روتينك في التنظيف بعد الولادة ?

[السلطانة]

السلام عليكم ورحمة الله وبركاته


كل وحدة تدخل تقولنا واش استعملت بعد الولادة من اعشاب او ادوية لعلاج الخياطة
وطريقة العناية بنفسها
في ولادتي الاولى يوميا في الصباح ندفي الماء فيه الملح ونكمد بفوطة صحية فوق الجرح نحط الدوا ونبدل الفوطة نغسل جسمي نشف مليح نبدل قشي عالميكروب يوميا خاصة الملابس الداخلية كي بدا يترخف وليت نغسل بالماء دافي كي بدا الخيط، يتنحى درت صابون مرحي في قارورة زجاجية وكي نغسل نعاود نغسل بيه فادني بزاف

وانتي ياحواء؟

 

[طير الجنة]

وعليكم السلام ورحمه الله وبركاته
اختي استعملي مغلى الزعتر مليح بزاف يعقم لكن تستعمليه دافئ تحضري كمية كبيرة كي يبرد تحتفظي بيه فالثلاجة وعند الاستعمال دفي كمية منه ورجعي الباقي للثلاجة
اختي دخلتي شهرك؟
ربي يعطيك وقفة ساهلة

 

[أشواق الجنان]

راني على مشارف الولادة واول مرة متخوفة بزاف من الخياطة منكم نستفيد

 

[قطرات المطر]

عليكم السلام ورحمة الله وبركاته
شخصيا استعملت الشب للتنظيف وهو مطهر معطر وفعال
يُفتت حجر الشب في قارورة ماء دافئ
ثم ترج جيدا للذوبان بعد ذلك يكون جاهز للاستعمال
يا رب سهل ولادة الجميع وارزق كل محروم يارب

 

[قطرات المطر]

راني على مشارف الولادة واول مرة متخوفة بزاف من الخياطة منكم نستفيد

لا تخافي يا اشواق فان كنتي صابرة لحظة الولادة فلا تتخوفي من الخياطة لان اصلا يكون الدم ساخن جدا ولا تشعري بالخياطة
اجعلي لسانك في ذلك الوقت رطبا بذكر الله ادعي الله كثيرا واشغلي نفسك بالذكر ووان شاء الله ميسرة أختاه
ربي يعطيك وقفة ساهلة ختيتي
ادعي لنا بصلاح الحال والاحوال جزاك الله خيرا

 

[أشواق الجنان]

لا تخافي يا اشواق فان كنتي صابرة لحظة الولادة فلا تتخوفي من الخياطة لان اصلا يكون الدم ساخن جدا ولا تشعري بالخياطة
اجعلي لسانك في ذلك الوقت رطبا بذكر الله ادعي الله كثيرا واشغلي نفسك بالذكر ووان شاء الله ميسرة أختاه
ربي يعطيك وقفة ساهلة ختيتي
ادعي لنا بصلاح الحال والاحوال جزاك الله خيرا

اللهم امين ربي يحفظك

 

[رحاب الجزائرية]

اهلا كروشات ،شوفو للامانة ولدت مرة طبيعي والحمد لله اعتنيت بالجرح مليح ،كنت ندير بيتادين على الفوطة الصحية واضعها على الجرح طبعا بعد الغسل بالماء الدافىء والملح لان محلول الملح يزيل التهاب والانتفاخ مكان الخياطة وبالتالي الخيط تحسّيه ترخف وبهدخازنحط فوطة بها بيتادين ونحط فوق الجرح يوميا حتى وليت نلقى الخيوط تنزل لوحدها والجرح برالي مليح

اما بعدها جرح العملية يختلف تنظيفه لازم عناية مشددة أدوية ومعقمات وتقوم بخ ممرضة وحت، جرح العملية الحمد لله ولا مرة التعب مع. اني نرفد في الصيف والحرارة ولكن نحافظ عليه ونواصل تنظيفه لوحدي بالبيت ويتنحى الخيط بسلاسة زوج مرات نقلع لوحدي الخيط هههههههه

 

[منيني]

السلام عليكم
رانا نتعلمو منكم هههه
معندي حتى معلومة

 

[رحاب الجزائرية]

@منيني هههه تعلمي ماتخافيش برك

انا اول ولادة كنت فرحانة حتى الشهر الثامن غير قالولي خياطة مت بالخوف بُصح ماتخوفش أصلا بدون احساس يكو الدم سخون وفيك حرارة الولادة ماتحسيش بالم ولا شي

ربي يسهل عليك في اي شهر انت

 

[طير الجنة]

راني على مشارف الولادة واول مرة متخوفة بزاف من الخياطة منكم نستفيد

اختي ان شاء الله خير
اختي شوفي موضوع لي درته وصفة لتسهيل الولادة راه مفصل ان شاء الله يفيدك

 

[أشواق الجنان]

اختي ان شاء الله خير
اختي شوفي موضوع لي درته وصفة لتسهيل الولادة راه مفصل ان شاء الله يفيدك

بارك الله فيك اختي نشوفه

 

[خديجة ph]

