عصبان المحلات

[و تمضي الأيام]

السلام عليكم و رحمة الله و بركاته​

ليوم راح نوجدو عصبان على طريقة المحلات في الغرب الجزائري نحتاج فيه

المقادير
​

امعاء خروف مسلوقة
رئة خروف نقية و مسلوقة
كرشة نقية
قليل من شحم
قليل من لحم (غير ضروري)
كأس غير مملوء ارز
ربطة معدنوس
بصلة متوسطة
بنة دجاج (غير ضروري)
حبة طماطم
م. ك طماطم مصبرة
5 فص ثوم
راس الحانوت
فلفل اسود-فلفل احمر-كركم





اذا كانت متوفرة عندك بيتران نطحن كل المكونات في طحانة اللحم المرحي




و ان لم تكن متوفرة نطحن في الروبو و ان لم يتوفر نقطع الرئة و الامعاء قطع صغيرة جدا و البصل و الطماطم نغابيها
ثم نضيف التوابل





نستطيع ايضا نفس الطريقة و نتركها قطع دون ان نطحنها و يصبح عصبان تاع الدار ههه



نعمرو كرشات و نخيطوهم
و العصبان المطحون نستطيع تخبئته في ساشي كونجيلاسيون عادي





و عند الطهي نضعه في طنجرة ضغط مع م ك زيت بدون اي اظافات و نغلقها عندما تبدا تصفر ننقص على نار هادئة جدا و نتركها ربع ساعة الى نصف و نفتح يمكن اظافة قلييييل من الماء


و يمكن طبخه على شكل صوص حمرا مع الحمص و العصبان و حنا نقولوله سرودان

شهية طيبة و شكراً لكن​

 

[عفراء]

يعطيك الصحة يا الفحلة
احنا ثاني نخدموها هاك لكن نعوضو أرز بالحمص تجي توووب
نقطو مربعات صغار بدون إضافة دجاج واللحم
اسفة على المدخلة
قلت نشارككم طريقتتا

 

[ام ايناس]

هذي طريقتي دايمن نديرها في العيد غير مانحشيهاش في لكرشة نحشيها فيي لامعاء لي خشينا شوي نقص قرععة ننتاع لقازوز ونشد المسران مع فم القرعة بخط ونحشيه ويجوني كي المرقاز
راجلي كيجيت لعندو لقيتو مايكلش الدوارة غير الكبدة كي نذبحو يقولي ارمي كلش خلي غير الكبدة وليت خطرة تبعت هذي الطريقة ونحمرهم في الكوشة وقدمتهالو على اساس مرقاز نتاع الدار مسران محشي بلحم ذاقو عجبو ونا ندير حتا الزيتون والفرماج لداخل منثم مزدش قال نرمو الدوارة

 

[رحاب الجزائرية]

ماشاء الله يشهي ان شاء الله نديره
انا ندير نتاع الدار يعني بلا ما نطحن وفيا طبيعة ماشي مليحة الحاجة لي نخلط فيها ماناكلهاش ههههههه نوجده ونمد منه لام زوجي وامي وأختي ونقوللهم كي ديرو أنتم أعطوني الله غالب ننقهم منه وخاصة صوالح اللحم كامل قلبي يضرني كي نخلط في رائحتهم بصح الحق ينقال كون نلقاه واجد ملنقولش لا ناكل هههه

 

[و تمضي الأيام]

يعطيك الصحة يا الفحلة
احنا ثاني نخدموها هاك لكن نعوضو أرز بالحمص تجي توووب
نقطو مربعات صغار بدون إضافة دجاج واللحم
اسفة على المدخلة
قلت نشارككم طريقتتا

يسلمك حبيبتي مرحبا حنا مادابينا نتعرفو على اطباق بلادنا راها قارة شكرا لك حنونة

 

[و تمضي الأيام]

هذي طريقتي دايمن نديرها في العيد غير مانحشيهاش في لكرشة نحشيها فيي لامعاء لي خشينا شوي نقص قرععة ننتاع لقازوز ونشد المسران مع فم القرعة بخط ونحشيه ويجوني كي المرقاز
راجلي كيجيت لعندو لقيتو مايكلش الدوارة غير الكبدة كي نذبحو يقولي ارمي كلش خلي غير الكبدة وليت خطرة تبعت هذي الطريقة ونحمرهم في الكوشة وقدمتهالو على اساس مرقاز نتاع الدار مسران محشي بلحم ذاقو عجبو ونا ندير حتا الزيتون والفرماج لداخل منثم مزدش قال نرمو الدوارة

يعطيك الصحة امالا نتي لي يقولو عليها الزوجة الذكية هادي في الماكلة و دوختيه يادرا في الصوالح لخرين هههعععع شكرا لك حبيبتي

 

[و تمضي الأيام]

ماشاء الله يشهي ان شاء الله نديره
انا ندير نتاع الدار يعني بلا ما نطحن وفيا طبيعة ماشي مليحة الحاجة لي نخلط فيها ماناكلهاش ههههههه نوجده ونمد منه لام زوجي وامي وأختي ونقوللهم كي ديرو أنتم أعطوني الله غالب ننقهم منه وخاصة صوالح اللحم كامل قلبي يضرني كي نخلط في رائحتهم بصح الحق ينقال كون نلقاه واجد ملنقولش لا ناكل هههه

ههه ضحكتيني الله يعطيك الربح فكرتيني في وحدة حبيبتي تقولي انا نبغي الواجد ههه بصح كون ديري العكس تعطيهم هوما يوجدوه و نتي ما عليك غير طيبي و تاكلي يادرا هكا اسهل ههههه ربي يحفظك حبيبة شكرا

 

[عآبرة ألم]

