- إنضم
- 16 ماي 2019
- المشاركات
- 820
- نقاط التفاعل
- 2,337
- النقاط
- 66
السلام عليكم ورحمة الله وبركاته
بسم الله الرحمان الرحيم
مساء الخير بنات عساكم بخير ان شاء الله ^^
أهلا مرة أخرى في سلسلة Reviews لي نحط فيها مستحضر تحت المجهر ونحكي عليه
اليوم رح نحكي على ظلال العيوم من ماركة Makeup Revolution London
أول شي كلمحة عن هذي الماركة تعتبر عالمية وأسعارها مقبولة نوعا ما بالنسبة لأشخاص عن أشخاص طبعا وجودتها
مليحة بزاف في كل شي ماشي غير في ظلال العيون. الماركة هذي تقريبا تعمل نسخ عن ماركات معروفة ومشهورة
وتقاربها بزاف من النسخة الأصلية ويمكن حتى تماثلها وتوفرها بسعر أقل عن سعر الأصلية علابيها تشهرت الماركة هذي
لأنها توفر جودة ماركات عالمية بأسعار مقبولة بزاف مقارنة بأسعار الأصلية وبجودة عالية جدا تنافس الأصلية بيها
الماركة هذي موفرة شحال من لوحة لظلال العيون وأنا اخترت هذي لأني حبيت الألوان الترابية لي فيها وهذي هي الألوان
لي نستخدمها بزاف وأصلا يمكن القول أنها الألوان الدارجة بكثر من عامين أو أكثر يعني تعتبر موضة
واسمها
Flawless 3
رح نروح لرأيي فيه بصراحة:
- نحكي أولا على شكلها حبيتها بزاف وحسيتها راقية ونحكي هنا على العلبة أو اللوحة لي جاية عاكسة وتقريبا كالمرآة
مع لونها لي حبيتو بزاف جاي ذهبي نوعا ما عطاها تأثير مليح
- الألوان لي فيها تقريبا الألوان الضرورية لي تحتاجها كل أنثى
- ملمس الظلال رطب نوعا ما يعني ما يجيش كي الجير أو الطباشير غبرة متناثرة
- يعند تطبيق الألوان ما تلقايش فراغات في الجفن يعني اللون يمشي مليح على الجفن
- الألوان ما فيهاش اللمعة الركيكة لي تخلي النتيجة تكون مش مليحة وفيهم لمعة خفيفة جدا
وكاين ألوان لي مخصصين للمعة ممكن تستعمليهم ع زاوية العين الداخلة او كهايلايتر
- تحتوي على مرآة تساعدك في استعمالها وتريحك مقارنة بمرايا لوحات أخرى تعتبر كبيرة ومريحة
أما العيوب أنا شخصيا ما لقيت فيها عيوب لحد الساعة ويمكن نقول ع عيب واحد ما نعتبروش عيب لكن ممكن غيرو يعتبروه
كذلك وهو أنو لا تحتوي على فرشاة لتطبيق الألوان لكن بما أني ما نستعملش فراشي اللوحات لي عندي ما تفرقش معايا
النقطة هذي بصح لي ما عندهاش الفراشي وتعتمد عليهم رح تعتبر هذي نقطة نقص للوحة هذي
بالنسبة للسعر: 3200 دج
كان هذا تقييمي للمستحضر هذا ان شاء الله نكون فدتكم بيه وأنتو مادابيكم تخبروني إذا استعملتوه من قبل
إذا راكم معايا في الرأي أو ضديـ إذا عندكم إضافات على المستحضر وإذا لا تخبروني واش ماركة تستخدموها أكثر في ظلال العيون
وإلى اللقاء في تقييم آخر ان شاء الله
دعمكن لنا مهم أيضا هنا
بسم الله الرحمان الرحيم
مساء الخير بنات عساكم بخير ان شاء الله ^^
أهلا مرة أخرى في سلسلة Reviews لي نحط فيها مستحضر تحت المجهر ونحكي عليه
اليوم رح نحكي على ظلال العيوم من ماركة Makeup Revolution London
أول شي كلمحة عن هذي الماركة تعتبر عالمية وأسعارها مقبولة نوعا ما بالنسبة لأشخاص عن أشخاص طبعا وجودتها
مليحة بزاف في كل شي ماشي غير في ظلال العيون. الماركة هذي تقريبا تعمل نسخ عن ماركات معروفة ومشهورة
وتقاربها بزاف من النسخة الأصلية ويمكن حتى تماثلها وتوفرها بسعر أقل عن سعر الأصلية علابيها تشهرت الماركة هذي
لأنها توفر جودة ماركات عالمية بأسعار مقبولة بزاف مقارنة بأسعار الأصلية وبجودة عالية جدا تنافس الأصلية بيها
الماركة هذي موفرة شحال من لوحة لظلال العيون وأنا اخترت هذي لأني حبيت الألوان الترابية لي فيها وهذي هي الألوان
لي نستخدمها بزاف وأصلا يمكن القول أنها الألوان الدارجة بكثر من عامين أو أكثر يعني تعتبر موضة
واسمهاFlawless 3
رح نروح لرأيي فيه بصراحة:
- نحكي أولا على شكلها حبيتها بزاف وحسيتها راقية ونحكي هنا على العلبة أو اللوحة لي جاية عاكسة وتقريبا كالمرآة
مع لونها لي حبيتو بزاف جاي ذهبي نوعا ما عطاها تأثير مليح
- الألوان لي فيها تقريبا الألوان الضرورية لي تحتاجها كل أنثى
- ملمس الظلال رطب نوعا ما يعني ما يجيش كي الجير أو الطباشير غبرة متناثرة
- يعند تطبيق الألوان ما تلقايش فراغات في الجفن يعني اللون يمشي مليح على الجفن
- الألوان ما فيهاش اللمعة الركيكة لي تخلي النتيجة تكون مش مليحة وفيهم لمعة خفيفة جدا
وكاين ألوان لي مخصصين للمعة ممكن تستعمليهم ع زاوية العين الداخلة او كهايلايتر
- تحتوي على مرآة تساعدك في استعمالها وتريحك مقارنة بمرايا لوحات أخرى تعتبر كبيرة ومريحة
أما العيوب أنا شخصيا ما لقيت فيها عيوب لحد الساعة ويمكن نقول ع عيب واحد ما نعتبروش عيب لكن ممكن غيرو يعتبروه
كذلك وهو أنو لا تحتوي على فرشاة لتطبيق الألوان لكن بما أني ما نستعملش فراشي اللوحات لي عندي ما تفرقش معايا
النقطة هذي بصح لي ما عندهاش الفراشي وتعتمد عليهم رح تعتبر هذي نقطة نقص للوحة هذي
بالنسبة للسعر: 3200 دج
كان هذا تقييمي للمستحضر هذا ان شاء الله نكون فدتكم بيه وأنتو مادابيكم تخبروني إذا استعملتوه من قبل
إذا راكم معايا في الرأي أو ضديـ إذا عندكم إضافات على المستحضر وإذا لا تخبروني واش ماركة تستخدموها أكثر في ظلال العيون
وإلى اللقاء في تقييم آخر ان شاء الله
دعمكن لنا مهم أيضا هنا
-مودتي-
