خلافات تبحث عن حلول .......راتب المراة العاملة

نورهان

:: حواء نشيطة ::
إنضم
23 سبتمبر 2019
المشاركات
155
نقاط التفاعل
454
النقاط
46





في ظل تطور الحياة، وشغل المرأة مواقع حساسة ومهمة في العمل؛ تحصل كثير من الموظفات المتزوجات على راتب قد يزيد أحيانا على راتب الأزواج،او قد يقل ومع صعوبة الوضع الاقتصادي وغلاء المعيشة تساهم الزوجة في مصاريف المنزل والأولاد.

وتسبب هذا الوضع في خلق مشاكل بين الأزواج الذين يتنازعون الراتب وطرق صرفه، الأمر الذي يشكّل عائقا آخراً على حساب سعادة الأسرة.
..

..
هل يتحكم زوجك في كل راتبك ..............؟ ؟ ؟

فهل تسبب راتبك في مشاكل مع زوجك............ ؟ ؟ ؟

هل اضطررت يوما ما الى انفاق راتبك رغما عنك .............؟ ؟ ؟ .
..
....


اثرين الموضوع وتفاعلن معه يا حوائيات
 

آية نور اليقين

:: حواء نشيطة ::
إنضم
23 سبتمبر 2019
المشاركات
185
نقاط التفاعل
421
النقاط
76
بحكم تجربتي في هذا الموضوع نفضل كل راتب يكون مستقل على الثاني لأن زوجة عندها متطلبات خاصة بها ومايوفرهاش الزوج لغلاء المعيشة مرات غي حقيبة يد من تعجبك تلقيها أقل شي من 4000دج الى مافوق ...حتى المكياج حدث ولا حرج هههه....مهم نفضل تساعده في بناء أو شراء مسكن ...أو إقتناء سيارة كهذه الأمور المكلفة ....ويبقاو الأولاد مابيناتهم ...وكل الأمور معيشة راها مكلفة وحتى أمور الترفيه تساعد فيها بطريقة غير مباشرة ....صراحة نقول لك كل سيدة تقولك نقرا لزمان عقوبة
رجعوا يخافوا من زوج الخائن ....وكاين حتى لي يعتمد عليها وحدها في أمور المعيشة وهي قصص حدث ولا حرج
 

نورهان

:: حواء نشيطة ::
إنضم
23 سبتمبر 2019
المشاركات
155
نقاط التفاعل
454
النقاط
46
بحكم تجربتي في هذا الموضوع نفضل كل راتب يكون مستقل على الثاني لأن زوجة عندها متطلبات خاصة بها ومايوفرهاش الزوج لغلاء المعيشة مرات غي حقيبة يد من تعجبك تلقيها أقل شي من 4000دج الى مافوق ...حتى المكياج حدث ولا حرج هههه....مهم نفضل تساعده في بناء أو شراء مسكن ...أو إقتناء سيارة كهذه الأمور المكلفة ....ويبقاو الأولاد مابيناتهم ...وكل الأمور معيشة راها مكلفة وحتى أمور الترفيه تساعد فيها بطريقة غير مباشرة ....صراحة نقول لك كل سيدة تقولك نقرا لزمان عقوبة
رجعوا يخافوا من زوج الخائن ....وكاين حتى لي يعتمد عليها وحدها في أمور المعيشة وهي قصص حدث ولا حرج
شكرا اية على مرورك الكريم واثرائك للموضوع بتجربتك الخاصة
وانا اوافقك فقرارك انو المراة تجمع راتبها لوقت الضرورة كيما قلت شراء بيت او سيار او مشروع ......
 

