ابشركن بولادة الغالية أشواق الجنان

[أم الزهراء]

السشلام عليكن أخواتي
ابشركن أن @أشواق الجنان قد أنجبت مولودتها بالقيصرية و هي الآن في المستشفى
انتظر معكن جديدها
العاقبة للكروشات الباقيات

 

[رحاب الجزائرية]

اجمل بشرى والله درك رايحة نعيطلها من البارح زاني معاها وندعيلها مسكينة حسّيت راح تفوت قيصرية لان المخاض طول عليها
ربي يبارك لها في آلاء ويحفظها

هل اتصلت بها اختي ام الزهراء

 

[رحاب الجزائرية]

بارك الله لك في المولودة ورزقك وأبيها برها وجعلها من الصالحات

 

[رحاب الجزائرية]

هههههه هذا وين انتبهت للعاقبة الكروشات


اميييييييييييييين

احتكرت الموضوع راكي غير انا لي نرد من الفرحة

 

[ام انشراح]

وعليكم السلام ورحمة الله
الف مبروووك والحمد لله على سلامتك اختي اشواق ربي يجعلها من الصالحات ان شاء الله
ودعواتكم لي راني مريضة وجيت لعند دارنا وخليت ابني عند باباه

 

[قطرات المطر]

ما شاء الله..
اللهم لك الحمد..ويا رب زد وبارك
عقبالكن بنات..

 

[رحاب الجزائرية]

ربي يشفيك اختي @ام انشراح ويتمم حملك بخير وتسلكي
وعلى ابنك راه عند ابيه ماتخميش عليه انت ريحي في صحتك حتى ترجعي لبيتك وأولادك اهم شيء يا اختي تكوني عند اهلك مريحة احسن مليون مرة ماتكوني في دارك وانت مريضة مايعرفو مايديرولك ولا رقدة السبيطار وقربت العطلة وتشوفي وليدك ان شاء الله
اهم حاجة ارتاحي نفسيا وجسديا لأجلك وأجل البيبي

 

[The queen]

السلام عليكم.....
منورين ياجميلات
الف الف مبروك للاخت اسال الله ان تكون قرة عينلها والحمد لله على سلامتها

امين يارب ربي يرزق كل مشتاق ان شاء الله

 

[ام محمد الجزائرية]

الف مبروك لاختي @اشواق الجنان

وشكرا @ام الزهراء على الخبرية عقبال ديما نسمعو منك اخبار سارة يارب

@ام انشراح ربي يشافيك يارب متقلقيش روحك ان شاء الله تكون امر وحم عادي وتفوت يارب الصبر والدعاء ومليح كي راكي في داركم
يارب ترتاحي في اقرب وقت يارب

 

[ام انشراح]

@ام محمد الجزائرية ربي يجازيك ختي لكن للأسف راني فراش رحت للطبيبة ولقاتلي الجنين توفى في6اسابيع وضرك راني بالدواء دعواااتكم اخواتي الغاليات

 

[رحاب الجزائرية]

ربي يخلف عليك اختي @ام انشراح درك مع الدواء تريحي وعادي يحصل بزاف ان الحمل يتوقف اذا كان فيه مشكل رحمة بِنَا من الله مايستمرش حمل ضعيف ولام شوه
ارتاحي اشهر وعاودي احملي تكوني شربت حمض الفوليك من درك يساعد على منع التشوهات

 

[ام محمد الجزائرية]

@ام محمد الجزائرية ربي يجازيك ختي لكن للأسف راني فراش رحت للطبيبة ولقاتلي الجنين توفى في6اسابيع وضرك راني بالدواء دعواااتكم اخواتي الغاليات

معليش قدر الله ماشاء
ربي يشفيك يارب ويخلف الله مرة اخرى يارب
لا تحزني راهي كاينة @رحاب الجزائرية مسكينة خبرة في هذه المواضيع
اهتمي مليح بصحتك من اجلك ومن اولادك ورني ندعيلك يا لحبيبة

 

[رحاب الجزائرية]

@ام محمد الجزائرية والله غير جبتيها فات عليا العجب الحمد لله نحتسب الأجر عند الله وكيما قلت في الحجر ولا في الجدر بمعنى يروح الحمل صغير ماشي كيما يكبر

تريح روحها برك نورمالمون إعطاؤها سانتوسينون إبر وتاني قطرة تساعد على تنظيف الرحم وعليها بالقرفة تشربها تسخن رحمها وربي يخلف عليها

 

[ام انشراح]

السلام عليكم اخواتي وشكرا لكُّن ماعطاوليش ابر عطاولي قطرات راني معاهم لكن مازال ما صرالي والو

 

[رحاب الجزائرية]

السلام عليكم اخواتي وشكرا لكُّن ماعطاوليش ابر عطاولي قطرات راني معاهم لكن مازال ما صرالي والو

الإبر قليلة ولازم في المستشفى يديروهملك اذا عندك عرف روحي تم يضربو لك وحدة ولا زوج يطيح كلش ،القطرة مليحة انا ماجربتهاش اخت زوجي سقطت وإعطاوها ليها بقات شحال من يوم باش نزفت
عليك بالحمام السخون واشربي زعتر وقرفة وربي يشفيك

 

[رحاب الجزائرية]

@أم الزهراء راكي هنا عاش من شافك
راني تكلمت مع اشواق الجنان مسلمة عليكم راها بخير شوية تعب وصداع بعد. العملية وان شاء الله غير ترتاح تدخل وطمنا عليها للان ماتقدرش تستعمل الهاتف
فاتت عليا الصداع بعد القيصرية صعب حتى الهاتف يزيد منه دعواتكن لها بالشفاء العاجل

 

[اميرة على عرش الالم]

ألف الف مبروك للأخت @أشواق الجنان تتربى في طاعة الله وربي يحفظهالك و تكون من الصالحات
وأختي @ام انشراح ربي يشافيك ويسهل عليك

 

[ام انشراح]

@اميرة على عرش الالم ربي يجازيك ختي راني الحمد لله بعدما سقط الجنين سوفريت وزاد عليا راسي اليوم العشية شربت باراسيتامول 1000 راني الحمد لله نقص السطر

 

[نايلية]

ربي يسرها و الف مبرو ووك عليها مزيود جديد
عملية بزااف واعرة مع اني مش مجربة ان شاء الله طبيعية لبنات ان سمية قريبة ( امينة )
لانوا شفت مرت بن خالي قبايلية تعبت ب زاااف حسيتها كون جااات منا كون تحملت كثر وقيل لقبايل مش مالفين بهواين نوايل

 

[Just faith]

الله يبارك
الحمد لله على سلامتها
تتربى في عز والديها وربي يجعلها من الذرية الصالحة