الكوسميتيك تاع البيبي

[السلطانة]

السلام عليكم ورحمة الله وبركاته

هاذي سلة شريتها نجمع فيها كوسميتيك البيبي




وهذا شومبوا وكولونيا
من جونسون
ومشط كوبونقل محرار
من تاع بنتي الاولى قلت نزيد نستعملهم
عقمتهم بالخل
وعندي بودر من تاع بنتي نستعملو.




وهاذوك لقلوب عجبوني
قلت كاشما نحط فيهم
كملاحظة:

في حملي الاول شريت سيري تاع كوسميتيك
ولقيتها معندهاش لزوم
كيما لحليب وانواع الزيوت دارو حساسية للبيبي
وقررت هاذ المرة نشري غير اللازم


هذا الصابون شفتهم يشكرو فيه
ينحي لي طاش

ان شاءالله نغسل بيه قش البيبي الابيض







ان شاءالله ربي يرزق كل وحدة
ويسلكني ويسلك الاخوات بخير
في أمان الله​

 

[نورهان]

بصحتك اختي السلطانة او ربي يفرحك او يعطيك وقفة صحيحة

 

[الورد الأحمر]

السلام عليكم ورحمة الله وبركاته

بصحتو البيبي قبل ما يزيد وان شاء الله تستعمليهم بالصحة حبيبتي والله يسلكك على خير ونفرحو كامل معاك

مشكورة على مشاركتنا مشتريات البيبي تسملي.

 

[السلطانة]

بصحتك اختي السلطانة او ربي يفرحك او يعطيك وقفة صحيحة

بصحتك حبيبتي امين يارب

 

[السلطانة]

السلام عليكم ورحمة الله وبركاته

بصحتو البيبي قبل ما يزيد وان شاء الله تستعمليهم بالصحة حبيبتي والله يسلكك على خير ونفرحو كامل معاك

مشكورة على مشاركتنا مشتريات البيبي تسملي.

امين يارب يعيشك حبيبتي

 

[منيني]

السلام عليك
بصحتك وربي يفرحك
نفضل نيفيا احسن ولا شاقلتي ؟

 

[اميرة على عرش الالم]

بصحتو النونو ربي يعطيك وقفة ساهلة ونفرحوا بيه ونزوجو لبنتي شفتي دبرتلك كنة

 

[رحاب الجزائرية]

بصحت البيبي وان شاء الله يجي بخير وسلامة وانت ربي يعطيك وقفة ساهلة كلش شباب وعندك الصح اشري لي استعمليه برك
انا دايما نشري جونسون بصح الأصلي يعني نتاع الخارج وحتى الزيت نتاعه للجسم روعة كبرت بيه ولدي

ونموت على الكلونيا نبغيها في البيبي بعد الغسيل نرش على ملابسه وفراشه

زيدي لانجات بدون كحول خاصة للأطفال طبعا للمستشفى غير تجي لبيتك تغسلي عادي للبيبي بالماء دافء
كوتو نتيج لازم كي تكون حاجة في انفه واع انان عيب لازم نظفلهم وانوفهم صغار ههههه


حليب جونسون مليح تاني كي تخرجي تمسحي للبيبي تبقى ريحته شابة ولو رضع وقلص


شهيتيني في التروسو نتاع البيبي يارب يطعم كل متمنية ويسلكنا على خير انا مازال في بداية النشوار هههههه

 

[و تمضي الأيام]

بصحته البيبي ان شاء الله تسلكو على خير و تشوفيه قدامك كيما ليوم

 

[و تمضي الأيام]

@رحاب الجزائرية مبروك حبيبة ربي يثبت حملك و ان شاء الله يجيك الوحم ساهل ماهل

 

[عآبرة ألم]

حليب الأطفال مليح ينقي ويعطر
وحتى زيت جونسون فعالة انا نربي بيها تخلي بشرتهم ناعمة ومتتجرحش وتان كي نديرها لشعرهم تقولي دوشتيلهم
تنفعك سورتو مع برد جاي
صابون وقفاز متنسايش وعيدان قطن باش تنقيلو لاموش بيبي سيروم
هذوك القلوب خليهم لبنتك الكبيرة ديري فيهم شوشوات واكسسوارات احسن
يا ويلي انا راني كارهة التربية بصح قبل ما نولد وجدت كيما راكي ههههه فرحانة وكي جات المنتظرة قلبت حياتي رأسا على عقب رجعت هي ليلي ونهاري ودقايقي لاصقتلي في الحلق....حرمتها من كل نواحي هههه
الله بسهلك تربية والولادة هعععع

 

[رحاب الجزائرية]

@و تمضي الأيام ربي يبارك فيك اختي بصح على الوحم أه راني نعاني تعب وكارهة الاكل وريحته حملت من قبل بصح هذي المرة بزاف وطن هاذي لي راح نحط التقاعد معاها صاي ربي يفرحك ويفرح كل اخت معانا

 

[رحاب الجزائرية]

@عآبرة ألم راها التربية دايرة فيك حالة الله يعينك ويقدرك صح الاطفال نتاع درك صعاب يقلبو الحياة من والنهار. يجو للدنيا ربي يحفظهم لينا ويكبرهم على طاعته

 

[عآبرة ألم]

@عآبرة ألم راها التربية دايرة فيك حالة الله يعينك ويقدرك صح الاطفال نتاع درك صعاب يقلبو الحياة من والنهار. يجو للدنيا ربي يحفظهم لينا ويكبرهم على طاعته

مع ضيق وضغوطات والخوف برا صج صعلبت
انت شحال عندك اطفال
انا راني مش متحملة فكرة نزيد هههه

 

[رحاب الجزائرية]

@عآبرة ألم عادي غير تزيدي على بنتك تعتادي الضغط والتربية
عندي ولد وثلاث بنات وادعيلي خاتمها مسك نجيب ولد اخ لابني وهنا نريح هبلني ابني ماما جيبيلي خويا

 

[أم الزهراء]

مبروك للبيبي ربي يزيد و يبارك و يجي سليم معافى و يعطيك وقفة ساهلة يا رب

 

[ام ايناس]

مبروك للبيبي وربي يعطيك ساعة ساهلة