رحاب الجزائرية

:: مشرفة ::
إنضم
1 أوت 2019
المشاركات
299
نقاط التفاعل
998
النقاط
56
يقولو لي أوله شرط اخره نور
لي تحب تخدم تتفاهم مع زوجها في ادق التفاصيل حتى لا تتحول من زوجة الى شريك ،نعم الزواج شراكة بصح في العمر ماشي في القوامة والمسؤلية يعني انا هذا الشهر نخلص الكهرباء وانت الشهر الجاي خلصيها انت

لي تخرج تخدم تفهم زوجها في الحاجة لي تعاونه فيها مثلا بناء ،سيارة

هذي مشكلة كبيرة خربت بيوت كثير.ة ومنها أعز وحدة على قلبي نفس الشيء موظفة حاول زوجها الاستحواذ على راتبها مع انها تشري لأولادها العيد وحتى عيد الأضحى ،الدواءىالملابس ،أغراض المنزل ،السيارة ،راتب زوجها لا يكاد يكون نصف راتبها وهكذا يعطيها نصيب من راتبه ويقولها دبري راسك بيه
وفِي الأخير ماتفاهموش حست انه استغلالي


هناك أزواج الله يهديهم غير يشوف مرته خدامة يتهاون حتى وإذا متلاحقة ممكن يشوف عمل اخر لا خلاص مرته راها تجيب الشهرية يريح روحه

اختي العاملة بخروجك للعمل راكي ضحي بأجمل لحظات عمركم مع أطفالك اذا كان الامر يستحق اعملي اذا لقيتي زوج يقدر تضحياتك ويتعاون معاك على هم الحياة


اما الزوج الاستغلالي تفني حياتك خدامة ومبعد يضربك على الارض فالاحسن تبقي في بيتك وربي اولادك وخليه يسلك راسه

معادلة بسيطة نخرج نخدم تقدر وتتفهم والا عوم بحرك

اختكم من جماعة عوم بحرك ههههه مانخدم مانزدم ولكن نقبلهم حيين في يدي نربي اولادي ونعيش حياتي لأني عرفت ان الامومة وظيفة غير قابلة للتأجير
 

رحاب الجزائرية

:: مشرفة ::
إنضم
1 أوت 2019
المشاركات
299
نقاط التفاعل
998
النقاط
56
يا اختي كاين فتاوى مفصلة في هذا الامر وكلها حرام على الزوج ياخد من مال الزوجة الا ماطاب له خاطرها بعني برضاها

كاين شي عُبَّاد يساومها يقولها خليتك تخدمي اعطيني اللله يهديهم
 

رحاب الجزائرية

:: مشرفة ::
إنضم
1 أوت 2019
المشاركات
299
نقاط التفاعل
998
النقاط
56
السؤال:
لدي زوجة وهي تعمل وتأخذ مرتب إذا أخذته منها أو أخذت البعض فهل يكون حلالًا أم حرامًا؟ جزاكم الله خيرًا.



