استفسار عن الدراجة الرياضية الثابتة....هل من تجمع هنا لانقاص الوزن؟

[متفائلة]

السلام عليكم ورحمة الله وبركاته
حياكم الله اخواتي
سعيدة بانضمامي لهذا المنتدى النسوي
واول موضوع لي:
1- استفسار عن سعر الدراجة الرياضية الثابتة تكون جديدة وليس مستعملة .
2-هل مفيدة للكرش وشحوم الفخذين؟
3-أي أخت عندها تحكيلنا عليها وربي يجازيها خيرا.
4-أتمنى يكون عندنا ملتقى أو تجمع بين العضوات الي يحبو انقاص وزنهم ويكون موضوع من اجل الحماس والتنافس .
وشكرا​

 

[الورد الأحمر]

السلام عليكم ورحمة الله وبركاته

أنا عندي دراجة أوربتراك لي تجي من النوع هذا



وطبعا هي مفيدة والعمل عليها يعتبر من تمارين الكارديو وطبعا الكارديو يستهدف كل الجسم ويساعد في التخسيس وحرق السعرات الحرارية.

بالنسبة لسعرها مش متفكرة تقريبا شحال بصح نظن لا تتجاز 3 ملاين إذا ما خانتني الذاكرة.

أما بالنسبة للدهون سواء في الكرش أو في أي منطقة أخرى مهما كان الجهاز لي تستعمليه في المساعدة على حرق الدهون يبقى العامل الأساسي الأول لي تركزي عليه هو الأكل والابتعاد على المأكولات لي تسبب تراكم الدهون في الجسم.

ان شاء الله تكون لمشاركة تاعي فادتك وأي تساؤلات أخرى حول الجهاز راني هنا.

ومرحبا بيك في المنتدى نورتي حبيبتي

 

[متفائلة]

وعليكم السلام ورحمة الله وبركاته
جزاك الله خيرا اختي الورد الاحمر افدتني كثيرا ربي يبارك فيك

 

[متفائلة]

اختي الورد الحمر المشكل تاعي نهار كامل صايمة ما نقدرش ناكل والو وكيجي الليل نجوع تتفتح الشهية غصب عني مش برغبتي ما نحبش ناكل فطور الصباح ما نقدرش نشرب غير ماء ولغدا على 2 ولا 3 نتش منا ومنا مش حتى ماكلة قد قد ما نقدرش كيجي الليل تتفتح شهية ما عنديش وزن زايد مشكلي الوحيد الكرش

 

[الورد الأحمر]

السلام عليكم ورحمة الله وبركاته

العفو حبيبتي هذا هو الغرض من المنتدى أنو نفيدو بعض.

بالنسبة لمنطقة الكرش هي المشكلة عند بزاف بنات والمشكل أنو الكرش هو آخر شي يروح منو الدهون يعني لازمتها خدمة كبيرة هههه

المهم حتى اذا تاكلي في الليل اتجنبي الحلويات، اتجنبي المشروبات والأمور لي تعرفيها تسبب الدهون.

بصح من بين الأمور لي تخلي الوحدة تقدر تتحكم في جسمها هو الأكل الصحي والوجبات المنتظمة يعني مش كيما قلتي تتجاهلي الوجبات وتاكلي في الليل. لازم تحاولي تحافظي على وجباتك وتخلي جسمك يتعود على الوجبات في وقت معين ومبعد وحدو وقت يوصل الوقت تاع الأكل تحسي بالجوع.

ان شاء الله أي وحدة أخرى عندها نفس المشكل تشارك معانا في الموضوع.

 

[متفائلة]

وعليكم السلام ورحمة الله وبركاته
ربي يبارك فيك غاليتي
وهذاك المشكل على ذيك حبيت وحدة من الاخوات تكون عندها خبرة في انقاص الوزن والرجيم دير لينا تجمع ونشاركو كامل ونحمسو بعض

 

[الورد الأحمر]

السلام عليكم ورحمة الله وبركاته

تبعي برنامج معين من التمارين الرياضة يكون منوع يستهدف كل مناطق الجسم. المناطق لي أصلا ما تحتاج لحرق دهون رح تقوى عضلاتها فقط والمناطق لي تحتاج تروح منها الدهون رح أولا تبدا الدهون تتحرق وفي نفس الوقت العضلة تبدا تتخدم ومع المواصلة رح العضلة تصير أقوة والدهون تختفي. وطبعا برامج حرق دهون مش بناء الجسم حتى ما تصيرش العضلات رجولية.

أنا في الصيف تبعت برنامج تاع كلوي في اليوتيوب اي معروفة في المجال هذا ولقيت نتيجة مليحة بزاف وحاليا حبست التمارين

 

[السلطانة]

اهلا اختي
منيش مجربتها من قبل
لكن مجربة دايت والاكل الصحي
قبل منحمل بابني حاليا منيش عاملة ولانظام صحي بسبب الرضاعة
ممكن اذا كبر ابني اشارككن روتيناتي اذا كتب ربي.

هي تساعد بزاف
اذا شريتيها متنسايش تشاركينا بيها