ما تاكلونيش.... بلا هدرة زايدة .....

[بسملة]

هذا المول ينفع نطيب فيه ولا لا......بدون تجريح وبلا هدرة زايدة

هذي العبارة كتبتها اخت عالفيسبوك وهي تسأل
لانها متوقعة سلفا ان احداهن قد تفكر في مهاجمتها رغم ان سؤالها لا يتحمل اكثر من نعم او لا واللي ما تعرفش تفوت بدون تعليق

اما اذا حكينا عاللي تحط صور طبخ حلويات بيتها ادوات كهربائية..... حدث ولا حرج
كميات من الهجوم والاستهزاء والتشكيك في النوايا *تزوخي nouveau riche هذي شقيتي روحك وتوري فيها للناس.....*
تنمر غير طبيعي *رغم ان البعض من تنشر منشورات تستاهل كليمات بالاك تتربى*
وبالمئات من الردود الجارحة حتى ان المرء يتساءل واش بيهم هاذو؟
كلهن يفهمو ويعرفو ويحقو فقيهات متربيات الا التي سالت اونشرت

والموضوع يصلح جدا لمذكرة تخرج في علم النفس او علم الاجتماع بل ويحتاج الى دراسة وعلاج
هؤلاء النساء انفسهن كيف يربين ابناءهن وعلى اي اساس؟ وما شكل المجتمع بعد 20 او 10 سنوات من الان
مع التاكيد ان المجتمع اليوم لا يخلو ابدا من انواع العنف
والتي يفخر بها الجزائري على انها دم حامي

اين ذهبت الرقة والحياء والعطف وحسن الظن والتواضع
وهي مميزات *خاصة الرقة والاسلوب الجميل الدبلوماسي* انثوية
حتى ان هناك من الرجال لايرد على الهجمات بذلك الاسلوب السيء

مثلا:​

سلام عليكم صح فطوركم إن شاء الله راكم بخير توضيح فقط بخصوص واحد القناة دارت فيديو انه بلوكاتها قناة مليونية أوضحت أنها قناة إمرأة رغم هذا عدة متابعين جاو يسبوا فيا اللوم على صاحبة القناة كانت اولى تذكر إسم القناة او تمد إشارة واضحة ما ديرش الفتنة بين المتابعين مهم انا هذه القناة مابلوكيتهاش و الله مانعرفها و سماح بيناتنا لي غلطوا فيا و صح سهرتكم و ربي يبارك فيكم

هذا كان رجل صاحب قناة طبخ عاليوتيوب
الان مع الردود

الاخت1
الغلطة تاعك قلناااالك ماديرش اشهارات لدعم القنوات ، اخطيك منهم ، عندك وصفة حطها و السلام
ترد عليها الاخت2 و3 ....
واش دخلك فيه يدير ولا ميديرش اشهارات...علاه انت واش تكوني

وتتوالى الردود على هذه الطريقة
هل السبب ان من وراء الشاشة يكون من السهل التعبير بهذه الطريقة؟
يعني من امن العقاب اساء الادب
اين الاخلاق اين الضمير اين الخوف من اجتراح ذنوب نحن في غنى عنها ومع اناس لا نعرفهم حتى وليس لديهم اي اثر او تاثير على حياتنا

اين انوثتك وحياؤك
من انت

في مثل هذه الفضاءات لا احد يعرفك الا منخلال ما تكتبين او تنشرين
من خلال ذلك تخبرين الناس عن تربيتك واخلاقك
فلا تجعلي الله اهون النظرين اليك



​

​

 

[بتول💖]

عندك الصح اختي لحقنا لوقت لاحول ولا قوة الا بالله العلي العظيم

 

[رحاب الجزائرية]

شوفي اختي والله والله والله ثلاثا مانعلق نخاف نقول ان الوصفة عجبتني تخرج وحدة وتقول انت من الجيش الفزاني ولا حلابة ولا لا هههههه نشوف ونخرج أما حاجة ماعجبتنيش مانشوفش أصلا نقرا تعليقات وردود عجب نقول لا تربية لا أخلاق وخاصة من النسا
لذلك مستحيل نعلق عند أي وحدة ولا على أي منشور

 

[السلطانة]

وعليكم السلام ورحمة الله وبركاته
الفايس بووك سبيطار كبير
فيه الكثير من الذنوب والسيئات
والتنمر تاع النساء زاد عن حده
لانو مكانش ردع مكانش قوانين لرواد هذا الموقع
واليوتيوب كذلك كمية التعليقات السلبية في القنوات لاحول ولاقوة الا بالله ميلقى الواحد واش يقول فيها
مرات ايضا المحتوى كارثي
كون كل واحد يتلهى بروحو معجبتنيش قناة منتبعهاش ومنردش ومتنمرش
ونربح ذنوب
المشكلة مشكلة اخلاق في هذا المجتمع
لم نتعظ من كورونا فماذا ننتظر !!
مشكورة اختي لاثارة هذا الموضوع الذي يعتبر حدث هذه الايام

 

[بسملة]

@رحاب الجزائرية
والله صح ولى الواحد يخاف يرد ولا يقول كلمة حتى الدعاء ندعي في قلبي ونفوت

 

[بسملة]

@السلطانة
هذاك هو المشكل كورونا ومخلفاتها وما اثرتش فينا
ما عرف واش نستناو كثر من هكذا

 

[Hananour]

والله كلنا كرهنا من هتذ العقليات مرات الوحدةةترد بحسن نية تلقى هجوم رهيب وكون غير يستاهل الامر يعني وصلت بهم التفاهة واقلب الاسود لدرجة ماتتصورش انا وحدة من ناس عانيت عانين للاسف عقلية ماتتبدلش اما مواقع التواصل حاشة الي مايستاهلش ولا زريبة ل خ........ مايعرفوش طريق للكلمة الطيبة نهائي ربي يهدينا وخلاص

 

[بسملة]

ربي يهدينا
ما عرف وين رايحين

 

[ام محمد الجزائرية]

والله عندك الحق كارثة كارثة منيش عارفة علاه التنمر هذا راه غير زيد
ناس كامل ولات تفهم ولا واش
نورمالمو اول حاجة نتعلموها هي آداب النقد وهذي للأسف رني نشوف فيها منعدمة
سلط الله علينا كورونا بلاءا للنتعظ ولنراجع حساباتنا بصح رني نشوف وحد الجهل لا اله الا الله سبحانه وتعالى كارثة كارثة