:30



الجواب:
مرتبها لها، ومن مالها؛ إلا إذا سمحت لك بالراتب كله أو ببعضه سماحًا واضحًا، لا شبهة فيه؛ فلا بأس عليك؛ لقول الله في سورة النساء: فَإِنْ طِبْنَ لَكُمْ عَنْ شَيْءٍ مِنْهُ نَفْسًا فَكُلُوهُ هَنِيئًا مَرِيئًا[النساء:4].
فإذا طابت نفسها بالراتب أو ببعض الراتب فلا حرج عليك، أما إن كنت توعدها بالطلاق، أو بالهجر، أو بالأذى؛ إن لم تعطك فهذا لا يجوز لك لأنها ما طابت نفسها بذلك، ولكن خوفًا منك، أو من طلاقك؛ سلمت لك المال أو بعض المال، لا فلا يجوز هذا، ولكن عليك بالكلام الطيب، والعشرة الطيبة؛ فإن سمحت بشيء فالحمد لله، وإلا فدعها ومالها، وأنفق عليها واصبر، وقم بالواجب، وأحسن الخلق خيركم خيركم لأهله، والرسول يقول ﷺ: البر حسن الخلق فعليك بحسن الخلق، وعدم الأذى والهجر لزوجتك بغير حق، ولا تكن سفيهًا، ولا تكن أيضًا سيء الخلق مع أهلك الله يقول: وَعَاشِرُوهُنَّ بِالْمَعْرُوفِ[النساء:19] هكذا يقول ربنا ، ويقول سبحانه: وَلَهُنَّ مِثْلُ الَّذِي عَلَيْهِنَّ بِالْمَعْرُوفِ[البقرة:228].
فالواجب أن تعاشرها بالكلام الطيب، والوجه المنبسط، والسيرة الحميدة، والإنفاق المناسب .. في الفراش وفي غير ذلك، تكون جيدًا في الفراش وفي غيره، بالخلق الحسن، بالكلام الطيب، وانبساط الوجه، وكف الأذى والضرب الذي بغير حق، هكذا يجب على الزوج.
وعليها هي أيضًا أن تفعل مثل ذلك الخلق الطيب، والأسلوب الحسن، والكلام الطيب، والسيرة الحميدة، والسمع والطاعة لك في المعروف، هذا هو الواجب عليكما جميعًا، ومالها لها، ومالك لك، إلا إذا طبت نفسًا لها بشيء، أو طابت نفسها بشيء لك؛ فالأمر واسع والحمد لله، وإذا كانت لم تشرط عليك أنها تعمل فأنت بالخيار، إما أن تسمح لها، وراتبها لها، وإما أن تمنعها من العمل، وتبقى في البيت والحمد لله، أما إذا كان مشروطًا عليك أنها تعمل فالمسلمون على شروطهم، ويجب عليك أن تمكنها من شرطها لقول النبي ﷺ: إن أحق الشروط أن يوفى به ما استحللتم به الفروجمتفق على صحته.
فالواجب عليك تمكينها من أداء وظيفتها من تدريس وغيره كما شرط عليك ومالها لها إلا أن تسمح لك بشيء منه أو بكله وهي رشيدة فلا بأس عليك، والحمد لله لكن من دون إكراه، من دون ظلم لها وإيذاء لها إذا سمحت من دون إكراه ومن دون أذى فلا بأس والحمد لله.
المقدم: جزاكم الله خيرًا، وأحسن إليكم.

الفتوى للشيخ ابن باز رحمه الله
 

نورهان

:: حواء نشيطة ::
إنضم
23 سبتمبر 2019
المشاركات
155
نقاط التفاعل
454
النقاط
46
نربي اولادي ونعيش حياتي لأني عرفت ان الامومة وظيفة غير قابلة للتأجير


برافوووووووووووو اعليك ""نربي اولادي ونعيش حياتي لأني عرفت ان الامومة وظيفة غير قابلة للتأجير""
هذي انا نشوفها حكمة
 

رحاب الجزائرية

:: مشرفة ::
إنضم
1 أوت 2019
المشاركات
299
نقاط التفاعل
998
النقاط
56
برافوووووووووووو اعليك ""نربي اولادي ونعيش حياتي لأني عرفت ان الامومة وظيفة غير قابلة للتأجير""
هذي انا نشوفها حكمة
شفتها في قريبتي ضحات بأسعد لحظات حياتها مالحقت اول خطوة اول كلمة كلش على جال تعاون الراحل وفِي الأخير ماتمرش فيه الخير قالت كون غير خليته تعذب وخدم عليهم وانا فرحت باطفالي

طبعا تجربتها أديت منها درس ومش معنى ان كل عاملة نفس المصير ربي يفتح على مل وحدة
 

ام ايناس

:: حواء نشيطة ::
إنضم
15 سبتمبر 2019
المشاركات
106
نقاط التفاعل
341
النقاط
46
انا مانخدم ماعندي شهرية سعات نتمنا تكون عندي شهرية ونحي الهم على روحي بلاخص كي نحس روحي كي الطلابة اعطيني عطيني وهو واش ديري بيهم وسعات نحمد ربي كي ماعنديش شهرية كون جيت نخلص راني طلقت هههه كي يكون عندي مصروف مخبياتوا ويفيق بيه معادش يصرف ويقول او عندك ولا يحوس يديه ونتشاجرو عليه
مالا الحمدالله على نعمته وربي يعمي راجلي على المكان لي نخبي فيه ههههه
 

