شاركينا برنامجك خلال فترة الحجر الصحي

الورد الأحمر

:: إدارة حواء الجزائر ::
طاقم الإدارة
إنضم
16 ماي 2019
المشاركات
844
نقاط التفاعل
2,360
النقاط
66
السلام عليكم ورحمة الله وبركاته
بسم الله الرحمان الرحيم


صباح الخير بنات عساكم بخير ان شاء الله ^^

أهلا بيكم بنات ان شاء الله تكونو كامل بخير وتكون أموركم تمام يا رب
كيف أموركم مع الحجر الصحي؟ ان شاء الله كل أحبابكم بخير وعافية؟!

http://instagr.am/p/B-zDpakjp5y/
بما أنو كلنا في فترة حجر صحي مزامنة مع الأزمة الصحية العالمية وبما أنو طبعا حتى لو كانت فينا
لي بالأصل ما تخرجش بزاف ودايما عايشة فترة حجر بسبب أو بدون سبب وكي عاد الخروج ممنوع
حلاتلها الخرجة وبانتلها بلي راهي تحبست وتحصرت وضاقت روحها 😝

أكيد كل وحدة فينا راهي عاملة برنامج لنفسها حتى ما تقلقش من الحالة لي رانا فيها ومعمرة
وقتها بأمور مهما كانت بسيطة، معقدة أو حتى تافهة بصح المهم راهي تفوت في وقتها
وهي عاجبعا الحال وخلاص 😅 لأنو ما تهمش طبيعة النشاط تهم النتيجة ع النفسية 😝

حبيت الموضوع يكون لينا وكل وحدة تشاركنا روتينها اليومي كيفاش تحول وواش راهي تعمل
في الفترة هذي، واش راهي دايرة، واش من نشاطات عاملة ووو ... إلخ

< رح نحكي ع نفسي بما أني صاحبة الموضوع >
عن نفسي ما عنديش برنامج فعلي من يوم ابتدا الحجر
بالأصل فوتت حجر حقيقي في فندق بما أني كنت خارج الجزائر واستغرق 14 يوم
من أسبوع رجعت ع البيت وكملت الحجر مع نفسي بعيدة ع أفراد العائلة لأنو المرض يمكن يستغرق
28 يوم حتى يظهر ع الشخص أو يكون الشخص مجرد حاضنة ليه ويتسبب في العدوى لكن هو لا يتضرر
بعد ما رجعت ع البيت نسيت أصلا أني نقرا ونسيت مذكرة التخرج تاعي وطيشت كل شي واعتبرت
الفترة عطلة 😅 وراني مفوتة وقتي ع الأقل بالصلاة كل صلاة في وقتها بدون تأخير،قراءة القرآن
ولعب ع PC وكاين حصص مرات نتفرجهم مثلا في الشروق تاع الطبخ أو أم بي سي بيوتي ماتش تاع
جويل، وطبعا شوية سوشيال ميديا ع شوية حواء ووقتي انتهى مع شوية رقاد وقيلولات وبلا ننسى
الأكل لي وليت ما نفوت حتى وجبة يومية وإذا ممكن نقدر نزيد الوجبات عادي 😅

وانتو؟ كيفاش مفوتين وقتكم؟
-مودتي-
 

السلطانة

:: إدارة حواء الجزائر ::
طاقم الإدارة
إنضم
16 ماي 2019
المشاركات
482
نقاط التفاعل
1,693
النقاط
76
وعليكم السلام ورحمة الله وبركاته
ان شاءالله ماتشوفي شر حبيبتي 😘😘😍

بالنسبة ليا روتيني
اعمال منزلية
مع أحمد ونورسين
الحاجة لي حسيت روحي صح استفدت منها حفظ جزء من القرآن وتصحيح الاحكام
ان شاءالله ربي يوفقني ونحقق هدف من خلالو في المستقبل
قراءة القرآن في المصحف
تنظيف غرفتي والمطبخ
هكا حسيت براحة اكثر
التفراج نعاود في عاشور العاشر
والنت وهاذا مكان
وبلاماننسى الاكل وتطبيق بعض الوصفات..
 

