أحمر شفاه نوت (Review)

[الورد الأحمر]

السلام عليكم ورحمة الله وبركاته
بسم الله الرحمان الرحيم

مساء الخير عساكم بخير جميعا

في عدد آخر من سلسلة Riviews رح نشوفو
هاذ أحمر الشفاه



بالنسبة للألوان فيه ألوان جميلة وحلوة خاصة هذا
الدرجات من الألوان النيود فعلا روعة لكن ...
عند التطبيق ووضعو على الشفاه الألوان ما تجيش
كامل كيما راهي تبان من برا وتجي ألوان غريبة
وفاقعة ومستحيل تستعمليها لوحدها يعني تضطري
تعملي تدخل بلون آخر لتدارك المهزلة وطبعا
الشي هذا وحدة ما تحبو لأنو تولي بدل ما تستخدم
واحد راهي تستخدم في زوج واحد يدير كارثة
والثاني يرقع ويولي يخسرك حقو وحق الثاني
لي راكي ترقعي بيه وزيد إزعاج كل مرة ترقعي

لا أنصح به بتااااتا ولي تشوفهم ويغروها الألوان
غير ما يغروكش راكي تحطي ربعين ألف باطل


كان هذا تقييمي لهذا النوع من أحمر الشفاه
نلتقي في مواضيع تقييمية أخرى

دعمكن لنا على الانستغرام مهم
http://instagr.am/p/Bx-P72xBIrk/


​

- تحياتي -​

 

[ملكة زوجي]

السلام عليكم ورحمة الله وبركاته
صدقتي اختي كان عندي واحد رميتو منيفعش ومعجبنيش خلاص
صحيح الالوان جميلة لكن لم يعجبني بتاتا
مشكورة اختي على الموضوع الرائع بارك الله فيك
دمتي​

 

[الورد الأحمر]

السلام عليكم ورحمة الله وبركاته
صدقتي اختي كان عندي واحد رميتو منيفعش ومعجبنيش خلاص
صحيح الالوان جميلة لكن لم يعجبني بتاتا
مشكورة اختي على الموضوع الرائع بارك الله فيك
دمتي​

وعليكم السلام حبيبتي

ايه ما حبيتهمش خلاص خلاص خلاص أبدا أبدا أبدا ومضيعة للدراهم برك يغرو غير من برا مي وقت الاستعمال تبان الركاكة.

مشكورة ع دعم رأيي وان شاء الله يتجنبو لبنات هذا النوع حتى ما يضيعوش دراهمهم هكاك

رانا حذرناكم

شكرا ع المرور الطيب حبيبتي

 

[منيني]

السلام عليك
مشكورة على الافادة
اخت راجلي كان عندها وقاتلي ماشي شباب

 

[الورد الأحمر]

السلام عليك
مشكورة على الافادة
اخت راجلي كان عندها وقاتلي ماشي شباب

وعليكم السلام ورحمة الله

العفو حبيبتي كي تكلحت أنا مادابيا ما يزيدوش يتكلحو غيري اي تغيضك تشري حاجة وتلقاها ما صالحاش.

يعني اجتمعت الآراء ع أنو مش مليح

مشكورة ع الإضافة والتفاعل يعطيك الصحة

 

[The queen]

ياحى خخسارت القرع الالوان اللى يسخفوووو

شكرا على الافادة عزيزتي

 

[الورد الأحمر]

ياحى خخسارت القرع الالوان اللى يسخفوووو

شكرا على الافادة عزيزتي

هههه وي
بهاوتهم في الألوان وبرك غير هكذا شغل مخدموني باه تتفرجي فيهم برك مش للاستعمال هههه

والعفو حبيبتي وأهلا بيك

 

[جنة الورود]

يعطيك الصحة على النصيحة حبيبتي

 

[الورد الأحمر]

يعطيك الصحة على النصيحة حبيبتي

العفو حبيبتي من أجل هذا عملنا المنتدى لتبادل التجارب سواء مليحة ولا حايرة

مشمورة على المرور حبيبتي

 

[أم وسيم]

مشكورة على التنبيه
انا بصراحة ما استعملتوش نحب هدى بيوتي
ولكن مرة وصيت الزوج يشريلي فوندوتان
جابلي نوت قالي الغالي يدير الغالي ههههههه
والدرجة قالي نتي خمرية جبتهالك ماهي قاتمة ماهي بيضا
والله كي نديرها تقول هربت من الغسال
صفرا صفرا صفرا تصلح للسومر بزاف
والله راهي تطايش
غدوا منداك عاودت شريت ماك
قتلو غير خسارة الصوارد

 

[الورد الأحمر]

مشكورة على التنبيه
انا بصراحة ما استعملتوش نحب هدى بيوتي
ولكن مرة وصيت الزوج يشريلي فوندوتان
جابلي نوت قالي الغالي يدير الغالي ههههههه
والدرجة قالي نتي خمرية جبتهالك ماهي قاتمة ماهي بيضا
والله كي نديرها تقول هربت من الغسال
صفرا صفرا صفرا تصلح للسومر بزاف
والله راهي تطايش
غدوا منداك عاودت شريت ماك
قتلو غير خسارة الصوارد

ههههههه ضحكيتيني
وي النوت جامي استخدمتو مي لي شفتهم استخدموه حسيتو جاي طباشيري وتاني يبين عيوب البشرة يعني لازم تكون البشرة رطبة مليح ومقشرة مش عليها قشور وما تغسلتش من عام الفراعنة هههه
ماك جامي استخدمتو ونهار فكرت فيه قالو يستخدمو في منتجاتهم اعضاء الحيوانات ومدري واش وخرجو في مظاهرة ضد الماركة مالا ما زدتش فكرت فيه خلاص
مشكورة حبوبة ع الإضافة يعطيك الصحة

 

[Hananour]

جامي جربته الحمدلله شاركتينا رايك فيه خاصة بوقت وقف الاستيراد ععاد السلع مش بالجودة المطلوبة والاسعار غالية

 

[الورد الأحمر]

جامي جربته الحمدلله شاركتينا رايك فيه خاصة بوقت وقف الاستيراد ععاد السلع مش بالجودة المطلوبة والاسعار غالية

وي غروني بألوانهم وكي جربت ا ايدي بانولي عادي ومبعد كي حطيتو وشفت هذاك المنظر يا اختي تقول Neon ههههه

مشكورة ع المرور

 

[السلطانة]

وعليكم السلام انا ديجا تشوكيت في الفوندوتان تاع نوت لي شكروها بزاف وبالغوا في مدحها
ندمت بزاف لي شريتها
وزدتي نبهتينا لاحمر الشفاه باه مكنلاه الوحدة تخسر في الباطل يعطيك الصحة

 

[الورد الأحمر]

وعليكم السلام انا ديجا تشوكيت في الفوندوتان تاع نوت لي شكروها بزاف وبالغوا في مدحها
ندمت بزاف لي شريتها
وزدتي نبهتينا لاحمر الشفاه باه مكنلاه الوحدة تخسر في الباطل يعطيك الصحة

اهلا حبوبة

وي نوت الفاوندايشن لازم البشرة تكون مثالية وفيها ترطيب عالي باه يعطي نتيجة مليحة والا يمد منظر ركيك للبشرة وينشف ☹

مشكورة حبوبة وتسلمي ع المرور