أم وسيم
:: حواء جديدة ::
- إنضم
- 28 ماي 2019
- المشاركات
- 34
- نقاط التفاعل
- 98
- النقاط
- 16
السلام عليكم حواءات
ان شاء الله تكونو تمام
جيت ليوم بتحلية باردة تصلح لسهرات رمضان
هي
"تحلية الموز والكراميل"
الوصفة لأم وليد عجبتني بزاف وحبيت نشاركها معكن
المقادير
(انا ضاعفت الكمية على حسب افراد الأسرة)
لتر حليب
4 علب ياوورت فلان كراميل اللي فيه الكراميل من تحت
3 الى 4 ملاعق نشاء او مايزينة
3 الى 4 ملاعق كبار سكر (حسب الذوق كاين لي ميحبش الحلاوة ينقص)
بسكويت كوول اللي محشي بالشوكولا
ملعقة فانيلا
و3 حبات موز
وصوص شوكولا للتزين
الطريقة
فكسرونة نحطو لحليب والسكر والنشاء ونحطوه فوق نار متوسطة حتى يثقل
كي يثقل ويغلي نطفي على الكريمة و نضيف ملعقة فانيلا والأربع علب الفلان
ونقطع حبتين موز مربعات نضيفها لهديك الكريمة ولاكان حبيتو البسكويت تاني
(انا حطيتو غير من تحت في الكؤوس)
سكبت الخليط في كؤوس وحطيتهم يبردو وعند التقديم
زينتهم بدوائر الموز درتلم ناباج وحبة جوز وصوص الشوكولا
ويبقى التزيين اختياري
صدقوني تحلية بنينة بزاف ذوق رهييييييييييييب
