كروفات من مطبخي

[السلطانة]

جبتلكم اليوم طبق كروفات
لي بزاف ناس ميحبوهش
وانا كنت منهم ومباعد بدلت رايي

بعد مانغسلها مليح. نقيها نحيلها لقشور
نملحها ونزيدلها توابل وثوم


نحضر صوص حمرا بالبصل والثوم وفلفل اسود واحمر كي تغلي نحطها عليها وخليها تطيب



كي تعقد ونلقاها طابت نطفي عليها وشهية طيبة







​

 

[ملكة زوجي]

السلام عليكم ....
ماشاء الله والله تشهي وباينة بنينة بصحتكم حبيبتي ويعطيك الصحة ​

 

[نورهان]

انا تاني ما نحبوش او قد ما حاول معايا زوجي ما قدرتش ناكلو هو يموت اعليه
صحيتي اعطيتيني فكرة كيفاش انطيبهولو انشاء الله ....

 

[ام ايناس]

يعطيك الصحة جا يشهي بصحتكم

 

[طير الجنة]

السلام عليكم
ما شاء الله
شكرا على الوصفة جعلها الله في ميزان حسناتك

 

[ام محمد الجزائرية]

امممم يشهي انا نموت عليه لكني نحبو مقلي وحدو مجربتوش صوص نجربو ان شاء الله ونشوف

 

[منيني]

السلام عليك
مشكورة على الوصفة مع أن منبغيهاش خطرات يخلعوني دارنا كي نشوفهم ياكلو فيها ههه

 

[الورد الأحمر]

السلام عليكم ورحمة الله وبركاته

برعاية الصحن بونوارة هههه ... يعطيك الصحة حبيبتي وبصحتكم وأنا كي العادة المأكولات البحرية خاطيني وتطورت شوية وليت ناكل الساردين مي لي تكون مداوية ومتبلة مليح حتى ما نشمش ريحتها

 

[آية نور اليقين]

شكلها يشهي حبيبتي رووووووعة بصحتكم

 

[آوراسية]

يعطيييك صحه

 

[رحاب الجزائرية]

عييت مانهرب من الموضوع مابغيتش ندخل لبه ولكن ضعفت ودخلت
انها محبوبتي الوردية راني عرفناكم جماعة ماناكلوش الكروفات امالازحقكم ارسلوهلي بالاكم يديروه في الدار وماتخلوهليش


هههه نموت عليها ومن زهري ولادي حتى هوما يبغوها ،وهذا الوحم جاني عليها كليتها بصح مازالز
مابردش قلبي وهذي الايام الجو غائم راها قليلة غير يصحا الحال راني في المرشيذ

المهم السلطانة جاتك تشهي ههههههه هدرت عليها وتفكرت نرد على موضوعك

 

[ام محمد الجزائرية]

عييت مانهرب من الموضوع مابغيتش ندخل لبه ولكن ضعفت ودخلت
انها محبوبتي الوردية راني عرفناكم جماعة ماناكلوش الكروفات امالازحقكم ارسلوهلي بالاكم يديروه في الدار وماتخلوهليش


هههه نموت عليها ومن زهري ولادي حتى هوما يبغوها ،وهذا الوحم جاني عليها كليتها بصح مازالز
مابردش قلبي وهذي الايام الجو غائم راها قليلة غير يصحا الحال راني في المرشيذ

المهم السلطانة جاتك تشهي ههههههه هدرت عليها وتفكرت نرد على موضوعك

يا مهبولة واش دخلك هنا هههه
والله سمانة الي فاتت شرينا حبات كبار دوراد كاالعادة مع شوي سردين تعرفي تضحكي جابنلنا 4 حبات كروفات روايل ب 70الف ههههه قالك ديكوري بيهم

 

[رحاب الجزائرية]

راكي تشوفي ام محمد غيبت نشد ودخلت
راها غالية بزاف واحنا عايلة يعني زوج كيلو مادير والو
لحقت 300الف للكيلو الروايال قلت لزوجي راك متاكد يصيدونها هنا بانتلي شادة الفيزا والطيارة والأتيل هههههههه


اواه نتعلم ندير المورسا والصيادة ونقلبها حواتة

 

[ام محمد الجزائرية]

راكي تشوفي ام محمد غيبت نشد ودخلت
راها غالية بزاف واحنا عايلة يعني زوج كيلو مادير والو
لحقت 300الف للكيلو الروايال قلت لزوجي راك متاكد يصيدونها هنا بانتلي شادة الفيزا والطيارة والأتيل هههههههه


اواه نتعلم ندير المورسا والصيادة ونقلبها حواتة

ههههه شفتي خلي ربي يزيدهم الحواته