانتو واش رايكم في الظاهرة هذي ؟
​

- تحياتي -​

 

[السلطانة]

وعليكم السلام ورحمة الله وبركاته
يعطيك الصحة هاذ الظاهرة راهي بدات تشيع في مجتمعنا وبدات ترجع موضة
بعدما كنا نشوفوها عند الغرب حسب معتقداتهم وخاوتنا الخليجيين لي معروفين بالبذخ والجاه والمال جاو الجزايريين قلدوها بكل سهولة وسعادة وسرور
واين يعرضو المعازيم ويحطو اغلى وارقى انواع الحلويات والمأكولات...
انا ضد هذه الظاهرة
لوكان هذاك المبلغ جملوه وصدقوه خير من ان يكونوا قوم تُبّع.

 

[الورد الأحمر]

وعليكم السلام ورحمة الله وبركاته
يعطيك الصحة هاذ الظاهرة راهي بدات تشيع في مجتمعنا وبدات ترجع موضة
بعدما كنا نشوفوها عند الغرب حسب معتقداتهم وخاوتنا الخليجيين لي معروفين بالبذخ والجاه والمال جاو الجزايريين قلدوها بكل سهولة وسعادة وسرور
واين يعرضو المعازيم ويحطو اغلى وارقى انواع الحلويات والمأكولات...
انا ضد هذه الظاهرة
لوكان هذاك المبلغ جملوه وصدقوه خير من ان يكونوا قوم تُبّع.

يعني من اللخر بدل ما يطلبوا هذوك الأغراض لي مازالوا ناقصين للبيبي لجديد يشروهم هوما بالمال لي رح يصرفوه ع الحفلة مش خير!

غير قابل للتصديق لكن حقيقي هذا واش ولينا نشوفو

مشكورة ع المرور الطيب أهلا بيك

 

[ملكة زوجي]

وعليكم السلام ورحمة الله وبركاته
موضوع جميل بارك الله فيك
لي عودة للرد ان شاء الله​

 

[الورد الأحمر]

وعليكم السلام ورحمة الله وبركاته
موضوع جميل بارك الله فيك
لي عودة للرد ان شاء الله​

ان شاء الله حبيبتي في انتظار عودتك

 

[The queen]

السلام عليكم....
ياودى ربي يستر بركالله يهدينا ويهديهم هاذا مكان
فالحقيقة انا شفت هاذ الظاهرة فالمسلسلات الهندية وقبل اصلا منسمع بيها لحقت للجزائر كنت نظنها مضيعة تاع مال ووقت اللى يديرو واللى يروحو عندهم ونفس الراي متغيرش غير انوو نضيف حاجة عليه انوو هاذوو اللى يديرو في هاذ الحفلات على الاغلب مرضي نفسانيين يطاقوووووووووووووووون

 

[الورد الأحمر]

السلام عليكم....
ياودى ربي يستر بركالله يهدينا ويهديهم هاذا مكان
فالحقيقة انا شفت هاذ الظاهرة فالمسلسلات الهندية وقبل اصلا منسمع بيها لحقت للجزائر كنت نظنها مضيعة تاع مال ووقت اللى يديرو واللى يروحو عندهم ونفس الراي متغيرش غير انوو نضيف حاجة عليه انوو هاذوو اللى يديرو في هاذ الحفلات على الاغلب مرضي نفسانيين يطاقوووووووووووووووون

وعليكم السلام ورحمة الله وبركاته

أنا صراحة البيبي شاور هذا غير مؤخرا سمعت بيه حتى عند الاجانب وما كنتش عارفة بلي كاين حتى مرة لقيت صدفة فوطو في الانستغرام ع البيبي شاور حبيت نفهم واش هو شوية هك لقيت لبنات تاعنا في الانستغرام بعد يديروه ويحطو لي فوطو!
تبعية مش برك اقتصادية وفكرية تاني

