قاطو العيد عجنة وحدة زوج انواع

[السلطانة]

السلام عليكم ورحمة الله وبركاته
طيبت هاذ القاطو للعيد

استعملت زوج عجنات
250غ زبدة +زوج بيضات+كاس سكر غلاس+فاني خلطتهم مليح زدت عليهم زوج مغارف كاكاوو+كاس نشاء مباعد الفرينة والخميرة حتان تحصلت على القوام المطلوب

كعبرتهم وطيبتهم زينتهم بالشوكولا وخطوط الشوكولا






العجنة الثانية نفس المكونات زدت منكه الفراولة وبدلت الشكل فقط
التزيين عملت كاكاوو مع سكر خشن وشوي نوا دكوكو وحبات نوا دكوكو وحدو وفي الوسط شوكولا








اتمنى ان تعجبكم الوصفة في امان الله

 

[السلطانة]

وهاذي جرائم ابنتي قاتلي نزينلك القاطو ههه

 

[الورد الأحمر]

السلام عليكم ورحمة الله وبركاته

يعطيك الصحة تاكلوهم بلهناء وتعيطو بالصحة ان شاء الله.

مي لي دارت المجرمة هذيك خير من تاعك ههههه

ربي يحفظها ويكبرها في طاعتو.

مشكورة ع مشاركتنا الوصفة بارك الله فيك

 

[Just faith]

يعطيك الصحة على الوصفة

خرجولك لزوج هايلين وحتى لي دارتهم بنتك ماشاء فنانة ربي يحفظها

مشكورة حبيبة وتعيدو بالصحة والهنا

 

[kheira khiro djanet]

السلام عليكم ورحمة الله وبركاته
ياسلام عليك غاليتي تسلم الايادي تاكلوها بالصحة والراحة . بالصح تاع بنتك احلى

 

[ملكة زوجي]

السلام عليكم ورحمة الله وبركاته

يعطيك الصحة ماشاء الله خرجلك هايل تكلوه بالصحة والهناء
انت معليه بنوتة نتاعك ربي يحفظهالك زينتلك لقاطو انا بنتي فرغتلي في العجينة قازوز هههههه عاودتها كامل

مشكورة اختي لمشاركتنا بارك الله فيك​

 

[بسملة]

روعة يعطيك الصحة

 

[The queen]

السلام عليكم....
يعطيكم الصحة ههههههههههه انتى ومخربة تاعك هههههههههه ربي يحفظهالك ختيتوو
تسلم ايدك
عيد مبارك

 

[Hananour]

ماشاء الله تبارك الرحمن يعطيك الصحة وبنوتك ربي يخليهالك ديكوراتولك خير من تاعك انا بناتي صنعت صابلي وكرهت قتلهم اندبوه كما تحبو انتم حاتاكلوه ساعة داروه روعة والله رحمة ربي لبنات راحة

 

[ابنتي سعادتي]

يعطيك الصحة