فاوندايشن دارماكول Dermacol (تقييم - Review)

[الورد الأحمر]

السلام عليكم ورحمة الله وبركاته
بسم الله الرحمان الرحيم

مساء الخير عليكم، عساكم بخير

مواصلة لسلسلة Reviews ننتقل لمنتج آخر للتقييم
هو فاوندايشن Dermacol


لي عمل ضجة في يوم ما وكان مطلوب بشكل كبير
لي يميز الفاودايشن هذي أنها عندها تغطية كاملة
وتامة وخافية للعيوب تمام حتى الحروق أو الوشم
يعني هذي نقطة قوة هاذ الفاوندايشن لكن في نفس
الوقت تعتبر نقطة ضعف لأنها ان استعملت ع بشرة مش
نظيفة، مش مقشرة وعليها شوائب رح تتحول التغطية
من تعطية عيوب لإبراز عيوب ورح تكون الفاوندايشن
أكبر سبب في هذا لأنو كيما تغطي العيوب تفضحها

يعني ملخص:
- تغطية كاملة تماما حتى الحروق والتشوهات والوشم
- ترطيب لاباس بيه
- ثبات لوقت طويل طويل طويل
لكن
- ع البشرة الدهنية ممكن يطلع زيوت
- ع البشرة لي عليها ترسبات وقشرة يفضح العيوب

نصائح ع السريع
- لي ما تحتاج تغطية كاملة ممكن تخفف الفاوندايشن
بسيروم للوجه أو زيت أو فاوندايشن ثاني تخلطو معاه
- عمل تقشير للبشرة وتنظيفها جيدا قبل استعماله


بالنسبة للسعر 1700 دج

ان شاء الله يكون التقييم فادكم، نلتقي في موضوع غير

تابعننا على الانستغرام أيضا
http://instagr.am/p/Bz3s9rqgWzt/
​

-مودتي-​

 

[السلطانة]

وعليكم السلام
فكرتيني فيها ههه حتى قلت علاه عدت منشريهاش
لاني بدلتها بفلومار
صح كيما قلتي تغطيتها مليحة وتحسيها ناعمة ورطبة على البشرة
لكن كي تعود البشرة ماش نظيفة حتخدم العكس
تصلح تاني تتخلط مع فوندوتان خلاف اذا حبيتي تخففي من حدة اللون
المرة الجاية نشري وحدها تحكم عجب ههه مليحة للاعراس يعطيك الصحة

 

[الورد الأحمر]

وعليكم السلام
فكرتيني فيها ههه حتى قلت علاه عدت منشريهاش
لاني بدلتها بفلومار
صح كيما قلتي تغطيتها مليحة وتحسيها ناعمة ورطبة على البشرة
لكن كي تعود البشرة ماش نظيفة حتخدم العكس
تصلح تاني تتخلط مع فوندوتان خلاف اذا حبيتي تخففي من حدة اللون
المرة الجاية نشري وحدها تحكم عجب ههه مليحة للاعراس يعطيك الصحة

ههههه مش برك تحكم لي كانت عندي حتى تبيريمات طيشتها وشريت هذي كي غير وين

حتى نسيت النيميرو لي نستخدم أنا من كثر قديمة اللولة وطيشت لومبالاج تاعها.

مشكورة ع المرور والتفاعل حبوبتي

 

[ملكة زوجي]

السلام عليكم ورحمة الله وبركاته
مشكورة حبيبتي على مشاركتنا هذا المنتج
باااااااااااااااااااارك الله فيك في انتظار جديدك
دمتي​

 

[الورد الأحمر]

السلام عليكم ورحمة الله وبركاته
مشكورة حبيبتي على مشاركتنا هذا المنتج
باااااااااااااااااااارك الله فيك في انتظار جديدك
دمتي​

وعليكم السلام ورحمة الله وبركاته

العفو حبيبتي هذا الهدف من المنتدى أنو نفيدو بعض

مشكورة ع الاهتمام والتفاعل الدائم

 

[أم وسيم]

حاسة روحي في citruss TV
ولكن انتي أفضل هوما ينعتولك الايجابيات برك تع المنتوج
وانتي تنعتيلنا الايجابيات والسلبيات او العيوب
مشكوووورة مشكووووورة نور ​

 

[الورد الأحمر]

حاسة روحي في citruss TV
ولكن انتي أفضل هوما ينعتولك الايجابيات برك تع المنتوج
وانتي تنعتيلنا الايجابيات والسلبيات او العيوب
مشكوووورة مشكووووورة نور ​

هههههه واش كانت تعجبني ميثاء نشبها لهيفاء خخخخخ

واش معناها كي نحكي ع منتج وما نحطش عيوبو يعني الهدف انو الوحدة وقت تروح تشري حاجة تكون عندها فكرة باه تعرف تشريها ولا نو وأنا الحاجة لي نجربها ما نبخلش نشاركها

نكمل برك لي كونترول ونرجع نكمل

مشكورة حبيبتي ع المرور يعطيك الصحة

 

[nawel03]

شكرا حبيبتي على هذه النصائح الرائعة. لو ممكن تتكلمي على احسن كريم واقي الشمس. تحياتي .