كلي أمل

:: حواء نشيطة ::
إنضم
15 سبتمبر 2019
المشاركات
135
نقاط التفاعل
376
النقاط
46
وعليكم السلام ورحمة لله وبركاته
انا عن نفسي وقتي كامل ماكلة ورقاد ههههه
حتى وزني زاد هاذو ليام 😊😊😊
نوض صباح مع شوية شغل وماكلة ورقاد والنت نلقى نهار راح توحشت نمشي هههه
وكيما قلتي الحمد لله صلاتي في وقتها وقراءة القران ربي يقدرنا على ختمه
وان شاء الله شدة وتزول
تنذكر وماتنعاد 😢😢
 

الورد الأحمر

:: إدارة حواء الجزائر ::
طاقم الإدارة
إنضم
16 ماي 2019
المشاركات
844
نقاط التفاعل
2,360
النقاط
66
وعليكم السلام ورحمة الله وبركاته
ان شاءالله ماتشوفي شر حبيبتي 😘😘😍

بالنسبة ليا روتيني
اعمال منزلية
مع أحمد ونورسين
الحاجة لي حسيت روحي صح استفدت منها حفظ جزء من القرآن وتصحيح الاحكام
ان شاءالله ربي يوفقني ونحقق هدف من خلالو في المستقبل
قراءة القرآن في المصحف
تنظيف غرفتي والمطبخ
هكا حسيت براحة اكثر
التفراج نعاود في عاشور العاشر
والنت وهاذا مكان
وبلاماننسى الاكل وتطبيق بعض الوصفات..
عاشور العاشر كنت نوقت بيه كي كنت في لوتال باه نفوت الوقت، ربي يعينك حبيبتي على حفظ القرآن والله يتقبل منك.

أنا لدرك ما مديت يدي لوالو في الكوزينة راني ناكل برك مي ما نشاركش ههه

شكرا ع التفاعل 😘
 

الورد الأحمر

:: إدارة حواء الجزائر ::
طاقم الإدارة
إنضم
16 ماي 2019
المشاركات
844
نقاط التفاعل
2,360
النقاط
66
وعليكم السلام ورحمة لله وبركاته
انا عن نفسي وقتي كامل ماكلة ورقاد ههههه
حتى وزني زاد هاذو ليام 😊😊😊
نوض صباح مع شوية شغل وماكلة ورقاد والنت نلقى نهار راح توحشت نمشي هههه
وكيما قلتي الحمد لله صلاتي في وقتها وقراءة القران ربي يقدرنا على ختمه
وان شاء الله شدة وتزول
تنذكر وماتنعاد 😢😢
هههههه انتي راكي داخلة عليها من اللخر دخلة روس غير اتولهي لا ما تلقايش ميزان يتقبل وزنك في نهاية الحجر الصحي ههههه

بصحتك حبيبتي والله يتقبل منك الصلاة وتلاوة القرآن وكيما قلتي شدة وتزول ان شاء الله.

مشكورة على المرور والتفاعل 😘
 

الورد الأحمر

:: إدارة حواء الجزائر ::
طاقم الإدارة
إنضم
16 ماي 2019
المشاركات
844
نقاط التفاعل
2,360
النقاط
66
تنظيف كل يوم
وسرقة روتينات من يوتيوب 😆
تطبيق افكار
وضع قائمة باخطائي و وواجبات علي لاتعود عليهم
تطبيق طبخات جديدة راجلي مكراش 😍
أهلا حبيبتي ...

رانا كامل مع اليوتيوب علابيها الديبي طاح هههه بصح أنا نتفرج برك وما نطبق والو ومن اللخر ما مطبقة والو ما طلعتليش.

