الحديث قياس مع ام عبد الباري

أم عبد الباري

:: حواء جديدة ::
إنضم
20 أفريل 2020
المشاركات
9
نقاط التفاعل
18
النقاط
15
#لحديث_الزين_مع_ام_الباري
بسم الله ابديت وعلى النبي صليت ...عليه الصلاة والسلام .لحكاية نحكوها والعبرة ندوها وعلى الله انخلوها 🤗🤗
كان راجل صالح مولا خير اومال ابسط اعليه ربي بشوي ادراهم زيادا قال نحفر بير واندير بسان اكبير وانركب فيه اعيون يسهل للناس باه يعمرو ويشربو...وكان كما كان الحال والناس فرحت واسهل اعليهم الامر والسقايه وعاد يدعولو اوعادت صدقة جارية ليه ....بعد ايام صبحو اصباح القاو البسان مليان اتراب واحجر ....جاو خدام السيد وقالولو واش القاو في البسان ...قال لا حول ولا قوة الا بالله اشكون ليفسد حاجة الخير او صدقة ياك تاع ناس العامة ...قالهم نقوه واخلو الناس تسقي اوتشرب...وكما كان الامر نقاوه واناس عمرت ولغنم شربت ...غذوى نفس الشيئ القاوه مليان اتراب واحجر ...قالهم السيد ادسو الليله او عسو اشكون لي يجي بلا ماتكلموه ولا تحكموه ....وادسو الرجال وشافو لجا تم اتصدمو 😲 راحو لسيد اتاعهم وراسهم في الارض حاشمين ومتردين واش يقولو ليه😞 ...قالهم غير قولو اشكون قالو ولد عمك فلان هو لي دار هاك .....قالهم كي لي ماشفتوش ولا جيتوني هذا لخبر مايخرجش منا وان شاء الله نلقى حل ...اصبح الصباح راح السيد للسوق اشرى خيرات ربي ...اللحم وفاكيه اومصروف اكبير وراح لعند ولد عمو طبطب الباب افتحلو قالو خير واش جابك 🤨قالو السيد اسمحلي ياولد عمي اتوحشتك جيت انطل اعليك وراني عارف بلي اتلهيت اعليكم بهموم الدنيا بصح ربي عالم قلبي عندكم وماننساش لمتنا او عشرتنا مع بعض 🙂وما اجبدلوش على البسان ولا على اي حاجة وادخل للدار ريحو راحة زينة مع بعض او ضحكو واتفكرو ليام ولقلوب اصفات 🙂🤗 ناض السيد و قال لولد عمو سامحني كون مش الخدمة كون راني زدت اقعدت امعاك اكثر وان شاء الله مزال انعاودها وارواح انت تاني اريحو وانقصرو لعشيات في اجنان كما كنا ☺ارجع السيد للدارو و قال للرجال عسو اليوم واش يصرا في البسان 🙂طاح الليل جا ولد عمو للبسان وابدا ينظف فيه ويمسح في لعيون ويغسل في لبادن 😊 اتعجبوا الرجال هذا لكان يامس ايوسخ فيه اليوم راه ينظف فيه راحو للسيد قالولو واش اصرا قالهم ربي يغفر لينا اداتنا الدنيا على الاهل والاحباب ... كانو محتاجين انشوفوهم هما قبل الناس .....واحنا نقولو ياحراير حتى لو هذي احكاية برك بصح ليها معنا اكبير في وقتنا هذا ... اذا ابغينا نتهناو من المشاكل مع اهلنا و الناس ولحباب لازم كل واحد يحسن عون الاخر ومانقابلش الشينة بالشينة باه تتصافى لقلوب ..يما خاوا واولاد عم جيران مع بعضهم بصح واحد ماهو سامع بلاخر ويما خوت لباس بيهم ماديا
واختو ولا خوه بايتين بلا اعشا ولا محتاجين قيمةاطبيب ...يما اولاد لهاتهم الدنيا على والديهم او خاوتهم وعادو ناسيينهم ومش ام سولين فيهم ...ناس بكري قالو ..الي يحوس على الصح يصيب اوعنقود لعنب يتكل بالحبة والحيط بلا ساس يعيا وايريب والحق الا احظر الباطل يتخبى والغراب عمرو لا يشيب والسبع عمرو لا يفرط في اللبه والعبد لقبيح مايبقالو احبيب ولي نذل عمرو ما يتربى .... وعمرك دمك ماتبعد اعليه اوعمرك خوك ماتجافيه حتى لوكان هو جفاك خلي بابك محلول وازمان يعيا وايربيه ويعرف قيمة خويا..وديري في بالك الذيب عمرو ماكان احبيب والحية عمرها ماكانت اوخيا ....اشحال من تاج فوق الراس اعواج واشحال من ظنو ارواحهم اسبوعا وهما غير انعاج ..واهنا كملت ام عبد الباري حكاية اليوم .وربي يلم شمل الاهل والخاوا ولحباب وربي يحنن لقلوب ويزين ليام وترجع الدنيا بالنية كما ازمان امين يارب وتصبحو بخير ياوجوه الخير😘😘🤗
 
Top