اميرة على عرش الالم

:: حواء نشيطة ::
إنضم
24 سبتمبر 2019
المشاركات
299
نقاط التفاعل
829
النقاط
56
السلام وعليكم
الموضوع جد مشوق و هذه الظاهرة راهي تهدد الكثير من العلاقات الزوجية .
انا بالنسبة لي نشوف الراجل في كل حالاته استغلالي هنالك البعض من يقول انا لا اقبل زوجتي تعمل فلا أقبل ان يكون هناك اي إحتكاك بين زوجتي ورجل تحت مسمى زملاء عمل حتى اذا إضطر الى التسول والبعض الآخر يقول ان الزواج مشاركة فعلى الزوجة ان تشاركه تحمل المسؤولية وان ماله لها ومالها له لكن في الحقيقة هي ظلم للمرأة فليس من واجبها تحمل المسؤولية كإحضار مستلزمات البيت وان عملت فهي تعمل لتلبية متطلباتها التي يعجز زوجها عن تحقيقها .
ماعدنا مانقولوا غير الله يهديهم 😥😥😥😣
 

الورد الأحمر

:: إدارة حواء الجزائر ::
طاقم الإدارة
إنضم
16 ماي 2019
المشاركات
586
نقاط التفاعل
1,767
النقاط
66
السلام عليكم ورحمة الله وبركاته

بالنسبة ليا الزوج لي يطلب من زوجتو راتبها وما يخليهاش أصلا تشوفو وكاين حتى لي توصلوا أنهم يخلصو بدالها هذو نعتبرهم مش رجال أصلا وتنقص قيمتهم في عيني يعني بمجرد ما يعمل الراجل هك خلص قيمتو ترجع للأرض وصورتو ترجع تعيف عندي.

المرأة العاملة راهي كيف الرجل العامل بالضبط كيف ما هو يبكر راهي تبكر كيف ما هو يتعب راهي تتعم وزيد المتزوحة تتعب برا الدار وداخل الدار اذا هو كي يرجع من الخدمة يرتاح هي ترجع تجري لشقا الدار غير تماما عنو ومبعد يجي هو يطلب منها راتبها ولا يديهولها!!!

أنو المرأة تتشارك مع زوجها في أمور برغبتها شي وأنو يديلها دراهمها ولا يغصبها على أنها تتشارك معاه شي ثاني تماما والأمور هذي لازم تصرا بالرضا وإلا كي شغل راه يسرق فيها بحكم قوتو عليها.

هكذاك ومع الأسف كاين بزاف رجال من النوع هذا لي مرتو تخدم وتتعب وهو يديلها دراهمها ببساطة الله يخزيه ويحذفو من جنس الرجال كان هذا راجل.

مشكورة حبيبتي على الموضوع 😘
 

رحاب الجزائرية

:: مشرفة ::
إنضم
1 أوت 2019
المشاركات
299
نقاط التفاعل
998
النقاط
56
انا مانخدم ماعندي شهرية سعات نتمنا تكون عندي شهرية ونحي الهم على روحي بلاخص كي نحس روحي كي الطلابة اعطيني عطيني وهو واش ديري بيهم وسعات نحمد ربي كي ماعنديش شهرية كون جيت نخلص راني طلقت هههه كي يكون عندي مصروف مخبياتوا ويفيق بيه معادش يصرف ويقول او عندك ولا يحوس يديه ونتشاجرو عليه
مالا الحمدالله على نعمته وربي يعمي راجلي على المكان لي نخبي فيه ههههه
ميمينا انا ورأسك وين رامي مخبية الدراهم هههههههه
عندك الحق اقعدي في دارك وخليه هو لي يصرف نعرف اختي كي حالتي مانا نتاع بكرة ولا مسؤلية ،ههههه مسؤولية اولادنا ويلا قدرنا عليها
 