السلام عليكم خياتي
بالنسبة للخياطة الموضوع يختلف من ولادة قيصرية لولادة طبيعية اللي في بعض الحالات يزيدولها في فتحة الرحم بالمقص باه يعاونو المولود يخرج
خياطة القيصرية مثل اي خياطة تاع عملية جراحية لازم اهم شيء تحافظي على الخيط سليم و الجرح نظيف و كيفية الاعتناء تكون بالادوية المطهرة مرة في اليومين طهري الجرح اغلقي بالكمدات حاولي تتجنبي لمس المنطقة بالماء حتى يلتئم الجرح لان الماء معناه نمو بكتيريا و اذا لمس الماء الجرح نشفيه قدر الامكان قبل ما ترجعي الكمادات وفي فترة الصيف ما تخليش الجرح يعرق نشفيه هاويه و غيري الكمادات كل يوم لا تحاولي تحطي زيت او ملح او اشياء ترشي الخيط لان الخيط ماسك عضلة ليس من المفروض تنشق عضلة البطن ولذلك كلما تماسك هذا الخيط رح يسمح لعضلة البطن بالالتصاق مجددا ولان معظم الاعمال اليومية تتطلب تحريك عضلة البطن يطلب منك الطبيب ترتاحي بعد الولاد و ما تحركيش بطنك و ثانيا تخلي الخيط مكانو حتى ترتاحي تفاديا انو العضلة تتقطع تاني و يصير مشكل فتق الله يعافيكم
اما في حالة ولادة طبيعية مع خياطة بعد توسيع فتحة الولادة ههههه سامحوني نكمل هدرة عليها غدوة ان شاء الله ناض وليدي

 

[ام رسال الدين]

بارك الله فيكم

 

[رحاب الجزائرية]

@خديجة ph كي هدرتي على جرح القيصرية حاسة انك فائتة عليها
وصح كل لي قلتيه انا ثلاث بصريات الحمد لله اعتنيت بالجرح لدرجة اني في اليوم السابع نرض عادي بدون الم ولكن اعتني به جيدا والخيط يتنحى بسهولة

 

[خديجة ph]

@خديجة ph كي هدرتي على جرح القيصرية حاسة انك فائتة عليها
وصح كل لي قلتيه انا ثلاث بصريات الحمد لله اعتنيت بالجرح لدرجة اني في اليوم السابع نرض عادي بدون الم ولكن اعتني به جيدا والخيط يتنحى بسهولة

وعليكم السلام اختي رحاب
حقيقة ما فتش عليها لكن بحكم مهنتي و اخواتي اللي عملو قيصرية من قبل .
الحمد لله على سلامتك وربي يجعلهم صحاح صالحين
نعم اختي الاعتناء بالجرح نصف يسهل عالام كثير من الامور من بعد

 

[خديجة ph]

بالنسبة لزيادة فتحة المهبل بالمقص
فهنا الخيط يكون في عضلة لا نضغط عليها في حياتنا اليومية كذلك هذه العضلة طبيعي انها تتقطع عند الولادة و لذلك تلتئم بسرعة و عادة بدون مشاكل
الخيط في هذه المنطقة كذلك لازم نعتنيو بيه و بالجرح لان المكان قريب من فتحة البول و البراز اكرمكم الله هنا لازم العناية تكون بالنظافة و كثرة المواد المطهرة لاننا ما نقدرش نحافظو عليها جافة
وهنا كل ما تدخل الام للحمام لازم تغسل بعدها بصابون سائل مطهر مخصص لهذه المنطقة سافوريل مثلا و مرة في اليوم تستعمل المواد المطهرة و تستعين بمرآة باه تشوف مكان الخيط و تطهرو جيدا و تلاحظ اي انتان او جرح منتن
اللي يتعذر عليها تطهير هذه المنطقة لالم ولا لمرض تستعين بممرضة و اذا ما فيهش احراج يمكن الزوج يعينك
كذلك تجنب الجلوس لفترات طويلة لان الخيط يقدر يتقطع و بالنسبة للرضاعة حاولي ترضعي و انت نايمة في السرير.
وفي الاخير ربي يسهلكم و يشافي الجميع

 

[ابنتي سعادتي]

موضوع جميل بارك الله فيك اختي
والله عن نفسيننفس وحدي من سييطار للدار فطور تخمال تسياق كوزينة نسكن وحدي
نغسل غير غاسول فقط مع شرب زعتر

 

[رحاب الجزائرية]

@بارك الله فيك @خديجة ph على المعلومات ان شاء الله يستفادو منها الكروشات هنا وانا منهم ههههههههه

@ابنتي سعادتي ربي يعينك كي مايكون عندك حتم واحد يعاونك يكون الله الى جنبك ويقدرك ومهما كان سعداته لي يعاون نفساء ولكن صرنا في زمن كل و احد همه نفسه وفقط

 

[السلطانة]

وعليكم السلام ورحمه الله وبركاته
اختي استعملي مغلى الزعتر مليح بزاف يعقم لكن تستعمليه دافئ تحضري كمية كبيرة كي يبرد تحتفظي بيه فالثلاجة وعند الاستعمال دفي كمية منه ورجعي الباقي للثلاجة
اختي دخلتي شهرك؟
ربي يعطيك وقفة ساهلة

مشكورة حبيبتي
ايه راني في شهري

 

[السلطانة]

راني على مشارف الولادة واول مرة متخوفة بزاف من الخياطة منكم نستفيد

ربي يسلكك بخير يارب