مقترحات وزارة التربية لإنقاذ السنة الدراسية وردود الفعل!

الورد الأحمر

:: إدارة حواء الجزائر ::
طاقم الإدارة
إنضم
16 ماي 2019
المشاركات
844
نقاط التفاعل
2,360
النقاط
66
السلام عليكم ورحمة الله وبركاته
بسم الله الرحمان الرحيم


مساء الخير بنات عساكم بخير ان شاء الله ^^

أهلا بيكم بنات ان شاء الله تكونو كامل بخير وتكون أموركم تمام يا رب

الجزائر كمتضرر من المتضررين بالفايروس المستجد اضطرت لتوقيف الدراسة كغيرها
من الدول لتجنب انتشار العدوى وطبعا هذا التوقيف رح يكون ليه عواقب أو تعويضات

والتلاميذ راهم أمام خيارين واحد منهم مضر جدا وهو إعادة السنة أو تقرير سنة
بيضاء على الجميع والثاني تأجيل الدراسة لما بعد الخروج من الأزمة ان شاء الله

وهذا فعلا كان من مقترحات وزارة التربية من أجل إنقاذ السنة الدراسية لكن ردود
فعل الجزائريين كانت رافضة للفكرة وكأنو
راهم طالبين مباشرة ينتقلوا أولادهم
للسنة التالية بلا ثلاثي ثالث وبلا رصيد فكري تاع الثلاث أشهر المتبقية!

شخصيا أرى أنو القرار هذا هو الأقل ضررا حتى ينقذوا العام الدراسي بصح بزاف ناس
قالك كيفاه يقراو ولادنا في أوت في السخانة! بصح رانا نشوفو أطفال في عز أوت
يخرجوا برا ويلعبوا ويجروا في حرارة مرتفعة جدا وشمس حارقة جدا وعادي!
وكي وصلت للقراية عادت مش عادي يعني نظن لي يخرج يلعب في اوت يقدر يخرج
يقرا في نفس الشهر! ولا للعب يخرج وللقراية بزاف عليه!

وانتو واش رايكم في المقترح هذا؟

-مودتي-
 

السلطانة

:: إدارة حواء الجزائر ::
طاقم الإدارة
إنضم
16 ماي 2019
المشاركات
482
نقاط التفاعل
1,693
النقاط
76
وعليكم السلام ورحمة الله وبركاته
شعبنا فرحان وشافها عادي لانو كي عاد الناس كامل راح تعاود العام!
وحطولهم دروس اون لاين قالك منقراوش اون لاين في جميع الاطوار والطور الجامعي حطولهم دروس وكاين لي اساتدتهم صورولهم فيديوات يعني حاجة مليحة بزاف الدراسة عن بعد خاصة للجامعيين وتاني رافضين للفكرة!
اولياء التلاميذ عاجبهم الحال اولادهم داو عطلة سنوية في ميزهم تهناو منهم
يعني حاجة مليحة يقراو في الصيف ويمهدو من درك من دروس اون لاين خير من يروح عام من عمرهم
ان شاءالله ربي يرفع عنا البلاء
 

الورد الأحمر

:: إدارة حواء الجزائر ::
طاقم الإدارة
إنضم
16 ماي 2019
المشاركات
844
نقاط التفاعل
2,360
النقاط
66
@السلطانة
بزاف راهم عاجبهم الحال كيما قلتي وفي بالهم سي بون تهناو من مسألة قراية ولادهم ودرك ما عاجبهمش الحال ع لقراية في أوت بصح عادي كي يخردو ولادهم كي المتشردين في عز أوت يجريو ويعيطو برا وما يخلوناش نقيلو هههه

ولي يعجبك حابين أسهل طريقة أنو ينجحولهم ولادهم طول للعام لي وراه وخلاص بصح كون يقولولوهم ولادكم الكل يعاودو العام ما يعجبهمش الحال.

أنا الشعب هذا حيرني والله كيما يديرو معاه يلقى كيفاش يزيد عليها.

مشكورة ع المرور حبيبتي والله يرفع علينا البلاء.
 
Top