مشكورة على المرور حبيبتي 😘
 

Hananour

:: إدارة حواء الجزائر ::
طاقم الإدارة
إنضم
16 ماي 2019
المشاركات
87
نقاط التفاعل
230
النقاط
51
انا بالاول كنت كارهة ومالة ماندير والو غير اعمال منزلية وطبخ وتربية اما كي طولت الحالة قلت مافيهاش رجعت دايرة توقيت لحفظ القران للاولاد وتعليم الطبخ بحكم اني نمرض بزاف نرات يبقاو بلا اكل قلت نعلمهم حتى يلقاو رواحهم وانا نتعلم الانجليزية كنت بديتها من مدة ودرك رجعتلها بسبب خسارة تعرضتلها من غلطات اللغة فا قررت نتعلمها باذن الله
وطبعا متابعة دروس وتطبيقات لدروس
 

الورد الأحمر

:: إدارة حواء الجزائر ::
طاقم الإدارة
إنضم
16 ماي 2019
المشاركات
844
نقاط التفاعل
2,360
النقاط
66
انا بالاول كنت كارهة ومالة ماندير والو غير اعمال منزلية وطبخ وتربية اما كي طولت الحالة قلت مافيهاش رجعت دايرة توقيت لحفظ القران للاولاد وتعليم الطبخ بحكم اني نمرض بزاف نرات يبقاو بلا اكل قلت نعلمهم حتى يلقاو رواحهم وانا نتعلم الانجليزية كنت بديتها من مدة ودرك رجعتلها بسبب خسارة تعرضتلها من غلطات اللغة فا قررت نتعلمها باذن الله
وطبعا متابعة دروس وتطبيقات لدروس
يعطيك الصحة حبيبتي الإنسان حتى لو بعمر التسعين لازم يبقى يتعلم لآخر لحظة. ع الأقل إذا سألنا ربي ع وقتنا بما أنو ما درناش بيه إنجازات نقولو قرينا وتعلمنا.

بالتوفيق حبيبتي والله يعينك وييسرلك أمورك ويحققلك كلش= شي تتمنايه 😘
 

The queen

:: حواء نشيطة ::
إنضم
21 ماي 2019
المشاركات
188
نقاط التفاعل
488
النقاط
46
السلام عليكم....
انا شغل بديت نوالف 😓😓😓😓
ولات عندى روتين عادى
المهم
انا واختى متقاسمين سمانة نهار بهار على الشغل والعشا
نهار اللى دالتى منعرفش فيه الراحة نهار طوووووول وانا نرحى 😂😂😂😂
وزيد عندنا الوالد الكريم بما انووو قاعد فالدار اللى تكون دارلتها يسودلها السعد التعليق المجانى على كلشي 😂😂😂😂 طبسي وعوج من عند ربي يعلق عليه 😂😂😂😂 وزيد يحب طابلة متنوعةةةةةة وشاملة للعديد من الاطباق 😓😓😓😓
والعشية تلقاينى مع النت منتدى وفايس وربي يسلكها
ومن جيهة خرى

شوى روتين تاع الدار
مى معليه ان شاء الله
يامات وتجوز ومحنة وتفوت باذن الله
الله يرفع علينا الوباء
ونوعدكم ووعد الحر دين نهار
تتنحى الكورونا
تلقاوووووووو امسمى في ذهب ولم يعد طاب قلبي 😒😒
 

Hananour

:: إدارة حواء الجزائر ::
طاقم الإدارة
إنضم
16 ماي 2019
المشاركات
87
نقاط التفاعل
230
النقاط
51
يعطيك الصحة حبيبتي الإنسان حتى لو بعمر التسعين لازم يبقى يتعلم لآخر لحظة. ع الأقل إذا سألنا ربي ع وقتنا بما أنو ما درناش بيه إنجازات نقولو قرينا وتعلمنا.

