مساعدة بخصوص المطبخ

[أم يحيى ة إخوته]

السلام عليكم و رحمة الله و بركاته

كيف أحوالكن حوائيات؟؟ آمل أن تكن بخير

هاذا اول موضوع و اول مشاركة لي في هذا المنتدى و اتمنى القى تفاعل منكن

بعد شهر باذن الله رح نكمل المطبخ ديالي في داري الجديدة و حابة تقترحو علي كيفاش ندير الألوان؟؟ يعني لون لافايونص و لون البلاكارات و ليزيليمو و البوطاجي لأني بصراحة تشتت و ما قدرتش نخير و ربي يرزق كل محرومة بالسكن اللي تحلم بيه

بانتظار ردودكن حبيباتي فلا تبخلن علي

 

[أم الزهراء]

اولا مبارك عليك السكن الجديد عتبة مربوطة ان شاء الله
ثانيا عموما ماهي الألوان اللي استعمالها في كل البيت و بإذن الله اعطيك اقتراحات

 

[رحاب الجزائرية]

مبروك السكن اختي

شوفي ديري الحاجة لي تمنيتيها ابتعدي عن الألوان مثل الأبيض مع انه رائع ومضيء لكن الوسخ يبان فيه بزاف والأحمر نحسه يغم المطبخ

وعلى ليزيليمون ديري لون كيما الرمادي أما الأسود بيانو فيه لمسات يديك وتاني الغبرة المهم لونهم يكون يجي مع أي لون

أنا خليت لون الاتر الأصلي نقدر ندير معاه أي لون متاع اليتائر والأواني والأجهزة الكهرو منزلية


وإذا. رايحة ديري فايونص كامل للمطبخ نشجعك تتهني من الصبيغة كل مرة وسهل التنظيف الأبيض ولا الأصفر

أنا مطبخي ابيض واخضر باهت مساعدتي في التنظيف


أتمنى تشاركنا صور من مطبخك ومبروك مرة أخرى

 

[Hananour]

صراحة في هاذ الامور مانقدرش نفيدك يعني الافضل ادخلي للبنتريست وشوفي صور المطابخ وخوذي فكرة علبالي تلقاي بزاف لان الاذواق تختلف وانتي الوحيدة الي تقدري تقرري

 

[الورد الأحمر]

السلام عليكم ورحمة الله وبركاته

مبروك أولا دارك الجديدة

بالنسبة ليا الأبيض هو الأحسن يعطي إيحاء أنو المساحة كبيرة ويعطي راحة للعين وضيفيلو لمسات بالديكور فقط حتى تكسري اللون يعني الأواني لي تشريهم للكوزينة خلي ألوانهم تكون حلوة حتى تعطي لمسة مليحة للمطبخ.

مبروك مجددا

 

[حبيبة أمي]

ربي يكملك ختي و مبرووووك عليك العتبة الجديدة

 

[أم يحيى ة إخوته]

السلام عليكن و رحمة الله و بركاته
نقول لكل وحدة دخلت لموضوعي و علقت و باركتلي ربي يبارك فيك حبيبتي و ربي يرزقك ما راكي متمنية و أكثر
بالنسبة لمطبخي مازال ما خيرتش مع كورونا تعطلنا بزاف خاصة داري فولايتي الساحلية و حاليا راني ساكنة فالصحرا مع زوجي و ما قدرناش نتحركو من بلاصتنا...ان شاء الله يروح الوباء و نرجعو لحياتنا الطبيعية و اكيد رايحة نشارككم كل شي لأني علابالي ما تبخلوش علي بالمساعدة