رحاب الجزائرية

:: مشرفة ::
إنضم
1 أوت 2019
المشاركات
299
نقاط التفاعل
998
النقاط
56
السلام وعليكم
الموضوع جد مشوق و هذه الظاهرة راهي تهدد الكثير من العلاقات الزوجية .
انا بالنسبة لي نشوف الراجل في كل حالاته استغلالي هنالك البعض من يقول انا لا اقبل زوجتي تعمل فلا أقبل ان يكون هناك اي إحتكاك بين زوجتي ورجل تحت مسمى زملاء عمل حتى اذا إضطر الى التسول والبعض الآخر يقول ان الزواج مشاركة فعلى الزوجة ان تشاركه تحمل المسؤولية وان ماله لها ومالها له لكن في الحقيقة هي ظلم للمرأة فليس من واجبها تحمل المسؤولية كإحضار مستلزمات البيت وان عملت فهي تعمل لتلبية متطلباتها التي يعجز زوجها عن تحقيقها .
ماعدنا مانقولوا غير الله يهديهم 😥😥😥😣
شوفي كلامك صح بصح ان الزوج يقول لمرته اقعدي ماتندميش من اجل الا تحتك بالرجال حتى وهو ماشي لاحق وحتى اذا اضطر الى التسول هذا نعم الزوج ويكفي ان الله حرم الاختلاط انامابغيتش نطرق لهذه النقطة قلت رآنا نهدرو على الراتب اما عمل المرأة في مكان فيه اختلاط اسمحيلي ديننا واضح في هذه الامور ماكان لا زمالة ولا صداقة اتمنى تقبلي مداخلتي بطيب خاطر ورحابة صدر
 

السلطانة

:: إدارة حواء الجزائر ::
طاقم الإدارة
إنضم
16 ماي 2019
المشاركات
312
نقاط التفاعل
1,191
النقاط
66
ان تمنحه الزوجة من مالها فهو معقول
اما ان يصبح يسلبها اياه
بالقوة فهو غير مقبول
بل هناك نساء يعملن والزوج لايعلم
تعمل هي وتعطيه المال
والامر يعود الى طريقة تفكيرها وقبولها الامر منذ البداية
مشكورة
 

ام محمد الجزائرية

:: حواء نشيطة ::
إنضم
25 سبتمبر 2019
المشاركات
107
نقاط التفاعل
254
النقاط
46
للاسف نحن في زمن اصبح الزوج الموضف الحكومي (شهار) ميلحقش مع مصاريف الشهر مع الاولاد والاحتياجات ، تلقاه يعيش دائمت بسياسة التقشف ، ومع توقيت عمله والحالة النفسية الي هو فيها ميقدرش يزيد عمل اخر ، يولي يلجأ باش زوجته تخدم وتعاونو
وكاين الي يجي يخطب يقلك انا من دورك لازمني وحدة قارية باش تخدم ويخير زوجته على الجمال والاصل و دبلومها او نوعية خدمتها ، فكاين الي ميحبش مثلا تخدم في الادارة فيفضلها معلمة هذا مثال
وهنا لا حرج في ذلك هو شاف مخروجو هكذا وصح رنا في وقت المعيشة غالية
دورك تبقى لازم من الاول المرأة تتفاهم مع رجلها كيفاش نقسمو المصروف ومفيهاش حرج اذا عاوناتو لكن لازم هو يعاونها في تربية الاولاد لانهم كيف كيف في الخارج ملا في الدار تاني ، يعاونها في الاولاد يعاونها الدار لشتى هي تغسل المواعن وهو يجيبلها من طابلة ههههه