بالتوفيق حبيبتي والله يعينك وييسرلك أمورك ويحققلك كلش= شي تتمنايه 😘
اللهم امين يارب الله يقدرنا ويكتبلنا كل خير جميعا ان شاء الله
 

Hananour

:: إدارة حواء الجزائر ::
طاقم الإدارة
إنضم
16 ماي 2019
المشاركات
87
نقاط التفاعل
230
النقاط
51
السلام عليكم....
انا شغل بديت نوالف 😓😓😓😓
ولات عندى روتين عادى
المهم
انا واختى متقاسمين سمانة نهار بهار على الشغل والعشا
نهار اللى دالتى منعرفش فيه الراحة نهار طوووووول وانا نرحى 😂😂😂😂
وزيد عندنا الوالد الكريم بما انووو قاعد فالدار اللى تكون دارلتها يسودلها السعد التعليق المجانى على كلشي 😂😂😂😂 طبسي وعوج من عند ربي يعلق عليه 😂😂😂😂 وزيد يحب طابلة متنوعةةةةةة وشاملة للعديد من الاطباق 😓😓😓😓
والعشية تلقاينى مع النت منتدى وفايس وربي يسلكها
ومن جيهة خرى

شوى روتين تاع الدار
مى معليه ان شاء الله
يامات وتجوز ومحنة وتفوت باذن الله
الله يرفع علينا الوباء
ونوعدكم ووعد الحر دين نهار
تتنحى الكورونا
تلقاوووووووو امسمى في ذهب ولم يعد طاب قلبي 😒😒
هههههههه الله يعينكم ويقدركم بعدا التعليقات انا تقلقني مي واش حانديرو ربي يعطينا الصبر وربي يخليلكم والديكم ويخليكم لهم ان شاء الله
 

The queen

:: حواء نشيطة ::
إنضم
21 ماي 2019
المشاركات
188
نقاط التفاعل
488
النقاط
46
هههههههه الله يعينكم ويقدركم بعدا التعليقات انا تقلقني مي واش حانديرو ربي يعطينا الصبر وربي يخليلكم والديكم ويخليكم لهم ان شاء الله
ختى زينة ربي يحفظك حنونة ولك بمثل مادعوتى لى ان شاء الله

التعليقاااات تجيب ليكريز 😈😈
 

الورد الأحمر

:: إدارة حواء الجزائر ::
طاقم الإدارة
إنضم
16 ماي 2019
المشاركات
844
نقاط التفاعل
2,360
النقاط
66
السلام عليكم....
انا شغل بديت نوالف 😓😓😓😓
ولات عندى روتين عادى
المهم
انا واختى متقاسمين سمانة نهار بهار على الشغل والعشا
نهار اللى دالتى منعرفش فيه الراحة نهار طوووووول وانا نرحى 😂😂😂😂
وزيد عندنا الوالد الكريم بما انووو قاعد فالدار اللى تكون دارلتها يسودلها السعد التعليق المجانى على كلشي 😂😂😂😂 طبسي وعوج من عند ربي يعلق عليه 😂😂😂😂 وزيد يحب طابلة متنوعةةةةةة وشاملة للعديد من الاطباق 😓😓😓😓
والعشية تلقاينى مع النت منتدى وفايس وربي يسلكها
ومن جيهة خرى

شوى روتين تاع الدار
مى معليه ان شاء الله
يامات وتجوز ومحنة وتفوت باذن الله
الله يرفع علينا الوباء
ونوعدكم ووعد الحر دين نهار
تتنحى الكورونا
تلقاوووووووو امسمى في ذهب ولم يعد طاب قلبي 😒😒
ههههه أهلا حبيبتي ...

ربي يعينك حبوبة ويقدرك ... واش نكره التعليقات ما نحبهاش أنا ما تتوجهليش بصح نقلق من واحد يعلق ع كلش ونديقوتي ونقدر عادي نخلي الحاجة ما نديرهاش وما نسمعش التعليقات.

معليش درك كل واح راه معمر وقتو بالثاني علابيها التعليقات كثرت بصح فترة ان شاء الله وتفوت.

ربي يهنيكم حبيبتي ويخليكم لبعض ومشكورة ع التفاعل عزيزتي 😘😘
 
Top