ساعدوني غالياتي..... 💙💙

[عفراء]

السلام عليكم
مساء الورد غالياتي كيف حالكن توووحشتكم نظن هذا أول موضوع ليا في هذا المنتدى الغالي
البنات حبيتكم تساعدوني اي وحدة تعرف تخيط ولا عندها من أهلها ولا صديقاتها تخيط تساعدني حبيت نخيط روبة قطيفة شفت نتاع اليوتيوب المخيطين ملقيتش لي نحوس عليها ياخي بالصدفة لقيت روبة عجبتني
لكن للأسف معرفتش كيفاش نفصلها
حبيتكم توريولي الفصالة مع تحياتي لكم جميعاً
انتظر ردودكن وتفاعلكن حبيباتي
شكرااا

 

[السلطانة]

ان شاءالله يعاونوك اصحاب الاختصاص
@ام ايناس

 

[عفراء]

شكراا حبيبتي على الرد
ان شاء الله بانتظارهن
أين انتي يا ام إيناس الماهرة

 

[نورهان]

شكراا حبيبتي على الرد
ان شاء الله بانتظارهن
أين انتي يا ام إيناس الماهرة

صح ام ايناس تسلكها مليح بصح راهي لاهية بوالدها المريض

 

[رحاب الجزائرية]

تدخل ام ايناس وإذا عندها باترون ليها ماراحش تبخل عليك برك ادعو لوالدها ربي يشفيه راها مسكينة في حالة عليه ربي يخفف عليه ويقدرها هي تاني






سوفي مي تخيطي حاجة تخرج احسن من المشرية راها غالية وتاني بالاك ماتجيكش قوليلي على القماش ولا حطي صورة ليه نستفادو انا تاني باغية نسي نخيط طبعا ماشي اما نعطي للخياطة ههههه مانعرفش صراحة

 

[اميرة على عرش الالم]

والله لا شرقت الخياطة انا راني غربت ان شاء الله تلقاي لي يعاونك

 

[ام ايناس]

سلام
اعذرينين حبوبة ضروفي سيئ على هداك مارديتش عليك ططول النهار في بيت اهلي مافيهاش النت وكي نروح لداري ياربي نجري ورا العايلة ومتطلباتها يعني وقتي ذيق
المهم لازمك 3 ميترات قماش ولي شفاف عندنا يسموه تيلو ميترا واذا تحوصي على طريقة الفصالة يعني الباترون اصبري عليا شوي وين نلقا وقت نرسمهولك ونكتبلك التفاصيل وااسمحيلي اذا طولت عليك

 

[أم الزهراء]

المودال المختار جميل جدا
وهاهي @ام ايناس الغالية عطاتك نوع القماش
ادعو الله لوالدها بالشفاء العاجل

 

[عفراء]

تدخل ام ايناس وإذا عندها باترون ليها ماراحش تبخل عليك برك ادعو لوالدها ربي يشفيه راها مسكينة في حالة عليه ربي يخفف عليه ويقدرها هي تاني






سوفي مي تخيطي حاجة تخرج احسن من المشرية راها غالية وتاني بالاك ماتجيكش قوليلي على القماش ولا حطي صورة ليه نستفادو انا تاني باغية نسي نخيط طبعا ماشي اما نعطي للخياطة ههههه مانعرفش صراحة

اهلا وسهلا
شكرااا على المرور
القماش درت قظيفة رويال
ايه عندك الحق الخياطة افضل من تشري برا

 

[عفراء]

سلام
اعذرينين حبوبة ضروفي سيئ على هداك مارديتش عليك ططول النهار في بيت اهلي مافيهاش النت وكي نروح لداري ياربي نجري ورا العايلة ومتطلباتها يعني وقتي ذيق
المهم لازمك 3 ميترات قماش ولي شفاف عندنا يسموه تيلو ميترا واذا تحوصي على طريقة الفصالة يعني الباترون اصبري عليا شوي وين نلقا وقت نرسمهولك ونكتبلك التفاصيل وااسمحيلي اذا طولت عليك

ربي يشافيه ويعافيه يارب
شكراا اختي ربي يحفظك ويسعدك ان شاء الله