واذا اشترو شيء مثلا منزل كاين عقد شراكة يعني علاه يكتب المنزل باسمو يكتبه عليهم في زوج وهذي شفتها بزاف كاينة (مدام اي مسيو )
مشروع بسمهم في زوج وهي ماشية

كخلاصة : مهيش عيب تخدم المرأة وتعاون رجلها لكن يجب التفاهم في أدق التفاصيل من الاول ، ولا تهمل احتياجاتها الانثوية ، ويجب مساعدتها في المنزل ولا تهمل حقها القنوني في امتلاك او شراكة اي شيء مادي
 

الورد الأحمر

:: إدارة حواء الجزائر ::
طاقم الإدارة
إنضم
16 ماي 2019
المشاركات
586
نقاط التفاعل
1,767
النقاط
66
@ام محمد الجزائرية

فعلا كاين الرجال لي يشوفوا للمرأة العاملة حتى تعاونهن وهذا مش عيب لكن من اللول يتقاسمو كل شي مع بعض مش المال يتقسم والشقا يبقى ليها.

موضوع المنزل حتى لو هو مل حب يحط اسمها معاه الدولة وحدها ولات تحط المرأة مع راجلها في عقد الملكية حتى لو ما حطت معاه الدراهم وقت الشراء وحتى العقود لقديمة راهي تجددت بالطريقة هذي واي رجل متزوج والدار باسمة تلقى اسم مرتو معاع شاء أم أبى.
 

رحاب الجزائرية

:: مشرفة ::
إنضم
1 أوت 2019
المشاركات
299
نقاط التفاعل
998
النقاط
56
@ام محمد الجزائرية

فعلا كاين الرجال لي يشوفوا للمرأة العاملة حتى تعاونهن وهذا مش عيب لكن من اللول يتقاسمو كل شي مع بعض مش المال يتقسم والشقا يبقى ليها.

موضوع المنزل حتى لو هو مل حب يحط اسمها معاه الدولة وحدها ولات تحط المرأة مع راجلها في عقد الملكية حتى لو ما حطت معاه الدراهم وقت الشراء وحتى العقود لقديمة راهي تجددت بالطريقة هذي واي رجل متزوج والدار باسمة تلقى اسم مرتو معاع شاء أم أبى.
موضوع المنزل اذا صار حقا كما تقولين فهو حفظ لحق المرأة لي اذا تطلقت تلقى نفسها في الخارج هي وأولادها والزوج يعطيها مليون حق الكراء مليون ماتكريش حتى بيت في السطح
 

و تمضي الأيام

:: حواء نشيطة ::
إنضم
1 سبتمبر 2019
المشاركات
175
نقاط التفاعل
581
النقاط
46
السلام عليكم و رحمة الله و بركاته
مكانش او قلييل بيت فيه الزوج و الزوجة عاملة و ميكونش فيه مشاكل او محاسبة حتى لو تشرط من الاول انه راتبها لها و هي حرة فيه تبغي تعاونه تبغي تعطيه لوالديها هي حرة لكن بعد الزواج العقلية تتبدل و قليل وين يلتزم الرجل بكلمته كاين متقدرش تشوف راجلها حاصل و محتاج في المصروف و متعاونهش يعني الا اذا كان قلبها بارد و كاين بعض الحالات لي الزوجة عايشة مع اهل زوجها و هو يكون من النوع لي يصرف على دارهم حتى لو كان الوالد حي هنا تولي تصرف عليه و على تاوعه و هادي فيها هدرة طويلة علاه ربي و ميبغيش و كاين بزاف لي هو يروح يخلص كاين حتى لي تضطر تصل لدرجة تخون من خلصتها و متبينش لراجلها و تلقايها فاتحة كونت و لا تفوتهم لبيجوتري لانها لا تستطيع المواجهة و المطالبة بحقها و هو على حسب ما تعود الزوجة زوجها كلش على البداية تفرض الموقف تاعها هادي عشرة و لازم اي حاجة تبداها من الاول ماشي حتى تطفر و تقول نبدل العقلية
 
Top