فكرة مليحة وجوعتيني مع صباح ربي درت فاكسا لبنتي جيت نخمم الفطور ههههههههه لقيتو واجد عندك هههههه
احنا نديرو قصبر ونعناااااع ونكثرووو ونديرو زريعة قصبر في توابل
والحمص والجلبان مرات روز نبدلوه ببرغل
فكرة فقط
واش تساليلي يا ايمان جووووعت عشية نجبد عصبانة ههههه راني مخبية منو

 

[و تمضي الأيام]

بصحتها الفاكسان انا تاني هاداوين جيت هههه كنت ندير لعبد الرزاق م 7 تاع الصباح و انا تماك غير روحي جبدي ديك العصبانة ايا بدي تخوي في هاداك الفريڨو هههه عجبتني الفكرة تاع النعناع يعطيك الصحة

فكرة مليحة وجوعتيني مع صباح ربي درت فاكسا لبنتي جيت نخمم الفطور ههههههههه لقيتو واجد عندك هههههه
احنا نديرو قصبر ونعناااااع ونكثرووو ونديرو زريعة قصبر في توابل
والحمص والجلبان مرات روز نبدلوه ببرغل
فكرة فقط
واش تساليلي يا ايمان جووووعت عشية نجبد عصبانة ههههه راني مخبية منو

 

[ملكة زوجي]

السلام عليكم ورحمة الله وبركاته
ماشاء الله خرجلك هايل ويشهي يعطيك الصحة اختي
والله حتان سخفتيني ههههه
تسلم الايادي وبصحتكم​

 

[و تمضي الأيام]

السلام عليكم ورحمة الله وبركاته
ماشاء الله خرجلك هايل ويشهي يعطيك الصحة اختي
والله حتان سخفتيني ههههه
تسلم الايادي وبصحتكم​

و عليكم السلام و الرحمة حبيبتي يسلمك حمبوك متقوليليش راكي تتوحمي شهيتك فالجنة شكرا

 

[ملكة زوجي]

و عليكم السلام و الرحمة حبيبتي يسلمك حمبوك متقوليليش راكي تتوحمي شهيتك فالجنة شكرا

اهلا حنونتي واش بقى من وحم هههههه راني قريب نجيب لبيبي لكتب ربي ادعولي نسلك على خير
وربي يحفظك ويبارك فيك

 

[و تمضي الأيام]

اهلا حنونتي واش بقى من وحم هههههه راني قريب نجيب لبيبي لكتب ربي ادعولي نسلك على خير
وربي يحفظك ويبارك فيك

اه صحا ان شاء الله يجيبلك ساعة سلاك و تقومي بالسلامة انت و البيبي و تفرحي و نفرحو معاك و الله لا يحرم كل وحدة من الامومة

 

[رحاب الجزائرية]

@و تمضي الأيام
@عآبرة ألم
بصحتهم وليداتكم الفاكسان حتى انا البارح درت لبناتي نتاع 11شهر قداش إعمار اولادكم

 

[رحاب الجزائرية]

@و تمضي الأيام للأسف ماكانش لي يعاوني ندير كلش لوحدي

قتلك طبيعة فيا الحاجة نوجدها ولي يدوقها ماعندي مانقول مارانيش نشكر في روحي عندي مع الطبخ بصح انا باش نستمتع بالأكل لالا

وكون يوجدولي حاجة يالوكان بيض مقلي تقولي كليت المحمر ،عائلتي صارو يعرفوني يوجدو الحاجة قبل مانجي يقولولي أنت غير تشمي الريحة نفسك تنغلق

 

[عآبرة ألم]

بصحتها الفاكسان انا تاني هاداوين جيت هههه كنت ندير لعبد الرزاق م 7 تاع الصباح و انا تماك غير روحي جبدي ديك العصبانة ايا بدي تخوي في هاداك الفريڨو هههه عجبتني الفكرة تاع النعناع يعطيك الصحة

شفتي جبدة الفاكسا هذي
بالصحة عليه

 

[عآبرة ألم]

@و تمضي الأيام
@عآبرة ألم
بصحتهم وليداتكم الفاكسان حتى انا البارح درت لبناتي نتاع 11شهر قداش إعمار اولادكم

نا
انا بنتي عمرها 8اشهر درتلها تع 4اشهر روطار
كانت مريضة

 

[و تمضي الأيام]

@و تمضي الأيام للأسف ماكانش لي يعاوني ندير كلش لوحدي

قتلك طبيعة فيا الحاجة نوجدها ولي يدوقها ماعندي مانقول مارانيش نشكر في روحي عندي مع الطبخ بصح انا باش نستمتع بالأكل لالا

وكون يوجدولي حاجة يالوكان بيض مقلي تقولي كليت المحمر ،عائلتي صارو يعرفوني يوجدو الحاجة قبل مانجي يقولولي أنت غير تشمي الريحة نفسك تنغلق

يحسن عونك حبيبة و ربي يحفظلك عايلتك و ميمتك و الله يقدرك

 

[و تمضي الأيام]

@و تمضي الأيام
@عآبرة ألم
بصحتهم وليداتكم الفاكسان حتى انا البارح درت لبناتي نتاع 11شهر قداش إعمار اولادكم

بصحتهم بنوتاتك ربي يحفظهم رانا كيف كيف تاني درت لولادي تاع 11 شهر كبير قريب 4 سنين و صغير عامين

 

[رحاب الجزائرية]

كيفاش اختي كنت روطار @و تمضي الأيام
انا بنتي كلمت روطار بشهر لان الان راه عندها عام
وربي يحفظ اولادك برك ملاحظة هذا الفاكسان تأثيرها بطيء يعني على أسبوع ممكن تحي السخانة تبقي تراقبيهم طول الأسبوع انا اخت زوجي هي لي دير لفاكسان وقالتلي