الاغاني في الاعراس

[اميرة على عرش الالم]

اصبحنا نرى في مجتمعنا الكثير من التجاوزات في الدين بحجة انها مؤقة او ان الكل يطبقها فلا حرج فيها ...ومن اهمها الاغاني في الاعراس فنجد العريس او العروس يطالبان بوضع الاغاني في زفافهما بحجة انها ليلة العمر ولا تتكر ..نسوا ان الاغاني حرام فكيف يبدؤون حياة جديدة ومرحلة جديدة من عمرهم على المعاصي والحرام ؟؟ اذا كانت هذه البداية فكيف هي النهاية؟؟ والبعض يقول لابأس انها موسيقى هادئة... أليس كل ما يؤدي الى الحرام فهو حرام؟؟ يقولون انها لبضع وقت.. إذا كانوا يضمنون حياتهم في هذا الوقت سأسحب كلمتي.. اضافة الى انهم كسبوا إثم كل الحضور وكل من سمع الاغاني ...
بالنسبة لي الحرام هو حرام ولا توجد ظروف تغيره فما رأيك انت يا حواء؟؟

 

[الورد الأحمر]

السلام عليكم ورحمة الله وبركاته

أهلا بيك حبيبتي ومشكورة على موضوعك تسلمي ...

أنا شخصيا لا أنكر أني أسمع الأغاني حتى بدون مناسبة أو بعيدا عن الأعراس وعارفة أنو هذا الشي غلط لكن ما عليا لإلا ندعي لنفسي وللي مثلي بالهداية ان شاء الله وأكيد واحد فينا ما راهو كامل مكتمل وواحد فينا ما راهو معصوم عن الخطأ أو بعيد كليا عن المعاصي وكل واحد فينا عندو معاصيه وهذا الشي لازم نتقبلوه أولا حتى نقدروا نتوبوا عليه لأنو أساس حل المشكلة هي تقبلها أولا والإعتراف بها.

الله لو يحاسبنا على نعمة وحدة أو حاسة وحدة فقط رح تنتهي حسناتنا ونكون من أهل النار لكن الله رؤوف رحيم والله يهديني ويهدي الجميع ومشكورة مرة ثانية على الموضوع.

 

[اميرة على عرش الالم]

الله يسلمك يعني حتى انا كنت نسمع الاغاني و اشاهد الافلام والمسلسلات لكن لاحظت انها تلهيني عن عباداتي وكل ما حياتي تتحول للاسود لكن الحمدلله الذي من علي وهداني الى رحمته ونوره والله يهدي الجميع

 

[ام ايناس]

واش نقول واش نخلي هههه مانسمعش غير في المناسبات كنت ندير رجلي في لعراس بالشطيح ايشي مصري ايشي قبايلي وصطايفي ندخل عليهم هنا لهيه بصح ضرك الحمدلله رجليا ماعدوش يهزونيي غير كي نقضي قضيت الكوزينا راني مليحة هي صح معاصي مي ربي يهدينا

 

[اميرة على عرش الالم]

واش نقول واش نخلي هههه مانسمعش غير في المناسبات كنت ندير رجلي في لعراس بالشطيح ايشي مصري ايشي قبايلي وصطايفي ندخل عليهم هنا لهيه بصح ضرك الحمدلله رجليا ماعدوش يهزونيي غير كي نقضي قضيت الكوزينا راني مليحة هي صح معاصي مي ربي يهدينا

ههههههههههه ههه كامل الحمدلله الله يثبتك وإيانا وكل المسلمين ويثبت أقدامنا على الصراط ماشي الشطيح

 

[رحاب الجزائرية]

كنت داخلة نرد ونحط فتوى بالموضوع بصح @ام ايناس ارواحي هنا كنت دايرة حالة شرقي وسطايفي هههههههههه الحمد لله ربي هدانا حتى انا في عمر ال17 غير يكو عرس لازم نرقص حتى الغدوة يشدوني للطبيب وعفا الله. عما سلف

يا اخواتي الحرام حرام وهاذو العرسان كيفاش يبدو حياتهم بمنكر
نحكيلك قصة وحدة نعرفها تزوجت عادي دار كيما الناس الأغاني ،العمارية بقا خمس سنوات بلا حمل وهي تجري مرة زوجها راح لإمام وقاله واش يدير ع ان الطبيب قالهم لابأس ليهم تصورو اول سؤال كيف كانت ليلة عرسك كي خبره قاله بديت حياتك بمنكر وين بغيت تجي البركة الحد لله رجعو لطريق الله وراهم بأولادهم

 

[ام ايناس]

الله غالب خديجة كان عندي مغنطيس هههه

 

[و تمضي الأيام]

السلام عليكم و رحمة الله و بركاته
شا نقولك انا فالاعراس تاع الفاميليا ندير رايي نخرج جنوني فالرقص و الزغاريت و ضروك بعد زواج و الاولاد زدت كثر زعما نقارعو غير داك العرس باه نفاجو غمتنا معندي ما نبرر و ندير اعذار كثيره حرام قليله حرام فعلا حتى واحد ماراه ضامن روحه الله يهديني يااااااا رب و يهدي لي كيفي
بارك الله فيك اختي

 

[عآبرة ألم]

انا قلبي بارد عليهم معندي حتى تعلق بيهم
مرات تعجبني لحن ولا موسيقى فقط
بصح تفكرو بلي ربي يحشركم معاهم اكبر دافع باش ت

 

[عآبرة ألم]

نحبسوهم

 

[اميرة على عرش الالم]

السلام عليكم و رحمة الله و بركاته
شا نقولك انا فالاعراس تاع الفاميليا ندير رايي نخرج جنوني فالرقص و الزغاريت و ضروك بعد زواج و الاولاد زدت كثر زعما نقارعو غير داك العرس باه نفاجو غمتنا معندي ما نبرر و ندير اعذار كثيره حرام قليله حرام فعلا حتى واحد ماراه ضامن روحه الله يهديني يااااااا رب و يهدي لي كيفي
بارك الله فيك اختي

وفيك بارك الله

 

[السلطانة]

صح اختي الاعراس تاعنا فيها بزاف منكرات باسم العادات ابدايها من لغنا للتبذير للاختلاط لشحال من حاجة
واحد كان قدر يبدل يبدل شحال من حاجة
مشكورة اختي

 

[ام محمد الجزائرية]

ههههه ام ايناس قتلتني بالضحك ، الوحدة كل ما تكبر كل ما تتبدل وربي يهدينا اجمعين
ربي يكبرنا في طاعتو وبصراحة مزالني نسمع بصح مشي كيما وقت فات نحب نزهي روحي مين ذاك ولا نعمل به رياضة لوحدي
ربي يهدينا

 

[عفراء]

ربي يهديناا أن شاء الله
أنا الحمد لله ربي أكرمني بزوج سلفي ملتزم تهنيت من الأعراس ريحنيييي منهم

 

[أم زينب]

ههههه تفكرت نكتة تاع واجب على الزوجة تزهي زوجها و ترقصلو
مع ان الغناء حرام ....طيب على اي ايقاع ممكن ترقص هده الزوجة ؟
اعتقد ان الاعلان عن الزواج ياتي بعدة طرق ... منها ضرب البارود و مزامير السيارات الي زادوا كملوا بهم على المرضى مساكن
و الموسيقى الصاخبة و الغناء الفاحش من جهة اخرى ....
فما العمل ؟رأيي أن نختار اغاني ومدائح ملتزمة قادر الواحد يسمعهم في جو مختلط
كما يمكن للمعازيم الغناء بالطبول في اجواء تراثية رائعة
موضوعك فعلا شيق بوركت اختي