- إنضم
- 16 ماي 2019
- المشاركات
- 873
- نقاط التفاعل
- 2,407
- النقاط
- 66
السلام عليكم ورحمة الله وبركاته
بسم الله الرحمان الرحيم
مساء الخير بنات عساكم بخير ان شاء الله ^^
أهلا بيكم بنات ان شاء الله تكونو كامل بخير وتكون أموركم تمام يا رب
من خلال الموضوع هذا رح أطرح مستحضر أنا استخدمتو ونمد رايي فيه بكل موضوعية
حتى نشارككم تجربتي ويمكن من تجربتي تستفادو وتستخدموه أو تتجنبوه واليوم رح نحكي
على مرطب شفاه من Ruby Rose أو كيما مسميتو الماركة Lip Oil
أولا يرجى زيارة صفحتنا على الانستغرام من أجل مشاهدة فيديو عن المستحضر
ولا تنسوا تدعمونا على صفحتنا وتتفاعلوا مع محتواها
أنا عن نفسي بدوري شفت بزاف بنات ع الانستغرام استخدموه وقالوا عنو مليح فقلت لما لا
نجربو ونعرف بنفسي إذا صح مليح ولا غير تكبير للموضوع ووقت جربتو خذيت رايي الشخصي
أولا لي حبيت فيه:
- يطرب فعلا مليح ويدوم ترطيبو لساعات: بالعادة نحطو بالليل قبل ما نرقد وكي نوض الصباح
نلقاه مازال ع الشفاه ومازال نحس بالترطيب تاعو معناها راه يعمل في وظيفتو
- ريحتو تشهي وفيه شحال من نكهة: كاين هذا تاع الفراولة، كاين تاع التوت، تاع البطيخ الأحمر
وكاين نكهة رابعة ناسية عليها يمكن برتقال إذا ما غلطت
بالنسبة لواش ما حبيتش فيه:
- ماشي فعلا عيب وإنما المشكل فيا أنا ما نحبش أي شي يكون كيما نقولو ملبط وهو تركيبتو
جاي يلصق ع الشفاه ويبقى لاصق شغل ملبط والاحساس هذا أنا ما نحبوش بصح راني نستخدم فيه
غير هكذا ما لقيتلوش فعلا عيب آخر وزيادة على واش حبيت أنو سعرو مناسب للجميع ونظن الكل
يمكنلهم يشروه كيما تقريبا سعر كل مستحضرات هذي الماركة.
السعر: 200 دج
كان هذا تقييمي للمستحضر هذا، وان شاء الله نلتقي في مواضيع أخرى
بسم الله الرحمان الرحيم
مساء الخير بنات عساكم بخير ان شاء الله ^^
أهلا بيكم بنات ان شاء الله تكونو كامل بخير وتكون أموركم تمام يا رب
من خلال الموضوع هذا رح أطرح مستحضر أنا استخدمتو ونمد رايي فيه بكل موضوعية
حتى نشارككم تجربتي ويمكن من تجربتي تستفادو وتستخدموه أو تتجنبوه واليوم رح نحكي
على مرطب شفاه من Ruby Rose أو كيما مسميتو الماركة Lip Oil
أولا يرجى زيارة صفحتنا على الانستغرام من أجل مشاهدة فيديو عن المستحضر
ولا تنسوا تدعمونا على صفحتنا وتتفاعلوا مع محتواها
أنا عن نفسي بدوري شفت بزاف بنات ع الانستغرام استخدموه وقالوا عنو مليح فقلت لما لا
نجربو ونعرف بنفسي إذا صح مليح ولا غير تكبير للموضوع ووقت جربتو خذيت رايي الشخصي
أولا لي حبيت فيه:
- يطرب فعلا مليح ويدوم ترطيبو لساعات: بالعادة نحطو بالليل قبل ما نرقد وكي نوض الصباح
نلقاه مازال ع الشفاه ومازال نحس بالترطيب تاعو معناها راه يعمل في وظيفتو
- ريحتو تشهي وفيه شحال من نكهة: كاين هذا تاع الفراولة، كاين تاع التوت، تاع البطيخ الأحمر
وكاين نكهة رابعة ناسية عليها يمكن برتقال إذا ما غلطت
بالنسبة لواش ما حبيتش فيه:
- ماشي فعلا عيب وإنما المشكل فيا أنا ما نحبش أي شي يكون كيما نقولو ملبط وهو تركيبتو
جاي يلصق ع الشفاه ويبقى لاصق شغل ملبط والاحساس هذا أنا ما نحبوش بصح راني نستخدم فيه
غير هكذا ما لقيتلوش فعلا عيب آخر وزيادة على واش حبيت أنو سعرو مناسب للجميع ونظن الكل
يمكنلهم يشروه كيما تقريبا سعر كل مستحضرات هذي الماركة.
السعر: 200 دج
كان هذا تقييمي للمستحضر هذا، وان شاء الله نلتقي في مواضيع أخرى
-مودتي-