 

[الورد الأحمر]

شكرا حبيبتي على هذه النصائح الرائعة. لو ممكن تتكلمي على احسن كريم واقي الشمس. تحياتي .

العفو حبيبتي ان شاء الله تستفادي من الموضوع.

رح نحكي ان شاء الله ع كريم واقي الشمس في أقرب فرصة

مشكورة ع المرور الطيب

 

[Amira]

,شكرا غاليتي على هذه المعلومات

 

[الورد الأحمر]

,شكرا غاليتي على هذه المعلومات

العفو حبيبتي ومرحبا بيك

 

[عفراء]

صحيتي خيتي ربي يحفظك على المعلومات
موضوع مهم ننتظر جديدك أن شاء الله

 

[رحاب الجزائرية]

كل حاجة نحوس عليها نلقاها عندك يعطيك الصحة
بغيت نشريها شفت في اليوتيوب شكرونا بصح قالو كاين اصلية وماين تقليد ولي فهمت ان الأصلية تكون في أنبوب نحاسي ماشي بلاستيك درك كي شفت عند الكوسميتيك لقيت لي العبوة بلاستيك قلت اواه راها تقليد وماراحش تعطيني التغطية المثالية ،بصح من تقييمك نظن كيفها كيف الأصلية

 

[الورد الأحمر]

كل حاجة نحوس عليها نلقاها عندك يعطيك الصحة
بغيت نشريها شفت في اليوتيوب شكرونا بصح قالو كاين اصلية وماين تقليد ولي فهمت ان الأصلية تكون في أنبوب نحاسي ماشي بلاستيك درك كي شفت عند الكوسميتيك لقيت لي العبوة بلاستيك قلت اواه راها تقليد وماراحش تعطيني التغطية المثالية ،بصح من تقييمك نظن كيفها كيف الأصلية

أهلا حبيبتي ...


الحمد لله أنني أفدتك ... ايه الأصلية أنبوبها مش بلاستيك تجي نحاسية وفي علبتها تلقاي زي الشريط لي يجي مع الضو ينعكسو ألوان قوس قزح.

الفاوندايشن هذي غيرو فيها ونظن للأحسن لأنو لقديمة لي كانت عندي كانت غير لي عندي درك ... اللولة كانت كثيفة ولازم دايما نخففها بسيروم في حين هذي الجديدة جاية أقل كثافة ومع أنو هكذا مازالني نخففها بسيروم للوجه أو ع الأقل بواقي الشمس.

من ناخية التغطية نضمنلك إذا كانت أصلية راهي تعطيك تغطية كاملة لدرجة حتى الشامات ولا الجروح ولا آثار الحب تغطيهم تماما ع حسب الكمية لي تحطي ودرجة التغطية لي تحتاجي فقط كيما قلت لازم تكون البشرة نظيفة وخالية من الخلايا الميتة وإلا تطبيقها ع بشرة مش مجهزة رح يعطي منظر مش مليح وقشور ومشهد مروّع هههه.

مشكورة على المرور حبيبتي

 

[ام محمد الجزائرية]

انا تاني حاسة ميثاء الي راهي معانا ، مشكورة حببتي ، الفونديشن شيء اساسي في المكياج و مهم التركيز على الماركة و النوعية

 

[الورد الأحمر]

صحيتي خيتي ربي يحفظك على المعلومات
موضوع مهم ننتظر جديدك أن شاء الله

تسلمي حبيبتي والله يحفظك

ان شاء الله نقدر نفيد كل وحدة ولو بمعلومة

مشكورة على مرورك

 

[الورد الأحمر]

انا تاني حاسة ميثاء الي راهي معانا ، مشكورة حببتي ، الفونديشن شيء اساسي في المكياج و مهم التركيز على الماركة و النوعية

أهلا ام محمد نورتي الموضوع

العفو حبوبة وان شاء الله نفيدكم ولو بمعلزمة صغيرة من خلال مواضيعي. وأكيد الفوندايشن شي مهم وهو الأساس يعني بيه يبان مكياجك فخم أو ركيك والنوعية مهمة بزاف كيما قلتي.

تسلمي على مرورك عزيزتي

 

[ام محمد الجزائرية]

أهلا ام محمد نورتي الموضوع

العفو حبوبة وان شاء الله نفيدكم ولو بمعلزمة صغيرة من خلال مواضيعي. وأكيد الفوندايشن شي مهم وهو الأساس يعني بيه يبان مكياجك فخم أو ركيك والنوعية مهمة بزاف كيما قلتي.

تسلمي على مرورك عزيزتي