تجربتي خاصة مع مكواة الشعر بالبخار 😍

[أم محمد]

السلام عليكم ورحمة الله وبركاته
كييييفكم حبيباتي

اليوم حبيت نشاركم تجربي خاصة مع مكواة الشعر بالبخار لي راهو داير حالة في فايسبوك ويوتيوب

انا كي شفتو عجبني وحبيت نجربو وزيد كيما وعدت الاخت الغالية@رحاب الجزائرية قتلها غير نجربو نرجعلك بالخبر

المهم مانطولش عليكم هاذ هو


واش نقولك لبنات جربت شحال من نوع لحد الان ماشفتش اروع منو ولله
هااايل هااايل ننصحكم بيه هو صح ثمن غالي بصح ماشي خسارة فيه
ثمن تاعو 1290
مليون ومائتين وتسعون

اول حاجة لاحظتها فيه مايحرقش شعر تبقى شعر يبرق بعد الاستعمال
ثاني حاجة عجبتني فيه درجات الحرارة لي فيه حسب نوع شعر يعني انت تختاري درحة حرارة مناسبة لشعرك

وثالث حاجة مايطولش تم تم تخدمي بيه قد مايكون شعرك طويل او كثيف يعني مايديلكش وقت كبير

ورابع حاجة لي عجبتني فيه خيط تاعو طووووويل يعني قد ماتكون لابريز بعيدة مايهمكش
وانا هاذ كان عندي مشكل كبير هههه

المهم لبنات ماتتردوش اذا حابين تشروه على ظمانتي ههه

ان شاء الله يعجبكم تقيمي ليه
مع تحيااااتي....
أم محمد​

 

[السلطانة]

بالصحة اختي
او سثعت بيه صح هذا الجهاز
وشفت صفحة فيالفايس بووك يبيعو فيه وحبيت نشري شوي جات كورونا بطلت
كي تخدمي بيه شحال يشدلك شعرك وهو شاد لافورم؟
يجي واحد برك ولامعاه بياس خلاف
لاني اصلا نحوس نشري واحد ليا ولبنتي ولميت المبلغ وبقيت مترددة
بين هاذ لامارك ولامارك بايبيليس تاني شكروها بزاف وعجبتني بالبخار حتئ هي وفيها دوبياس واحد صغير وواحد كبير

 

[بسملة]

بصحتك
انا ما نستعملوش ابدا نخاف يحرقلي شعري لكن عجبني هذا اللي حطيتيه
مش خسارة فيا

 

[أم محمد]

بالصحة اختي
او سثعت بيه صح هذا الجهاز
وشفت صفحة فيالفايس بووك يبيعو فيه وحبيت نشري شوي جات كورونا بطلت
كي تخدمي بيه شحال يشدلك شعرك وهو شاد لافورم؟
يجي واحد برك ولامعاه بياس خلاف
لاني اصلا نحوس نشري واحد ليا ولبنتي ولميت المبلغ وبقيت مترددة
بين هاذ لامارك ولامارك بايبيليس تاني شكروها بزاف وعجبتني بالبخار حتئ هي وفيها دوبياس واحد صغير وواحد كبير
مشاهدة المرفق 2082

لالا اختي تجي بياس وحدة بصح صراحة هااايل ماتندميش عليه
وانا كي نستعملو يبقى شعرو هو هو حتى نغسلو
واكيد حسب نوع شعرك

 

[أم محمد]

بصحتك
انا ما نستعملوش ابدا نخاف يحرقلي شعري لكن عجبني هذا اللي حطيتيه
مش خسارة فيا

هاذ مايحرقش شعر لانو بالبخار
اشرييه وقلشي عمرك ماتندميش

 

[الورد الأحمر]

السلام عليكم ورحمة الله وبركاته

مشكورة حبيبتي على الموضوع وإفادتنا بتجربتك يعطيك الصحة ..

أنا نستخدم مملس الشعر من Remington وحبيتو تاني مي ماشي بالبخار عادي يعني .

مشكورة حبيبتي تسلمي على مشاركتنا تجربتك

 

[أم محمد]

السلام عليكم ورحمة الله وبركاته

مشكورة حبيبتي على الموضوع وإفادتنا بتجربتك يعطيك الصحة ..

أنا نستخدم مملس الشعر من Remington وحبيتو تاني مي ماشي بالبخار عادي يعني .

مشكورة حبيبتي تسلمي على مشاركتنا تجربتك

بلا مزية حنونة هذا من واجبي
مام انا كان عندي واحد بلا بخار بصح حرقلي شعري
كي سمعت بهاذ حبيت نجربو ونشوف نتيجة
من اول استعمال عجبني بزاف

شكرا حبيبتي مرورك نور الموضوع