ربي يهدينا ويهديهم ومشكورة ع المرور عزيزتي

 

[منيني]

السلام عليكم
هذا تقليد أعمى قاعدين يقلدو في خلود والخلجيات بصفة عامة الأجانب الظاهرة ماشي باينة بزاف يغني قليلة
في الجزائر شفت أميرة وفردتها داروها
معرفو كان يزيد حي ولا ميت الله يهدينا ويهديهم

 

[الورد الأحمر]

السلام عليكم
هذا تقليد أعمى قاعدين يقلدو في خلود والخلجيات بصفة عامة الأجانب الظاهرة ماشي باينة بزاف يغني قليلة
في الجزائر شفت أميرة وفردتها داروها
معرفو كان يزيد حي ولا ميت الله يهدينا ويهديهم

وعليكم السلام ورحمة الله

وي تقليد أعمى ومش من عاداتنا ... شفت لي قلتي عليهم وشفت تاني في الفايس في جروب النسا يحكو عليه ومام هنا في سكيكدة سمعت بشي وحدات دارو الحفلة هذي

كيما قلتي يا درا يزيد حي ولا ميت ولا الام بذاتها تسلك ع خير ولا لا ... سبقو الفرح بليلة.

ربي يهدينا ويهديهم ... مشكورة ع المرور والمشاركة

 

[بسملة]

بركاتك يا شيخ فيسبوك

 

[الورد الأحمر]

بركاتك يا شيخ فيسبوك

كاين بزاف تفاهات وعادات كانت مش موجودة في المجتمع تاعنا وانتشرت مؤخرا بطريقة رهيبة والبركة كيما قلتي للفايسبوك وباقي مواقع التواصل الاجتماعي.

مشكورة ع المرور

 

[ياسمينة]

السلام عليكم ورحمة الله وبركاته
موضوع مهم وممتع في نفس الوقت..بحيث اني لست ضد الفكرة بحد ذاتها بل شيء جميل يكسر روتين كيفية الاعلان وتحبيبه للمتلقي مهما كان جنس المولود خاصة لمن ينتظرون البنت ويجدو انه ذكر والعكس صحيح..الا انه كما اشرتي التكليف فوق القدرة المادية والتمادي الى درجة الاسراف هو ما جعل الامر يبدو سلبيا كفكرة
تقبلي مروري

 

[رحاب الجزائرية]

هذا كله من التقليد الأعمى للكفار ،ياترى بعد الحفلة والهدايا والفرحة تصوري يجي المولود ميت يعني والديه لحقوله العين قبل مايزيد ،انا عن نفسي غير العقيقة والعرضات بعد لي نولد تلحقني العين وماشي طيرة هاذي عندي اربع اولاد وكل مرة ندير عقيقة يعني ملنستطيرش ولكن فيها فيها
الواحد يفرح هو ومرته بلي عطاه لهم ربي سبحانه ولد او بنت كاين ناس متمنية تعرف فقط احساس الحمل فمابالك يتشرطو

ونروحو ونحو كلش من السوشيال نيديا وكالعادة نحن شعب اخترنا تقليد ماهو احمق وغبي هاذو اليوتيوبوز والانستاغراموز هبلو وتجاوزو الخدود يستحمرون المتابعين في حين هوما خالصين على كلش وإذا دارو حاجة تكون اشهار يعني مجانا وتجي الوحدة تكلف روحها وتعاند اي غباء هذا

كاين وحد اليوتيبوز عربية دارت حفلة البيبي شاور على اساس عندها بنوتة وهاذي هدايا واكل وكعك وبالونات وفِي الأخير جابت ولد
ياليت نتمسك بديننا وسنة نبينا يكفينا فخرا ان سيد هذه الأمة عربي فلا داعي للانبهار بالغرب

 

[الورد الأحمر]

