شومبوان وماسك لعلاج الشعر المتضرر

[رحاب الجزائرية]

سلام اخواتي


اليوم جبتلكم شومبوان والماسك صراحة ممتاز لعلاج الشعر المتضرر سواء من الصبغة او السيشوار

وهو علاج ممتاز للشعر التالف وتاني مليح لكل انواع الشعر حتى ولو لم يكن متضرر


اسمه مورفوز وهو بالحليب


يكفي تغسلي بيه شعرك وتخليه مدة عشر دقائق وتكملي الاستحمام وبعدها تشلي الشعر وتنشفيه او تعصريه وديري الماسك وتخليه مدة عشر دقائق طبعا وانت داخل في الدوش وتكملي الاستحمام وأخيرا التشليلة الاخيرة صراحة الشعر يولي يهبل مسرسب ويساعد في تطويل الشعر



هاذا قاني منتج نستخدمه لهذا الغرض اي علاج السعر ولكن هذا في حاجة مليحة السعر مليح الشومبوان والماسك 1500دج والعبوة كبيرة والاول فعال وممتاز بصح السعر 130000يعني مليون وثلاثمائة غالي وان شاء الله نحطه في موضوع مستقل

 

[رحاب الجزائرية]

@ام محمد الجزائرية ارواحي جبتلك الشومبوان هههه قولي هذا وين
@الورد الأحمر @اميرة على عرش الالم @قطرات المطر @عآبرة ألم @نورهان
@ام ايناس @منيني @نايلية @آوراسية @السلطانة @

 

[اميرة على عرش الالم]

بارك الله فيك على الإفادة فعلا شعري تلف من بعد ما صبغته ومالقيتلوش حل ولا جاف ومتكسر ويتساقط بشكل كبير شكرا لك نجربها ونشوف

 

[طير الجنة]

و عليكم السلام ورحمة الله تعالى وبركاته
اختي قصدك الشامبو و الماسك مورفوز سعر مع بعض 1500 أو 130000
شكرا اختي على افادتنا بتجربتكي
جعلها الله في ميزان حسناتك

 

[ام محمد الجزائرية]

يعطيك الصحة حببتي
كنت حكيتيلي عليه روعة ، ان شاء الله نحوس عليه ونشريه ، ياريت نلقاه برك

 

[رحاب الجزائرية]

اهلا اختي طير الجنة لا هذا الشومبوان لي حطيته ثمن نتاعه مية وخمسين الف بالاك تلقيه اقل صراحة شريته على وحدة بعد لي مالقيتهش في الحانوت

الاخر كي نحط صور ندير موضوع عليه قلتلكم عليه لان نفس النتيجة برك الثمن يختلف

 

[رحاب الجزائرية]

@اميرة على عرش الالم جربيه باذن الله نلقي نتيجة وزيدي تاني حمام الزيوت خاصة زيت اللوز الحلو وزيت جوز العند وزيت الصبار شوفي عن تجربة شعرك يخلف من جديد
منذ اربع سنين درت كارثة في شعري كنت دايرة ليماش ودرت ديفريساج مع ان شعري مايحتاجش شانقولك ولا يتفتت شوية ونخلط بولا زيرو حتم وحدة قالتلي على زيت اللوز الحلو أعجوبة شعري رجع مثل اول وآخسن
ودرك راني نستعمل هذي الزيوت حتى انا هلكت شعري بالصباغة هذي السنة جاني اكتئاب بعد الولادة وليت غير نصبغ ودرت الصبغات المستحيلة سيلفر ،بلاتين ،بوردو ،اومبري ،وكلها صبغات تفتت الشعر درك مع الشومبوان والزيوت الحمد لله وزدت حبست الصباغة والسيشوار

 

[رحاب الجزائرية]

@ام محمد الجزائرية راه مليح خاصة كي بالحليب اذا لقيتيه في ولايتك حطيلي السعر راني حاسة لي شريته عليها دات معايا معليش بك باشنحط السعر نيشان ويستفاد الاخوات