السلام عليكم ورحمة الله وبركاته
موضوع مهم وممتع في نفس الوقت..بحيث اني لست ضد الفكرة بحد ذاتها بل شيء جميل يكسر روتين كيفية الاعلان وتحبيبه للمتلقي مهما كان جنس المولود خاصة لمن ينتظرون البنت ويجدو انه ذكر والعكس صحيح..الا انه كما اشرتي التكليف فوق القدرة المادية والتمادي الى درجة الاسراف هو ما جعل الامر يبدو سلبيا كفكرة
تقبلي مروري

وعليكم السلام ورحمة الله وبركاته

طبعا كل واحدة ووجهة نظرها وكاين لي ضد الفكرة وكاين لي معها وتبقى الأعمال النيات يعني مثلا أنا كاين أمور مش من عاداتنا ولا تقاليدنا ولا ثقافتنا بصح نتمنى لو نعملها مش بنية التقليد وإنما فقط للجو لي فيها.

المشكلة أنو صرنا في مجتمع تقليد يعني بمجرد الوحدة تعمل شي بعض النظر ع نيتها خلص الكل بعدها يكلفوا نفسهم حتى يعملوا نفس الشي ويتحول هذا الشي لعادة وكأنها لازمة.

مشكورة حبيبتي ع إبداء الرأي

 

[الورد الأحمر]

هذا كله من التقليد الأعمى للكفار ،ياترى بعد الحفلة والهدايا والفرحة تصوري يجي المولود ميت يعني والديه لحقوله العين قبل مايزيد ،انا عن نفسي غير العقيقة والعرضات بعد لي نولد تلحقني العين وماشي طيرة هاذي عندي اربع اولاد وكل مرة ندير عقيقة يعني ملنستطيرش ولكن فيها فيها
الواحد يفرح هو ومرته بلي عطاه لهم ربي سبحانه ولد او بنت كاين ناس متمنية تعرف فقط احساس الحمل فمابالك يتشرطو

ونروحو ونحو كلش من السوشيال نيديا وكالعادة نحن شعب اخترنا تقليد ماهو احمق وغبي هاذو اليوتيوبوز والانستاغراموز هبلو وتجاوزو الخدود يستحمرون المتابعين في حين هوما خالصين على كلش وإذا دارو حاجة تكون اشهار يعني مجانا وتجي الوحدة تكلف روحها وتعاند اي غباء هذا

كاين وحد اليوتيبوز عربية دارت حفلة البيبي شاور على اساس عندها بنوتة وهاذي هدايا واكل وكعك وبالونات وفِي الأخير جابت ولد
ياليت نتمسك بديننا وسنة نبينا يكفينا فخرا ان سيد هذه الأمة عربي فلا داعي للانبهار بالغرب

أهلا حبيبتي ...

باختصار السوشيال ميديا دمروا المجتمعات العربية والمسلمة من كثر التقليد التافه في كل شي حتى انتشرت بعد العادات بطريقة مخيفة وتحولت لإلزام بالنسبة لبعض العقليات.

مشكورة حبيبتي على ما تقدمت بإضافته ومشكورة على المرور.

 

[عفراء]

السلام عليكم
اهلا وسهلا اختي وشراكي؟
موضوع مهم انا ضد هذي الفكرة لانو نحسها مضيعة للمال وجلب للعين بدون طيرة صراحة كاين لي محروم يزيد يشوف هذي صوالح ميقاومش ربما يعينك لا إرادي وزيد كاين حاجة جنس المولود علمو عند ربي كاين شحال من مرة يخرج المولود عكس قول الطبيبة كاين أمور الإنسان ملزمش يبالغ فيها والتقليد يكون في أمور إيجابية وفيها منفعة مش قنقلد وخلاص.... اسفة على الاطالة
شكراا حبيبتي على هذا الموضوع شيق صراحة

 

[نورهان]

شكرا لك ورد على اختيار الموضوع
دام قلمك شراعا يبحر وسيف حق يصول ويجول
دمت مبدعة ومتألقة .. تحياتي وتقديري .....