 

[اميرة على عرش الالم]

@اميرة على عرش الالم جربيه باذن الله نلقي نتيجة وزيدي تاني حمام الزيوت خاصة زيت اللوز الحلو وزيت جوز العند وزيت الصبار شوفي عن تجربة شعرك يخلف من جديد
منذ اربع سنين درت كارثة في شعري كنت دايرة ليماش ودرت ديفريساج مع ان شعري مايحتاجش شانقولك ولا يتفتت شوية ونخلط بولا زيرو حتم وحدة قالتلي على زيت اللوز الحلو أعجوبة شعري رجع مثل اول وآخسن
ودرك راني نستعمل هذي الزيوت حتى انا هلكت شعري بالصباغة هذي السنة جاني اكتئاب بعد الولادة وليت غير نصبغ ودرت الصبغات المستحيلة سيلفر ،بلاتين ،بوردو ،اومبري ،وكلها صبغات تفتت الشعر درك مع الشومبوان والزيوت الحمد لله وزدت حبست الصباغة والسيشوار

بارك الله فيك شكرا

 

[ام محمد الجزائرية]

@ام محمد الجزائرية راه مليح خاصة كي بالحليب اذا لقيتيه في ولايتك حطيلي السعر راني حاسة لي شريته عليها دات معايا معليش بك باشنحط السعر نيشان ويستفاد الاخوات

ان شاء الله نحوس عليه باش نشريه باذن الله ونخبرك هنا

 

[منيني]

السلام عليك
جامي شفته
مشكورة على الموضوع
شعري ولا حالة وراني نعالج فيه بمنتوج اذا مكانتش نتيجة نجرب هذا بحول الله

 

[طير الجنة]

اهلا اختي طير الجنة لا هذا الشومبوان لي حطيته ثمن نتاعه مية وخمسين الف بالاك تلقيه اقل صراحة شريته على وحدة بعد لي مالقيتهش في الحانوت

الاخر كي نحط صور ندير موضوع عليه قلتلكم عليه لان نفس النتيجة برك الثمن يختلف

شكرا اختي على التوضيح ربي يحفظك

 

[رحاب الجزائرية]

@منيني اذا لقيتي نتيجة مع المتوج لي عندك فيدينا بيه
كلنا شعرنا راه مهانة من الصبغات والسيشوار حتى الماء راه معمر كلور

 

[آوراسية]

شكرا للتجربة المضونة

 

[كلي أمل]

شكرا غلى مشاركتنا تجربتك
ان شاء الله نجربو ونرجعلك
مشكوووورة حبيبتي

 

[رحاب الجزائرية]

@آوراسية
تسلمي حبيبتي

 

[رحاب الجزائرية]

شكرا غلى مشاركتنا تجربتك
ان شاء الله نجربو ونرجعلك
مشكوووورة حبيبتي

ان شاء الله يعجبك

يابنيتي نحي هذوك القلوب نبغي نديرلك إشارة مانقدرش هههههه

 

[كلي أمل]

ان شاء الله يعجبك

يابنيتي نحي هذوك القلوب نبغي نديرلك إشارة مانقدرش هههههه

خلاص نبدل اسمي على جالك ههههه

 

[رحاب الجزائرية]

ماتبدليش اسمة قوليلي وين ملقى هذوك القلوب عبيت نحرس عليهم باش نديرلك إشارة احسن ماندير اقتباس

 

[الورد الأحمر]

السلام عليكم ورحمة الله وبركاته

مشكورة حبيبتي على مشاركتنا تجربتك مع الشامبو والماسك، أنا شعري قنعتلو بلي يحب الرخص ههههه يعني ع قد ما جربتلو وعلة قد ما شريتلو وعلى قد ما تبعت ماركات عالمية لقيتو يحوس غير ع شي محلي يفهم عليه هههه وما فادني غير فونيس تاع 160 دج عندو الكنديشنر وعندو الماسك هناني صح من مشاكل شعري وجامي شفتو حالتو مستقرة كيما معاه.